انولد الطغيان

بارت 30

<انولد الطغيان>

بارت 30

الكاتبة سجى المالكي

اللهم صل عل محمد وال محمد

تصويت ومتابعة لطفاً
•••••••••••••••

سيف،
طلعت من الغرفة والندم ماكلني شلون هيج سويت بمودة
سمعت صوت شهكات التفت لمصدر الصوت واشوف مودة تبجي يم الدرج

رحتلها بسرعة مفزوع
-مودة ليش تبجين؟ ماجان قصدي اعضج اسف والله اعتذر وما اعيدها

ما احس الا شمرت روحها عليّ حضنتني
تفاجئت بتصرفها بس بادلتها الحضن

همست-اني مخنوكة وبجيت ومازعلانة منك سيف

-شنو مخنوكة منو مضوجج

-لا هيج بس ضغوطات الدراسة

بعدتها من حضني
مسحت دموعها بحنية ولزمت حنجها- مودة احجيلي منو زاعجج لاكسر ظهره وداعة عيونج

تنهدت مبتسمة وكالت- اشكر الله رزقني بيك انت سندي سيف

ابتسمت وتناسيت سالفة مودة بعد هي زوجتي حتصير ولازم نبدي صفحة جديدة

حضنتني وهي واصلة لصدري كلش كصيره يادوب اكدر احضنها

ابتعدت مني منحرجة
همست-اسفة

ضحكت-على الحضنة؟

ضحكت بخجل ومشت بسرعة
ضحكت ورفعت شعري شويه طولان

راحوا واني الابتسامة ماتفارك وجهي
كاعد بالليل اقرا وتذكرت مودة
رجعت ابتسم وسرحان اتذكرها

دخلت رشا -سيف اكول

-شنو

كعدت يمي-شعجب توزع ابتسامات من راحت مودة ليهسه

-هسه موزعلج! حتى بهاي مدخلة

-غير اعرف

-لا تعرفين يلا طلعي رايد اقرا وما اريد ازعاج

شهكت-تطردني سيوف

-يابه رايد اقرا شلون بلا شيقنع الطابوكة البراسج

كرصتني بيدي واني كمزت من كرصتها
رشا-تسمي عقلي العبقري طابوكة! لعد انت ناسي روحك متت بالسادس منكدما عدته

-تعيريني ام طابوكة

لوت حلكها ماعاجبها
كامت وكالت-شوف امي تسأل شوكت تخلص الفاينل

-بعد3 ايام يبدي اساساً

- يعني تقريباً شهر وتكمل

هزيت راسي،

رشا-امي تكول بعد اسبوع من الفاينل حنتك

شهكت من الصدمة
نترت-شنو تقررون بكيفكم

-شبيك ؟ترى صارلكم شهرين خاطبين وبينما تتزوجون 3 اشهر
الخطوبة محلوة من تطول تصير مُملة