<انولد الطغيان>
بارت 18
للكاتبة سجى المالكي
تصويت ومتابعة لطفاً
من جهلي اسميتكِ وطني
ونسيت ان الاوطان تُسلب
••••••••••||||||
صفوان
طكيتها ركضه وجان انصدم ابوي وحده وطيف ماكو
رخت ملامحي
همست -طيف وين؟
نتر ابوي -ولك صفوان ذولي جماعتك شعدهم هنا عبالي حراميه داخلين للبيت انت شلون تأمن تخليهم وحدهم بالصاله شنو عقل ماكو براسك ابقى اعلم بيك يالفاهي
تجاهلت كلامه واردفت -طيف وين
ماجاوبني وراد يدخل ليجوا
اعصابي تلفت كلشي ولا اختي
لزمته من ياخته وصرخت -طيييف وين
سيف- عل كيفك صفوان
رد ابوي -نزل ايدك لك جبان تستقوي عل ابوك
انس-خاب انجب هم حاسب روحك اب
نترت-طيف وين جاوبني شسويت بيها
رد-شسويت قابل هو رحت زوجتها
رخت ملامحي
نزلت ايدي من ياخته مصدوم بقيت اباوعله ممصدك شنو زوجها هاي شوكت
اردفت -شنو شنو ماسمعت عيد شكلت
دفعني بخفة
-شو دوخر مابقى بس انت تحاسبني
عافني وطب واني بحالة صدمة
صرخت وبقيت اغلط عليه وسيف يسكتني وانس يصيح وياي ويغلط
اخر شي سحبني سيف وطلعني برى البيت واني ابجي
انس -يمعود كول غيرها عل شنو تبجي هسى كلك قتلتها هو زوجها
سيف-انس اللصم احسلك ماتشوف حالة الولد
انس-بس الموضوع مايستحق البجي
نتر- انس كافي
بقوا يتجادلون واني دموعي تنزل مقهور شلون يزوجها شنو حالتها هسة اكيد مموافقة
كطع تفكيري المطر الي نزل وبلل راسي
حجى سيف- امشوا يولد مطرت
انس- يلا صفوان كوم
بقيت ساكت والمطر يبلل شعري صار عندي هدوء وسكينة بداخلي ما اعرف شنو السبب
رفعت راسي اباوع للسما شلون تنزل قطرات المطر وتلاعب خلايا وجهي
احساس حلو رغم اني ما احب المطر بس هالاحساس خلاني ساكن وهادئ
سحبني سيف من ايدي ومشينا
طول الطريق ساكت وهادئ وانس يحجي هو وسيف
طبينا للكوفي وكعدنا
انس نزل نركيله هو وسيف واني عيوني ليبرى اباوع عالشارع
همست- هسة اجي
انس- وين رايح بسلا لابوك بشرفك صفوان اكعد
ترى طيف ماماتت وتكدر تروحلها بغير وكت وتزورها ببيت زوجها شكو بعد! يجوز احسن الها تزوجت مو انت دائما تحجي ان رب العالمين ميسوي شي الا بي صالح النا
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
