<انولد الطغيان>
بارت 33
الكاتبة سجى المالكي
اللهم صل على محمد وال محمد
تصويت ومتابعة لطفا
•••••••••••••••••••••••••••
سيف،
الصبح نتريك كلنا
كالت امي-اني قررت شي ولازم تسمعوا
كلت-خير كولي
باوعت علينا نظرة سريعة وكالت-موافقة على صفوان ردولهم خبر
ابتسمت فرحان -بيها الخير اني اخبرهم
باوعت لرشا خجلانة ومدنكة
كمت من السفرة غسلت وطلعت من البيت
رحت لصفوان استقبلني وكعدنا بالصالة
كلت-عل موضوع الخطوبة
عدل كعدته بتوتر يستعملي
ابتسمت-موافقين وبيها الخير الكم
كام حضني يضحك- اشكرك سيف
كلت-اياك تزعل رشا لو تضوجها ترى تصير موخوش وتنتهي صداقتنا بعد
صفوان ابتعد مني وكال-اخليها بعيوني اطمئن من هالناحية
ابتسمت وطبطبت على كتفه وكلي ثقة راح يسعد رشا اعرفه صفوان
صفوان،
بعد الموافقة اتفقنا الجمعة نخطب وحظرت وجهزت وطيف وياي بكلشي صارتلي ام مو اخت
بيوم الخطبة رحت اشتري القاط وتلاكيت ويا ديم
كالت-صدك راخ تخطب رشا!
-اي
تنهدت-الف مبروك
حسيتها ضايجة بس شسوي ردتها وهي مارادتني ولازم استقر واشوف حياتي و رشا تحبني ولو احب ديم بس نصيبي رشا
كلت-الله يبارك بيج اترخص
عفتها ومشيت وبالي يمها تذكرت اول مرة شفتها
لعنت الشيطان لازم انسى ديم بعد
اليوم اخطب رشا وهاهي
رحت اشتريت قاط وعطور ومستلزمات
مريت على الحلاق رتبني
رجعت للبيت بدلت وتعطرت
دخلت طيف
-صلاوات على النبي طالع تخبل
ابتسمت خجلان،
تقربت عدلتلي السترة وهي تقرا معوذات
ضحكت-ترى موكلش حلو ،منو يحسدني؟
طيف-اصلا تخبل منو بجمالك واناقتك
باستني من خدي- اتمنالك الخير والسعادة والبسمة متفارق وجهك يبعد نظري
بستها من راسها -حبيبتي طيوف
ابتسمت-خلينا نروح
طلعنا من الغرفة زوجها واخوانه ماقصروا بكلشي وعزموا جماعتهم وكم مره اجن
قررنا نفتر بالسيارات ونوب نلوف لبيت اهل رشا
سويناها جنت فرحان واحس الدنيا ابتسمتلي وراح اعيش مثل الناس
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
