<انولد الطغيان>
البارت التاسع
للكاتبة سجى المالكي
تصويت ومتابعة لطفا
تعليق بين الفقرات ايضا
اللهم صل عل محمد وال محمد كما صليت عل ابراهيم وال ابراهيم انك حميد مجيد
••••••••||||••••••••|||••••••••••••••
صفوان ،
كاعد بالزاويه واباوع لايدي وكاتم صوت بكائي ما اكدر اعلي صوتي رغم بداخلي صريخ يهز المحافظة ،
دخلت طيف تباوعلي مقهوره هنا هي عمرها 8 سنين بعدها طفلة
تقربت يمي وكعدت بمستواي
همست - بابا شسوالك؟ ليش ايدك هيج
حجيت بغصة- ذب عليّ المي الحار
بجت - تأذيت مو
هزيت راسي بالنفي علمود لاتنقهر واني دست عل گلبي ومشاعري
ومن ذاك اليوم بدت معاناتي
ضعفت شخصيتي
كتمت مشاعري
كتمت هواي بداخلي
بداخلي ضجيج رغم هدوء ملامحي ،
بديت اتعرض للتنمر
المشوه "
الفگر "
الجبان "
اكثر كلمات سمعتهن بحياتي
بدل مايصيحون صفوان يصيحون تعال فگر او تعال جبان
وحتى المدرسين كاموا يلقبوني المشوه "
قلت ثقتي بنفسي، شنو قلت اصلا انعدمت
---------
الحاضر،
كمت من السرير
وكفت كبال المرايا
تلمست وجهي،
ملامحي هادئة
ابيضاني
عيون كحلية نوعا ما
ولحية خفيفة لان جنت محلق
همست - ليش يصيحولي مشوه لعد؟ واني حلو
تذكرت كلمه ديم اخت سيف " هذا المشوه احلى واحد بالكون "
ابتسمت،
هاي اول مره اسمع اني حلو
تنهدت براحه لان تذكرت كلام ديم عل الاقل انطتني حافز اني مابيه عيب،
------------
سيف،
بعد السهرة ويا الشباب رجعت للبيت وكلي طاقة ايجابية لان كضيناها ضحك وشقة واتونسنا هواي
دخلت للبيت واسمع طكطكه،
كلبي وكع من الخوف
بس رشا هنا وابوي مموجود،
صحت - رشاااا
ماكو صوت،
تخبلت وكبل ركضت لغرفتها ،
دخلت وهي طلعت ماكو!
صحتلها مره لاخ وهم ماكو،
وينها؟
وين راحت بهل ليل؟ !!
أنت تقرأ
انولد الطغيان
عاطفيةرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
