انولد الطغيان

البارت الاخير

<انولد الطغيان>

البارت الاخير
•••••••••••••

صفوان،
الصبح كعدتني رشا باوعتلها وكلت-طيف وين

تنهدت-ماتقبل تاكل شي وكاعدة بغرفة عمي حالتها كسرت گلبي

سكتت وكمت من فراشي غيرت ملابسي وطلعت من الغرفة
رحت لـغرفة ابوي دخلت لكيت طيف كاعدة هادئة

تقربت يمها وكلت-طيف ليش تسوين هيج بروحج يابعد اخوج كومي اكلي لكمة وجهج اصفر وعيونج تعبن من البجي

-ما اشتهي اكل

-لـخاطري كومي

طيف-صفوان عوفني اني تعبانة ومالي خلك لـشي

تنهدت وكعدت يمها -الحل شنو! مثلا نبجي ونلطم طول العمر!!!

-لعد ننسى ابونا ؟

-لا نذكره بدعوة تفيدهُ وتغفرلهُ

-احساسي يكلي ابوي مامرتاح بكبرهُ وماكدرت انام الليل من ورى هالأحساس

مسحت وجهي بحيرة
كلت بتردد-يتعذب مو

دمعن عيونها وهزت راسها ساكتة

استغفرت ربي ما اعرف شسوي
كلت-خل نسويلهُ ثوابات واقريلهُ قرآن

-ماينغفرلهُ ليش نسيت هو جان يشرب
وعمره ماصلى

سكتت مقهور شيصير لو مفكر بأخرتهُ وماخلص عمرهُ يصرف فلوسه على الشرب وماركع وسجد لله

عفت طيف وطلعت من الغرفة
اجتني رشا-ها شصار

-ماتقبل تكوم تكول احس ابوي يتعذب

شهكت وخلت ايدها على حلكها
اني مشيت ورحت للصالة كعدت افكر شسوي ويخف العذاب على ابوي

كعدت يمي رشا وطبطبت عل ايدي-الله رحيم بعبادهُ لاتشغل بالك

باوعتلها-بس ابوي سجدة ماسجد لله شلون نريد يغفرلهُ؟

-بقت يم الله يابعد روحي لاتنقهر

هزيت راسي ساكت
كالت-اجيبلك الريوك؟

تنهدت-لا طالع لـسيف اغير جو انتبهي لنفسج وعلى ابنا

-انتَ بعد انتبه لـروحك

بست خدها وطلعت من البيت
احس اريد ابوي ومشتاقله هو من تزوجت رشا تغير وكام ميحجي ويغلط
وجان ينصحني اهتم برشا

رحت لسيف كعدنا بالحديقة

تنهد-لاتبقى ضعيف وصير قوي بعد انتَ المسؤول على طيف ولازم تكون كدها

-تعبان ومخنوك احس الدنيا من تشوفني جريت نفس تكفخني

عدل كعدته-خل نكون واقعيين ترى ابوك ماجان زين لا وياك ولا ويا طيف بلا طيف مجان يضربها وشويه احسن بس انتَ لازم ماتنقهر لان ماسوه شي زين وياك