انولد الطغيان

بارت 26

<انولد الطغيان>

بارت 26

للكاتبة سجى المالكي

اللهم صل على محمد وال محمد

تصويت ومتابعة لطفاً
••••••••••••••••••••••

سيف،
راحت مودة واني بقيت محتار شسوي لازم انقذها
اجت ببالي الشرطة اي ماكو غيرها

بقيت ادور بموبايلي ما لكيت رقم الشرطة بقيت بحيرتي

طلعت من المعهد وتوجهت للمركز
وصلت
وكتلهم كلشي وجهزوا دورية نروح ننقذ مودة،

طول الطريق ادعي مودة بخير وماسواها انس

وصلنا لشقة انس ونزلوا العساكرة واني وياهم

اقحتموا الشقة ودخلت وياهم وياريتني مادخلت
ياريت العمى صابني ولا اشوف هيج منظر مقرف بمعنى الكلمة
انس بس شافنا كبل طفر من مودة ومودة غطت روحها وتبجي

الضابط بصق على انس وگله اللبس لا نطلعك بالشارع هيج
انس انرعب باوعلي مصدوم ما اتوقع اني اجيبهم
ما اهتميت اله بكد مامهتم بمودة
لبس انس وطلع وياهم

تقربت لـمودة وهمست خجلان منها-اسف والله

زادت بجي -سيف تدمرت اني، ضاع شرفي والله اهلي يكتلوني شصخم وشسوي

كامت تبجي وتنحب بصوت كطع گلبي-اخخخخ يمممه تعالي شوفي شصار بيه عسى لساني انشل ولا كايلتلك احبك يا انس شحصلت من حبك غير الدمار
صخام الصخمج مودة موت الياخذج

ختمت كلامها وغطت وجهه بأيدها تبجي

اجى ضابط مدنك كال-خيتي كومي لبسي وامشي ويانه

اني طلعت من الغرفة علمود تلبس

بقيت صافن ما اعرف شسوي اني بسببي هيج صار كتلها راح انقذج شلون مانقذتها
ركعت ايدي بالحايط بقهر

طلعت مودة حيلها مهدود وروحها ذبلانه
باوعتلي بعتب واني النار شبت بيه شلون ماكدرت اساعدها اني صوجي

طلعنا من الشقة واخذوا مودة للمستشفى لان اغمى عليها

واكف انتظر بره الردهة
طلعت الدكتورة وحجت ويا الضابط انُ متعرضة لحادث وماثر عليها

دخل الضابط يستفسر من مودة على انس واخذ اقوالها وكال
-انس راح يتعاقب على سوايته وحق مودة مايضيع

هزيت راسي مبتسم بسخرية شلون يتعاقب وابوه واصل بالدولة هذا الضابط مبين ما عرف انس ابن منو
بس يلا يجوز يتعاقب لان السوا مو قليل،

راح الضابط واني دخلت لغرفة مودة
شافتني ودمعن عيونها
حجت بغصة-سيف

حجتها وبجت

سيف-اهدئي مودة مو زين عليج البجي

مودة-عساني اموت واخلص لك سيف شسوي اني بروحي وين اروح شلون اواجهه اخواني وشكول!! يممممممه لحكيلي يمممه شوداني لـشقته شخلاني اصخم واحبه يمه اخذيني بحضنج