Unicode
အပိုင်း -၇
#Normal #Fiction Name -
ချစ်ခဲ့ရတဲ့ နေ့ပေါင်းများစွာ
Author - #ဆာရာမူး
*ဒေါက်...ဒေါက်...
"မာန်...မင်းငါ့ကို ကွန်ပျူတာသင်ပေးမှာဆို...အားပြီလား...."
"အားပြီ...ဝင်ခဲ့...."
သူမဝင်လာတဲ့အချိန်မှာ ကော်ဖီသောက်နေတဲ့ အားမာန်သစ် အရည်တွေကို မျိုမချနိုင်ဖြစ်သွား၏။
သစ်လောက် ဆံပင်မရှည်သေးပေမဲ့ ကုပ်ဝဲမရောက်တရောက်လေးနဲ့ မျက်မှန်လေးရယ်၊ အဲ့ဒီထက်ပိုထူးခြားတာက မြင်နေကျ ပွရောင်းရောင်းအင်္ကျီဘောင်းဘီတွေနဲ့မဟုတ်ဘဲ ဒူးလောက်ဂါဝန်အပြာရောင်လေးက မစက်ကို တကယ်ပဲ ချစ်စရာကောင်းလွန်းစေသည်။
စိတ်ထဲမှာ အချစ်သစ်က မစက်ကို လှအောင်တော့ ပြင်ပေးတတ်သားပဲလို့ ကိုယ့်ညီမကို အမှတ်ပေးမိ၏။
“ဟဲ့ ဘာကြောင်နေတာလဲ….သင်မယ်လေ….”
“ဪ…အင်းပါ..ခင်ဗျားလက်တော့ကို ကျွန်တော့်စားပွဲပေါ်တင်လိုက်…ကီးဘုတ်အကြီးနဲ့ ချိတ်ပေးမယ်…”
“ငါက ဘယ်မှာထိုင်ရမှာလဲ…”
“ကျွန်တော့်စာကြည့်စားပွဲမှာ ထိုင်ပေါ့..ဘယ်မှာထိုင်ချင်သေးလို့လဲ…”
“အေးပါ…”
မစက်ကို သူ့စားပွဲမှာထိုင်စေပြီး လက်တော့ကို စဖွင့်ခြင်းကနေ သင်ပေးသည်။ပြီးတဲ့နောက် လက်ကွက်ကျင့်ဖို့စတော့၏။
သူမဘေးနားမှာ ရပ်ပြီးရှင်းပြရတာ အားမရလာတော့ နောက်မှာသွားရပ်ပြီး သူမလက်ပေါ်ကနေ သူ့လက်နဲ့ထပ်အုပ်ကိုင်သည်။သူ့အရပ်က ရှည်လွန်းတော့ခါးနည်းနည်းကုန်းရသေး၏။
စက် နားရွက်နောက်နားကနေ မာန့်အသက်ရှူသံသဲ့သဲ့ကြားတော့ ရင်တွေတုန်လာ၏။ကောင်လေးငယ်ငယ်ဆီကအနံ့က ဘာကြောင့်ရင်တုန်စေမှန်း စက် မသိပေ။
“မာန်….ငါ..အဲ..အဲလိုကြီး မသင်ချင်ဘူး…”
“ဘာလို့လဲ…ခင်ဗျားလက်က မျောက်က ကနေတဲ့အတိုင်း အနေအထားမမှန်လို့… မှန်အောင်ပြင်ပေးနေတာကို….”
YOU ARE READING
ချစ်ခဲ့ရတဲ့ နေ့ပေါင်းများစွာ(Complete) ခ်စ္ခဲ့ရတဲ့ ေန႔ေပါင္းမ်ားစြာ
Romanceတစ်အိမ်တည်း အတူတူနေကြတဲ့ အမွှာ ၃ ယောက်နဲ့ မွေးစားသမီးအကြောင်းလေးပါ။ တစ္အိမ္တည္း အတူတူေနၾကတဲ့ အမႊာ ၃ ေယာက္နဲ႔ ေမြးစားသမီးအေၾကာင္းေလးပါ။
