<انولد الطغيان>
بارت 27
للكاتبة سجى المالكي
اللهم صل عل محمد وال محمد
••••••|•||•••••••••••••••••••
صفوان..
ماكدرت اللحك بي صعد سيارة وطفر
لحكتني ديم تلهث
خزرتها-من شوكت تلتقين بي؟
ردت-من فترة
بحدة-نفس طينة اخوج ماتفرقين شي
كلتها ومشيت مزعوج هذا منين طلعلي نوب
رجعت للبيت لكيت ابوي عايف الباب مفتوح
دخلت طلع مموجود
شفت البيت وسخ تنهدت منو راح ينظفه عمتي!!
رحت غيرت ملابسي وكعدت انظف امري لله
رحت اشتريت لفات ورجعت للبيت اكلتهن واخذت علاجي ونمت بسبب تأثير العلاج
كعدت على رنة الموبايل
رفعته لاذني-الو منو
بصوت مخنوك-صفوان اني راح اموت من قهري
جنت نعسان كبل صحصحت -شكو سيف
تنهد بقهر ،
°°°°°°°°°°°
سيف ...
صار العصر وراحوا اهلي يخطبون
بقيت انتظرهم بالشارع
احس النفس ضاك بيه شلون لو عرفوا اهلي هاي حبيبة انس الدنيا تنكلب
زين اني شلون راح اتقبلها زوجة الي؟
تأخروا هم وماطلعلوا
بقيت صافن بزماني
طلعت موبايلي واتصلت بصفوان وحجيتله كل البكلي
صفوان-شكد حقير هذا شلون يجبرك تتزوجها
سيف-عرف يلعبها صح، ابنه يغلط وسيف يصحح، ساعة السودة عرفت بيها انس لو ينعاد الزمن اموت ولا اصادقه
صفوان-هي مودة هم مابيها شي ترى
-صفوان شبيك شلون اتقبلها اكلك اعتبرها اختي عبالك رشا ومو بس هيج هي حبيبة انس وتعرف شصار بينهم
-اذا تقصد بليلة العرس اكو الف درب وتحلها
ضربت فخذي بقهر-ردت ازوج على حب
سكت صفوان
-الو وين رحت صفوان
همس-منو تحبها؟
سيف-بعدني ماحبيت بس كلت بالمستقبل وكل امنياتي راحن وراح اتزوج مودة
صفوان-يلا بعد نصيبك
تنرفزت من ردة وبروده اني متعصب واحجي بحرگة وهو طبيعي
نترت-صفوان اني گلبي صاير نار وانت ولا هامك عود صديقي المقرب
صفوان-اعذرني بس جنت نايم
عطت-دوخر لعد بعدين نحجي اجيك بالليل نطلع للكوفي
-خوش
سديت الخط متنهد
طلعوا امي وخالاتي من بيت اهل مودة
امي شافتني واجت تضحك
-مبروك عريسنا
أنت تقرأ
انولد الطغيان
Romanceرواية شيصير لو عايش صدك بين اهلي وناسي؟ شيصير لو لاكي حضن اسند عليه راسي؟ كلماتي... رواية حقيقية" غير مبري الذمة من ينسبها لاسمه مشهد ...... امشي بدربونه واباوع لبيوتها شكد تغيرت وصارت احلى من قبل ولو من جنت بيها عندي هي احلى منطقة بكل ركن الي ذكرى...
