<انولد الطغيان>
بارت 28
الكاتبة سجى المالكي
••••••••••••••••••••••
سيف ..
بعد تفكير كلت -مودة هذا الكلام مو وكته ابد وهذا الموضوع اقرره اني مو انتِ جاي تكليلي مفهوم؟
ردت-سيف اني اريد اعرف مصيري وياك ،شنو تقرر بكيفك؟
نترت-زين مني قابل بيج فوكاها الج عين وتحجين وتجادلين ابد ما احب العين الجدال
سكتت وماردت
انتبهت اني شكلت هي شنو ذنبها اذا انس طلع غدار
كلت بهدوء-ماجان قصدي احجي هيج بس اني مضغوط من الدراسة والشغل
ردت بهمس-تصبح على خير سيف اني ازعجتك
حجتها وسدت الخط
تنهدت اباوع لرقمها والتفكير اخذني شلون راح اتأقلم واكمل سنين عمري وياها واني من بدايتها مارايدها ولا هي رايدتني ما اعتقد راح ننجح بهالعلاقة
عفت الكتاب وكعدت افكر اسوي مثلما كالت واخلي زواجنا على الورق لو اكمل زواجي وياها
بس المشكلة لحد هسه مامستوعب راح ازوجها واني جنت اشوفها اخت
مرت هالليلة بصعوبة كدرت انام
الصبح انطلقت للمعهد امتحنت وطلعت للنادي دخلت
لكيت مودة كاعده كبالها عصير وصافنة جنها تفكر
كلت احاول اتقربلها شسوي بعد خطيبتي خوما نبقى هيج
وكف يمها وحمحمت
باوعتلي وجنها انصدمت بوجودي
كلت-عادي اكعد؟
مودة-اي تفضل اخذ راحتك
كعدت ومتوتر ما اعرف شحجي وياها ما عندي خبرة بالبنات
سألتها على احوالها وهي ترد بهدوء وطبيعي
سيف-شوفي الصار البارحة ماجنت اقصده بس جنت ضايج من الامتحان
ابتسمت -ترى اعرف انت متريدني لان اني جنت ويا انس فماكو داعي تطلع اعذار عادي اتقبل الحقيقة
انحرجت وما عرفت شكول
تنهدت وكالت-لازم اروح اجى انس ما احب اشوفه
التفت لكيته يباوعلنا بكره
استغفرت ربي ما اريد اتعارك ويا من الصبح وشوفته تسد نفسي
كلت-ابقي لاتكومين
مودة-اتضايق منه ما اكدر
سيف-علساع اني طايقه خليروح نادي الخلفة قابل
اباوعله كعد على الطاوله وسوة روحه مشغول مايشوفنا ولا مهتم
كلت احرك كلبه ودمه
لزمت ايد مودة وبستها وطولت بالبوسة لحدما شافنا
سويت روحي ما اشوفه
ابتسمت ولزمت ايدها اتلمس بيها -ايدج تجنن وبياضج حلو
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
