My Shin,My Husband (Completed)

Part 32

Unicode
အခန်း ၃၂
'ဟော...ဟဲ...ဟော...ဟဲ'

ရှင်း မျက်လုံးတွေဇတ်ခနဲပွင့်လာသည်။နဖူးမှာလည်းချွေးတွေဆို့လို့။

ရင်ခွင်ထဲက မောဟိုက်နေသူကြောင့် လျှံလည်းနိုးလာလေသည်။

'ဘာဖြစ်လို့လဲ။အိမ်မက်ဆိုးမက်လို့လား'

ရှင်းနဖူးပေါ်က ချွေးသီးချွေးပေါက်လေးတွေကို လျှံ လက်နဲ့ပွတ်သပ်ပေးလိုက်သည်။အသက်ရှူသံတွေကလည်းပြင်းလို့။ဒီလောက်လန့်သွားရအောင်ဘယ်လိုအိမ်မက်မျိုးမက်လို့လဲကွာ။

ရှင်းလည်း အိမ်မက်ထဲက သစ်ပင်ပေါ်ကပြုတ်ကျလာပြီး ရှင်းဖမ်းလိုက်တဲ့ အရာကြောင့် ရှင်းအံဩသင့်ကာ လန့်နိုးရသည်အထိပင်။

'ရှင်းကိုကို...ရှင်းကိုကို..'

'ဟင်'

လျှံဒီလောက်ခေါ်နေတာတောင် မကြားလို့ ရှင်းကိုယ်လေးကို လှုပ်ခါလိုက်ရသည်။

'အိမ်မက်ဆိုးမက်လို့လားမေးနေတယ်လေ'

'အမ်...ဟို...ဘာမှမဟုတ်ဘူး။ ရေဆာတယ်။ရေသောက်ချင်တယ် လျှံ'

'ဟုတ်ပြီ။ကျွန်တော်သွားခပ်ပေးမယ်နော်'

ရှင်းကိုယ်လေးကို ထ ထိုင်စေကာ လျှံကတော့ ရှင်းသောက်ဖို့ရေသွားခပ်လေသည်။
ရှင်းရဲ့နှလုံးခုန်သံတွေကျယ်လောင်နေသည်။ ရှင်းရင်ဘတ်လေးကိုလက်လေးနဲ့ဖိကာ စိတ်ငြိမ်အောင်လုပ်ရသည်။အိမ်မက်ထဲမှာ ရှင်းဖမ်းမိလိုက်တာက အနှီးထုတ်လေးနဲ့မွေးကင်းစ ကလေးလေးဖြစ်သည်။နောက်လန့်နိုးသွားတော့သည်။အဲဒီ ခနတာပွေ့ဖက်ခွင့်ရလိုက်တဲ့အခိုက်အတန့်လေးကပင် ရှင်းရင်ဘတ်ထဲမှာတဒုန်းဒုန်းခုန်ပေါက်နေလေသည်။

ရေခွက်ကိုင်ကာ အခန်းထဲဝင်လာသောလျှံသည် ရှင်းကို သူ့လက်နဲ့ ကိုယ်တိုင် ရေတိုက်လေသည်။

'ဘယ်လိုအိမ်မက်မျိုးမက်လို့လဲ။ ခင်ဗျား အရမ်းလန့်သွားလား'

'ဘာမှမဟုတ်ပါဘူး။ အခုအဆင်ပြေသွားပြီ'

'ကျုပ်ကိုမပြောပြချင်တာလား'

'တကယ် ဘာမှထွေထွေထူးထူးမက်တာမဟုတ်ပါဘူး။ငါတောင်မသိတော့ဘူး ဘာတွေမက်ပြီးနိုးလာလဲဆိုတာ'