<انولد الطغيان>
البارت 13
للكاتبة سجى المالكي
لاتنسون التصويت والمشاركة
تابعوا الحساب لطفا
اللهم صل عل محمد وال محمد
||||•••••••••••••••||||||||||||
بالمستشفى
فتحت عيوني وريحة المعقم ترس انفاسي
التفت اشوف نفسي بغرفة عرفت بالمستشفى
لزمت بطني مكان الرصاصة واتذكر شلون ابوي اطلق عليّ بكل دم بارد
تنهدت بقهر وهمست - منين اتلكاها من مؤمل لو من ابوي
جريت نفس وغمضت عيوني
الالم بدأ يزيد يمكن كنت تحت البنج وهسى فكني
عطت من الوجع ودخلت طيف
- صفوان انت بخير
بالم- بطني راح اموت طيف صيحي الدكتور
هزت راسها مخبوصه وركضت طلعت،
بقيت اون من الوجع وكمت ابجي
هم قهر لان ابوي هيج سوى
وهم وجع
التمن ثنينهن عليّ
دخل الدكتور ويا ممرضة
ما اعرف شسووا بس حسيت خف الالم وبديت اغيب عن الوعي،
^^^^^^
سيف
مرن اسبوعين واحنا بالسجن
يعذبونا حتى نعترف بمكان مؤمل
واحنا منعرف وينه اصلا
لحد هسى ماكو اخبار عل مؤمل وكأنه فص ملح وذاب
كاعدين مثل العادة واحد صافن بوجه لاخ
حبيب- اني مليت وطكت روحي لو جواد مخليني مسافر لتركيا ماجان هيج حالي
انس- واني لو ماكامشيني جان اني محلق لدولة تخبل
تنهد حبيب وانس
اردفت- بالي يم رشا خاف اهلي مو يمها
انس- هم شلون اهل ولا واحد سأل علينا
حبيب ضحك- واني عبالي جواد راح يكطع روحه عليّ تالي لابسني لبسة النعال
انس- خليها سكتة ،اني توقعت كبل اطلع لان ابوي عنده معارف، تالي ابوي عافني
ضحك حبيب- ولك يجوز تبرى منك
ابتسم بقهر وهز راسه- كلشي جائز
حسيت انس انقهر من حجايه حبيب
اردفت- لا تاخذ بكلام حبيب ترى مايقصد
حبيب- شنو زعلت من كلامي!!
انس- لا يمعود ليش ازعل بس فعلا كلامك قابل مجذب انت
سيف- يجوز هو دايشتغل عل الموضوع حتى يطلعك ليش تسيء الظن
قوس حلكه بمعنى ما اعرف
اردف حبيب- وانت انس من تطلع احنا شنو وضعنا
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
