<انولد الطغيان>
البارت 11
للكاتبة سجى المالكي
اللهم صل عل محمد وال محمد
لاتنسون التصويت والمتابعة
شاركوا الرواية مع اصدقائكم لطفا
قراءة ممتعة....
•••••••|||||•••••••••||||||||
حبيب
كعدت من الصبح نشيط وكلي طاقة
متحمس للشغل بلكي اكدر اصير غني واخلص من عيشه جواد المابيها بس فقر
طلعت من غرفتي مبتسم لاكتني مره جواد رند
رند- هاي وين حبيب انتظر جواد روحوا سوى للدوام
- لا ما اداوم اليوم
- حبيب شنو متدوام شسالفتك اذا درى جواد يبقى يحجي
هزيت ايدي- يايوم هو ماحاجي خلي يحجي براحته اني طالع
- زين وين رايح من الصباحيات
زفرت من اسألتها هي رند تحب تسأل وتسولف هواي
اردفت - للشغل عندج مانع؟
جحظت عيونها مصدومة
اشرت تجاهي - انت تشتغل!!!
قوست حلكي- شايفتني لعد شبيه ما اشتغل
رند- لا بس انصدمت لان انت مامشتغل قبل
سكتت وطلعت من البيت
شلون صباح هذا يعني الا يزعجوني خلوني متونس
ولو جواد راح يتخبل لان راح اغيب بس يلا مو مهم، المهم اصير زنگيل
وصلت للمحل وفتحته وكمت ارتب بالاغراض وعيني عل باب شوكت يجون الشباب
مرت فتره واجى صفوان،
ابتسمت - هلا صوفي همزين اجيت مليت وحدي
ابتسم مجاملة وسكت كعد عل قنفه جانت موجودة،
كعدت يمه وعكدت حاجبي - شبيك؟
بهدوء- مابيه شي
سكتت وباوعت لعينه المورمة
هو حس عليّ ودار وجهه
همست - ابوك ليش ضاربك؟
هز راسه - لا ماضربني بس هو يعني...سكت بدون مايكمل
حبيب- احجيلي صوفي عادي لاتستحي مني
التفت تجاهي - لان يريد فلوس مني واني ماعندي انطي عاد ضربني يلا مو مشكلة
حجاها عل سريع وكام من مكانه
صفوان - شلون نشتغل او تعال علمني ترى ما اعرف مو اتفقنا امس انت تعلمني
باوعتله مقهور عل حالته
هزيت راسي وكمت
بديت اعلمه وهو خطية بسرعة اتعلم
----------------------
سيف،
دخلت للصف وشفت مؤمل كاعد صافن
كعدت يمه - ها مؤمل شو هنا
اردف- لعد وين اروح
سيف- مو تروح للمحل
زفر- لا خليت اليوم حبيب وصفوان وباجر اني وياك وهيج نمشي الشغل
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
