Unicode
အပိုင်း - ၅
#Normal #Fiction Name -
ချစ်ခဲ့ရတဲ့ နေ့ပေါင်းများစွာ
Author - #ဆာရာမူး
အခန်းထဲပြန်ရောက်တဲ့အထိ စက်ရင်တုန်မပြယ်သေးပေ။မာန်မွေးကတည်းက ချီး(ချေး)သေး လဲတာကအစ စက်ကဝင်ပါတတ်သူမို့ မာန်ကကိုယ့်အတွက်တော့ မောင်လေးတစ်ယောက်ထက်မပိုပါ။
ဒါပေမဲ့ သူကဘာစကားတွေ လာပြောနေမှန်းမသိတော့ စက်ရင်ထဲရှက်အားက ပိုနေသည်။စက်အသက် ၂၈ နှစ်ရှိပြီ။ရည်းစားဆိုတာဝေးလို့ မိန်းကလေးပီပီသသနေခဲ့တာတောင် သိပ်မကြာသေးပေ။
အချစ်ဆိုတာ စက်အတွက်တော့ ဂိမ်းဆော့ရတာလောက် ရင်ခုန်စိတ်လှုပ်ရှားစရာမကောင်းဟု ခံယူထားသည်။အခုတော့ ငယ်စဉ်ကတည်းက ချီပိုးခဲ့တဲ့ ကောင်းဆိုးလေးနဲ့မှ စက်က...
*ဟားးမသိတော့ဘူးကွာ...အိပ်တာပဲကောင်းတယ်...
မတ္တရာမှ မန္တလေး...မန္တလေးမှ ရန်ကုန် ခရီးအရှည်ကြီးနှင်လာတဲ့ဒဏ်ကြောင့် ခဏချင်းပဲ စက်အိပ်ပျော်သွားပါသည်။
💮💮💮💮💮💮💮💮💮💮💮💮
ရန်ကုန်နိုင်ငံခြားဘာသာတက္ကသိုလ်ရှေ့ရောက်တော့ တလမ်းလုံးတင်းလာသမျှစိတ်တွေ အကုန်ပျောက်သွားသည်။သစ်ကိုလိုက်ပို့ဖို့ အမြဲရှောင်ဖယ်ဖယ်လုပ်နေတဲ့ ရဲကို သံသယဝင်လာလို့ လာချောင်းခြင်းပင်....
တစ်ယောက်တည်းလည်း မလာရဲတော့ ဧကရီကို အဖော်ခေါ်ခဲ့ရသည်။
"ကျောင်းရှေ့တော့ ရောက်လာပြီသစ်ရေ...နင့်အမွှာကို ဖုန်းဆက်တော့လေ...."
"မဆက်ချင်ဘူး..."
"ဟဲ့ မဆက်ဘဲနဲ့ ငါတို့ကသူ့ကို ဘယ်လိုလုပ်ရှာတွေ့မှာလဲ သစ်ရဲ့....."
"ကျောင်းထဲပတ်ရှာမှာပေါ့..."
"နင်လားရှာရဲမှာ...ကျောင်းဖွင့်တာတောင် တစ်ဝက်ကျိုးတော့မယ်...အခုချိန်ထိ ကိုယ့်ကျောင်းထဲတောင်နှံ့အောင်မရောက်ဘူးတဲ့သူကများ....
သူများကျောင်းထဲ ရှာဖို့စဉ်းစားနေသေး...."
ဧကရီက မဲ့ကာရွဲ့ကာနဲ့ဆို၏။နေ့လယ်စာတစ်ဝိုင်းကြေးကတိကြောင့် ကိုယ့်ကလပ်စ်(class)ကို ဖျက်ပြီး သူများနောက်လိုက်ခဲ့သည်။လိုက်ရကျိုးတော့ နပ်မှဖြစ်မည်လေ။
YOU ARE READING
ချစ်ခဲ့ရတဲ့ နေ့ပေါင်းများစွာ(Complete) ခ်စ္ခဲ့ရတဲ့ ေန႔ေပါင္းမ်ားစြာ
Romanceတစ်အိမ်တည်း အတူတူနေကြတဲ့ အမွှာ ၃ ယောက်နဲ့ မွေးစားသမီးအကြောင်းလေးပါ။ တစ္အိမ္တည္း အတူတူေနၾကတဲ့ အမႊာ ၃ ေယာက္နဲ႔ ေမြးစားသမီးအေၾကာင္းေလးပါ။
