<انولد الطغيان>
بارت 3
للكاتبة سجى المالكي
لاتنسون التصويت والمتابعة لطفا
اللهم صل عل محمد وال محمد
•••••••••••••••••••••••
انس،
رجعت للبيت ابويا مموجود مسافر كعادته اصلا ناسي شكله وناسي عندي ابو منكدما يطلع ويسافر ،
يلا مو مهم هي بقت عليه الدنيا خربانه
دخلت للمطبخ
اني ماهر بالطبخ وهواياتي الطبخ،
فتحت الثلاجه وطلعت الاحتاجه
فتحت الكاونتر بالمجرات لكيت سباكتي
بديت اسوي سباكتي وادندن باغنية
قاطعني دخول امي،
-انوسي هذا انت حبيبي صارلك اسبوع مو هنا خوفتني عليك وين جنت
ابتسمت بسخرية وسكتت،
اردفت - مو داحجي وياك ليش ماترد
التفت- داطبخ حاليا خيرج شتردين
نترت- شنو هالاسلوب الزفت هذا
- عاد احسن من اخلاق بعض الناس
كلتها والتفت للطباخ،
عاطت - انت فعلا ادبسزز يجي ابوك واكله عليك خلي يربيك يامامتربي
نترت - اولا لو انتِ ام بيج خير جان عرفتي ابنج وين يروح ووين يجي مو ملتهيه برياجيلج
بعدني مامكمل كلامي
جرتني من قميصي وضربتني راشدي،
- ادبسزز ماعندك تربية شلون تحجي هيج وياي بكل عين صلفة
لزمت خدي وهزيت راسي
- يصير خير يجي ابوي واحجيله عن سوالفج
بهت وجهه - انس شنو هالكلام
صرخت - لاعبالج اني صغير
لا يوم انتِ غلطانه
اني مو ذاك الطفل الجنتي تاخذي لبيوت غريبه بحجه بيت صديقتي
وتعوفيني وحدي بالصاله
وترحين ويا رجال غريب بغرفه وحدكم
غلللطااانه يوووم اني كبرت
وعرفت كلشي داتسوينه انتِ انسانه قذره
مختصر الكلام
سكتت ودنكت راسها،
ابتسمت بقهر، - زين كليلي اني ابن منو
نترت - انجب ولك شنو هالحجي
صرخت - اني مو غبي اعرف نفسي مو ابن ابوي ليش الجذب بعد
عاطت - اااانسس الزم لسانك شهل الكلام الماصخ
ضحكت ،
وهي صفنت بوجهي مستغربه
استمريت بالضحك،
عاطت - شبيك تخبلت شكو تضحك
خزرتها - ياريت اتخبل حتى اطلع من هذا الكابوس الانتِ سببه
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
