<انولد الطغيان>
بارت 37
الكاتبة سجى المالكي
اللهم صل على محمد وال محمد
••••••••••••••••••••
صفوان،
واكف بباب العمليات
طلعوا الممرضات يتراكضن الفتهمته مودة راح تولد
رحت للدكتور-فهمني صاحبي شلونه؟
-يم الله بقت
بهت وجهي خايف
نقلوا سيف للعناية المركزة
شويه وكالوا مودة جابت
طلعت الممرضة شايله طفل
تقدمت نحوه مبتسم وشلته
بسته- يروحي شهل جمال، اللهم صلِ على محمد وآل محمد، يارب اجعل قدره وحياته افضل من حياة سيف يا الله
دمعن عيوني شفته ينطي شبه لـسيف
همست-كوم سيف وشوف ابنك
انطيته للممرضة وتنهدت
اجو اهل سيف ورشا وياهم شافتني وحضنتني تبجي-كُلي اخوية وين؟
-مابي شي كافي مو زين عليج
ابتعدت مني -ومودة وين؟
-مودة ولدت
الكل انصدم
صاحت ام سيف- شلونها؟ والولد وين؟
-بخير اثنينهم
اخذتهم وشفنا الولد من بعيد
رشا-شراح نسمي؟
رديت-ننتظر سيف يسمي
مر يومين وسيف صار زين اني طول هاليومين مارحت للبيت ورشا من تروح لبيت اهلها
ابوي ما عرفت شي عليه ومحد يمه
كاعد يم سيف وهو لازم ابنه
-يروح ابوك لك طركاعة مو ولد
ضحكنا
سيف-شوفه صفوان يشبهني خرب بلـشتك ولك
ضحكت-يخبل مثلك
باسهُ مُبتسم
كلت-مودة ماقبلت تسمي رادتك انتَ تسمي
صفن على الطفل ثواني وكال-جود، اسمي جود
ابتسمت- يامحلاتهُ ومحلا اختيارك
ابتسم وباوع لــجـود
كلت-رايح شوية واجي
رحت طلعت من المستشفى دخنت جكارة وراها دخلت للمستشفى
سجلنا خروج وطلعنا سيف ومودة
دخلنا لبيتهم واطمنت عليهم بخير صاروا
كعدت بالحديقة على الارض ادخن
اجتني رشا- هم مريت على عمي
-جؤ، وانتِ
-ماجان عقلي براسي وماكدرت اروحلهُ خطية عفنا وحدهُ
-وشيصيرلهُ مثلاً؟ صلّ ماعليهُ شي
-لا صفوان لتحقد عليهُ لاتنسى حتصير اب
زفرت-قابل راح اربي ابني مثلما هو رباني؟ ابني احطهُ بعيوني، ابوي شسوالي مثلاً وشتذكر منه اني بريت بي علمود الله
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
