<انولد الطغيان>
بارت 35
الكاتبة سجى المالكي
اللهم صل على محمد وال محمد
تصويت ومتابعة لطفاً
••••••••••••••••••••••••••
صفوان،
تقربت لبيتهم اباوع بحيرة جن كلبي دياخذوا معقولة راح يشيلون
لمحت ديم ببيتهم
اخذتني رجليه لبيتهم دخلت هي بالطارمة انتبهتلي وباوعت مصدومة بوجودي
همست-وين ديم؟
-راح نشيل سمعتنا صارت موخوش بسبب مؤمل
بلعت ريكي متوتر وقلق شلون افارگها
كلت-وين ترحون؟
زمت شفتها بمعنى ما ادري
مسحت جبيني وايدي ترجف احس راح ما اشوفها بعد
كلت بتردد-هم تتزوجين؟
ديم-ما اعرف الله شكاتبلي
-الله يوفقج
كلتها وردت اطلع بس الحب عماني ما اكدر افاركها قابل اشوفها يومياً من بعيد ولا تروح للأبد
التفت اباوعلها بحيرة وشوق
عضيت شفتي بقهر وطلعت من البيت
اول ماطلعت شهكت من القهر والشهكة. شگت گلبي
كمت افرك بصدري الهوى ضاگ بيه دخيلك يا علي احضرني
دمعن عيوني راساً مسحت عيوني وحمحمت
تجاهلت الموضوع وكلت خلص كلمن بطريقه
رجعت للبيت وبالي مشوش
اجتني رشا-ها حَبيبي اجيت
حضنتني -اشتاقيتلك
سكتت ومابادلتها الحضن بس هي اخذت ايدي ولفتها على خصرها
زين رشا شنو ذنبها !
اني گلبي متعلق بديم
رشا-مو وصيتك على الحلويات وينهن شو ماجبتلي
ابتعدت منها -نسيت، اني تعبان
لزمت وجهي بخوف-شبيك يابعد روحي
كالتها واني وكعت بحضنها ابجي وهي خافت وحضنتني
مستمر بالبجي وراسي بصدرها حاضنة راسي تمسح علي شعري وگلبها يدك سريع مبينه خايفة عليّ
رشا-يابعد العافية بس كلي شبيك لتبجي والله حرگته لگلبي صوفي عمري كافي ي بعد رَوح رشا
شهكت وعطت-جاي اموت رشا مالي نفس بالدنيا اريد اموت
ضمنتي بقوة-اموت وراك والله
بخيبة -رشا گلبي يوجعني
بجت-سودة عليّ ياعيني الثالثة
ارتفع صوتي ابجي وهي تبجي وياي-صفوان بس گلي شبيك ليش تبجي موته لگلبي ببجيك يابعد روحي بس فهمني شجاك
صفوان-اريد
سكتت واعي هاي مرتي شلون احجيها واكللها اريد ديم وابجي عليها
حسيت روحي نذل ابجي بحضن مرتي على غيرها
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
