<انولد الطغيان>
بارت 32
الكاتبة سجى المالكي
اللهم صل على محمد وال محمد
••••••••••
صفوان،
رجعنا من بيت مودة وصلنا لمنطقتنا ردت اروح لبيتنا اجتني رشا
-صفوان اريد اكلك شي
-كولي
بلعت ريكها متوترة
همست-احبك
كالتها ومشت
هاي ثاني مرة تكولها ما اعرف شصار بيه خلتني بحيرة
اني رايد اتزوج معقولة اخطبها !
رجعت للبيت وكلمتها ترن بعقلي
للـ10 اندك الباب رحت فتحته طلع سيف
باوعلي-تعبان اني
صفوان-امشي خل نطلع ابوي هنا
مشينا مرينا يم بيت اهل مؤمل وسيف وكف-خل نكعد يم هالشجرة
حجاها وكعد رحت يمه كعدت
همس-هالبنية تحبني
حجاها يأشر على بيت مؤمل يقصد ديم
سيف-بس اني لا حبيتها ولا الله قاسمها الي
سكتت ليش هي مقسومتلي قابل
تنهد-ما اكدر اتقبل مودة بدي اصيح وافهم العالم ما اريدها
-سيف البنية دُرة مال الله واليصارلها سببه انس، هي مامسَلمة روحها اله
هز راسه-اعرف بس موبيدي صدكني
صفن وزفر-كلمة مؤمل بعدها براسي
عكدت حاجبي-شحجى؟
سيف-الكزازة المكسورة محد يريدها ومامرغوبة
صفوان-استغفر الله، وانت شدخلك بمؤمل! متعرفه هو شنو؟ تسمع كلامه المن!!
سيف-كلامه بي نوع من الصحة
-اهووو، هسى شتريد؟ باجر عرسك وانتهى
ابتسم-كبرت وراح اتزوج، اني الذاك الجان يبجي على الككو
ضحكت-اني من اتزوج اكول كبرت وراح اتزوج اني الجان يكلولي مشوه
طبطب على كتفي-يرحولك فدوة، لا تهتم انتَ احسن منهم
ابتسمت
هو كام-خل العريس ينام باجر امي تكعدني من الصبح ليكول انذار
ضحكت وهو ضحك
كلمن راح لبيته
الصبح رحت لـسيف اشجع بي واحاول اونسه لان كالب خلقته ماعاجبه الزواج ويريد يلغي
صار وقت الزفة ولازم نروح ناخذ مودة من الصالون
زفر سيف- احس راح اموت والكعبة
-سيف لاتعقج وجهك ،خليك مُبتسم
سيف -شبتسم! اگله ما اريدها شلون هاي يا الكعبة
مشيت جبت العطر ورشيتله
عدلت رباطه -اليوم عرسك وانسى ماضي مودة وفكر انت راح تتزوج والبنية حبابة معليك بسالفتها الهي مو ذنبها بيها وجانت ضحية انس
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
