<انولد الطغيان>
بارت 25
بقلمي انا سجى المالكي
اللهم صل على محمد وال محمد
•••••••••••••••
تصويت ومتابعة ❤️
||||||||||||
انس،
طلعت للحديقة وصادفني صفوان خفت لايدخل للكافتريا ويشوف مودة وتحجيله اليصار
كلت-صفوان تعال وين رايح
رد-للكافتريا
-تعال شتسوي هناك خل نكعد على المسطبة الجو حلو
سكت واخذته
كعدنا على مسطبة
كال- شو مادخلت للمحاضرات؟
قوست حلكي- شلي ادخل هذا الدكتور يبقى يحجي شكد ويسطرني عليمن
صفوان-مو عدنا امتحان الاحد الجاي والمادة الشرحها داخلة
انس-بعدين اشوفلي واحد يشرحلي، احم باوع علمود الشغل جهز روحك اليوم العصر
جحظ عيونه- شو الشغل فول
-هو شغل واجانه خوما نكطع رزقنا واني مجهز كلشي لا تخاف ولا شي
حك حنجه-خاف هم طفلة
انس -لا عمرها 30 ومطلقة يمكن تريد تقهر طليقها وتطلع وياك
سكت كأنه يفكر،
كمت:- من يخلص الدوام نروح للشقة مالتي هم نتونس ونسولف بينما يصير العصر
كال-انت شبيك ويا سيف شو متخاربين
-يمعود ماتعرفه لـسيف من اقل كلمة يزعل يريدني اعوف مودة
صفوام -اي عوفها ليش تبقى وانت ماتريدها زواج
نترت-دروح صرت سيف الثاني
حجاها ومشى
تنهدت هذا شبي انس صاير كلش موخوش
اني متردد من ناحية الشغل شو يوميا ومو طبيعي الوضع
بقيت افكر اروح الـعصر لو لا المشكلة اذا ما اشتغل هالشغلة ششتغل لعد؟
قاطع تفكيري سيف
-شو هنا وادور عليك
ابتسمت-ضوجه وين اروح جان يمي انس
زفر من سمع اسم انس
عكدت حاجبي-شجاكم !
-يمعود هذا متأكد مأذي مودة بشي
صفوان-ليش شسوى؟
انس-البارحة مودة تخربطت واخذناها للمستشفى وهي مطايقة انس وجنهم يحجون بالنظرات وميردون يحجون لان اني يمهم سألت مودة انس شبي وياج ماردت
-خاف سواها
-كال ممسوي تلكاه مسوي الاضرب
زفرت -خاف البنية محتاجة مساعدة
سيف-ما ادري بعد هي اصلا مدري وينها مختفية يجوز مامداومة
-يمكن شفتها الصبح
أنت تقرأ
انولد الطغيان
Romantizmرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
