انولد الطغيان

16

<انولد الطغيان>

بارت 16

للكاتبة سجى المالكي

تصويت ومتابعة لطفا
•••••••••••
قراءة ممتعة
||||||||||||||||
صفوان
كاعد وراسي منحني مقهور من السمعته
سيف حالته مو احسن من حالتي
صافن بالفراغ وهادئ

كمت -لازم نلكى حل، الامور مو هيج تنحل

رد-شسوي يعني اذا انس قافل موبايله وما ادري وين ماخذ حبيب

-خاف يقتله ويتورط هسة شلة بهالدوخة احذف التسجيلات وخلص

تنهد-هذا انس اذا مايندم حبيب مايرتاح

صفوان-وهيج تكب الحرب بينهم لان تعرف حبيب ماراح يسكت لـ انس

سكت ،

عفته وطلعت من الغرفة اتصل عل انس وماكو رد منه
تخبلت هذا وين اخذ حبيب شراح يسوي بي

لليل اني وسيف ميتين من الرعب وعل ساعة يجينا خبر موت حبيب والقاتل انس
ثنينهم اعزاز
صح حبيب غلط بس مو معناها ينقتل

اتصل انس عل سيف وهو كمز من مكانه
جاوبه بصياح

-لك انس وينك شمسوي بالولد بداعتي عوفه ولك هذا حبيب صديقنا شجاك!! معقولة كلبك هالكد قاسي اعرف غلط هو بس مو معناها تاخذه مدري وين وتعوفنا بقلق

جان فاتح سبيكر واني اسمع

حجى انس- ماسويتله شي بس كم ضربة وانتهى الموضوع

عاط سيف- لاتكلي موتته خلاص

انس-لا هذا جنه بزون مايموت

نترت-انس لاتسوي هيج عوفه وامسح التسجيلات وكلشي ينتهي

-تؤ ما افوتها اله صفوان لاتحاول

سيف- اذا سويت شي لـ حبيب انساني

نتر- انتم المفروض توكفون وياي لان هو ابتزني وضحك عليّ ليش تدافعوله وهو الغلط بحقي

اردفت-بس احنا اصدقاء ونحلها بطريقة ودية امسح التسجيلات ودامك ضربته هذا هو لاتسوي شي تندم عليه بعدين

زفر - وحركان كلبي شلون بي؟

سيف- انت اخذت حقك منه بعد شتريد بقى بس تقتله

انس-اريده يتأدب

اردفت-هو تأدب بعد واصلا كلمن يروح بطريقه بعد لاهو يختلط بيك ولا انت

انس- هم عوزها اصاحبه بعد اليصار

باوعت لـ سيف وهو باوعلي
انقهرت من انتهت صداقة انس وحبيب
بس صار اليصار

سيف- انس عوفه وخلي يروح بحال سبيله

انس-معليك انت يلا ولي من كبالي لاتبقى تتصل بيه ترى احظرك

حجاها وغلق الخط،

تنرفز سيف وبقى يسبه،

سكتت وما انطيت رده فعل