<انولد الطغيان>
بارت 36
بارتين بعد ونختم الرواية وللاسف ماصعدت هالمرة الرواية مع العلم حاولت اصعدها وما ادري الخلل شنو
شاركوها ويا اصدقائكم
•••••••••••••••••••
انس-ديم
صفوان.
جمدت بمكاني احس فصلت من العالم شلون تزوجها شلون قبلت بي
زين وگلبي الحبها؟
بقيت صافن ما ارمش ولا اتحرك
بالنسبة الي توقف العالم عندي
حب حياتي ويا صديقي!
لوح بأيده-ها صَفصف شو سكتت
فركت صدري مخنوك ومامستوعب احس گلبي راح يوكف
همست- ليش اخذتها؟مو تدري اعشق التراب التمشي عليها
قوس حلكه
ضحك -الفلوس عمي الفلوس جابتها ،وكذلك جمالي الطاغي وعيوني التوكع اكبر وحدة
زميت شفتي- بس انتَ اكثر واحد تدري رَوحي بيها، كم مرة بجيت عليها كدام
كم مرة كتلك اعشقها وهايم بيها
نزلن دموعي بسرعة مسحتهن
تنهدت-ليش تكسرني مرتين؟
انس- ترى دتحجي عن زوجتي حَسن كلامك
باوعتله عاض شفتي بقهر ما اعرف شحجي
زين ليش مو اني؟
شنو فرق انس عني
هزيت راسي كاتم غصتي-الله يوفقكم
حجيتها ومشيت و روحي احسها انطفت اول مرة احس بهيج ضعف
اخذت اجازة وطلعت
رحت لأقرب حديقة
صفنت ويا روحي ليش تزوجته وماقبلت بيه
هيج ديم تعوفيني!!
غمضت عيوني اتذكر اول مرة شفتها
مسحت وجهي متنهد
ركبت سيارتي ورحت للبيت
رشا-الله يساعدك
كلت-تعبان راح انام
-غداك جاهز وحمامك هسه احضره
صرخت-تعبان تعبان عوفيني تعبان
عفتها ورحت للغرفة كعدت على الجرباية ابجي
دخلت رشا شافتني راساً اجت حضنتني--ياروحي، ليش تبجي صوفي؟
حضنتها وصحت بقهر-رشا دخيلج اترجاج ضميني بضلوعج من هالدنيا
بقيت ابجي منهار واشهك وكل شهكة توجع گلبي اكثر من الثانية
رشا مامفتهمة شبيه وكامت تبجي وياي
كالت-بس كلي شجاك ليش هيج تبجي فدوة اروحلك جاي تموتني بدموعك صوفي جاوبني
كلت بدون وعي- تزوجته وعافتني
رخت رشا وايدها بعدتها مني
همست-منو هاي ياعيني الثالثة ؟
زاد بجيي وكلت بلا وعي-ديـم ديـم تزوجت انس، رشا عافتني ليش مو اني احبها
بجت رشا وحضنتني تبجي
اني ما وعيت على روحي وهي بجت اكثر مني وحجت كلام ماسمعته
سكتن عيوني من البجي ونمت بحضنها وهي تبجي كاتمة صوتها
همست-مخنوك رشا روحي طلعت من عرفت اخذها انس
أنت تقرأ
انولد الطغيان
Romansaرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
