<انولد الطغيان>
بارت 29
الكاتبة سجى المالكي
تصويت ومتابعة لطفا
•••••••••••••••••
صفوان،
كمت فتحت الباب وجان انصدم بـطيف
اباوع وجها مورم ومبينه مضروبه
صحت-شصاير بيج طيف منو تجرأ يمد ايده عليج
بجت وذبت روحها بحضني تبجي بحركة وتشهك
جريتها للبيت من الشارع وسديت الباب وهي دافنة راسها بصدري تبجي
دخلنا للاستقبال
كعدتها وهي نامت بحضني تشهك وتحجي
-ترضاها خويه انضرب من حماتي
-ال*** ليش سوت هيج
طيف-هي تدخل بحياتنا اني وزوجي وبكلشي خالة روحها ومن احاجي زوجي يكول خطية جبيرة ومامزوجة تحمليها اني بيتي وحدي وهي اجت باتت شهر يمنا واخدمها وادرايها
سكتت ورجعت تبجي
كومتها من حضني ومسحت دموعها -احجيلي طيوف لاتبقين تبجين والله كسرتي كلبي بدموعج
تنهدت بحسرة وكالت-سمعتها تحجي لزوجي انُ يتزوج عليّ لان تأخرت بالحمل ف تعاركت وياها وزوجي هدأ الوضع وهي راحت لغرفتها
واليوم من طلع زوجي للشغل هدت عليّ للغرفه واني نايمة وكتلتني بالصوندة
بجت-جسمي كله يون من الوجع ماخلت شي سالم بيه وعضتني ببطني وكالت عاجر ومابيج خير وطردتني من البيت
شمرت روحها بحضني تشهك
احتاريت شسوي بس لازم حق طيف اطلعه من عيونهم
بالكوه كدرت اهدئها وكتلها اسبحي وارتاحي
طبت للحمام تسبح
واني كعدت بالطارمة الغضب ماكلني وجها تشوه وحالتها قهرتني
احتاريت اروح لزوجها واهد عليه لو انتظره يجي
بين تفكيري اندك الباب رحت فتحته وطلع زوجها كبالي
بس شفته تذكرت حالة طيف
بلا وعي ضربته بوكس قوي خليته يوكع بالشارع
رفسته ببطنه وصحت-انطيتكياها مثل الوردة ترجعها الي مشوهه وتبجي
رفسته مره لاخ وعطت-لاتشوفني وجهك ولي يلا مالك مرة يمي
دفعته ورجعت
اريد اسد الباب وهو وقفني
-صفوان بس خل نتفاهم ارجوك
-ماعندي كلام وياك ورقة الطلاق اريدها توصل
استغفر بتنهد ودفع الباب ودخل
زفرت-شتريد
-نتفاهم، وينها طيف
صاح-طيف حبيبتي
خزرته،
كال-ممكن ندخل للصالة ونحجي؟
ماحجيت ودخلت قبله للصالة
لحكني وكعدنا
دخلت طيف ومبينه متعصبة
باوعت لزوجها ونترت-ياا هسه شرفت عيني بعد وقت حبيبي ارجع للبيت يم اختك شكو جايني
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
