အပိုင်း - ၁၅
"သစ်ရေ....နင်ဘာလုပ်....ဟာ....နင်...နင်တို့ဒါကဘယ်လိုကြီးလဲ.....ဘာလို့ပူးနေကြတာလဲ...."
အားမာန်သစ်တစ်ယောက် လေလေးတချွန်ချွန်ဖြင့် ညီမအခန်းထဲရောက်လာချိန်မှာ မြင်လိုက်ရသည့်မြင်ကွင်းက သူ့ကိုဖင်ကျိန်းသွားစေသည်။
ရဲလည်း သစ်ကိုပွေ့ထားချိန် မာန့်ကိုမြင်လိုက်ရ၍ ကြောက်အားလန့်အားဖြင့် သစ်ကိုပစ်ချလိုက်၏။သစ် ခုတင်အောက်ငုတ်တုတ်လေးပြုတ်ကျပြီး မြီးညှောင့်ရိုးနာသွားသည်။
“နင်တို့တွေ…ဟားးးး ငရဲ…မင်း…မင်း…ငါ့ညီမကို....မင်းကွာ….”
အားမာန်သစ် ဆံပင်တွေပွတ်လိုက် မျက်နှာကိုလက်ဝါးနှင့်အုပ်လိုက်ဖြင့် ဒီအခြေအနေကြီးကို လက်မခံနိုင်ရှိနေသည်။
“သားကြီး…ငါတောင်းပန်ပါတယ်ကွာ…ငါ…ငါတို့ဘာမှမလုပ်ရသေးပါဘူး….”
“ဘာကွ…မင်းကလုပ်ချင်သေးတာလား…သစ်ကလည်းမင်းညီမပဲလေ….”
“မင်းကလည်း…တကယ်မှမတော်ဘဲကွာ….”
“မင်း….”
မာန်ဒေါသဖြစ်ဖြစ်နှင့် ရဲအင်္ကျီရင်ဘတ်ကိုဆွဲဆုပ်ပြီး လက်သီးနှင့်ရွယ်လိုက်သည်။
“မာန် ဖယ်စမ်း…နင့်လက်ကိုငါ့ကောင်လေးရဲ့အင်္ကျီပေါ်ကနေ အခုချက်ချင်းဖယ်လိုက်စမ်း….”
“ဘာ….”
“ပြောနေတာမကြားဘူးလား…”
အချစ်သစ် မာန့်လက်ကိုတွန်းဖယ်ပြီးမျက်နှာထားတင်းတင်းနှင့်ဆိုလိုက်၏။
“ငါ့ကောင်လေး ဟုတ်လား….”
“နင်က ထပ်ကြားချင်သေးလို့လား….”
“နင်ရူးသွားပြီလား အချစ်သစ်…ဒီကောင်က နင်နဲ့နှပ်ချေးတွဲလောင်းကတည်းက ပေါင်းလာတဲ့ကောင်လေ… ဒါကြီးကိုများ နင်က….”
မာန် သစ်ကိုလက်ညှိုးတထိုးထိုးဖြင့်
မယုံနိုင်စွာပြောလိုက်သည်။သူ့စိတ်ထဲမှာ ဒီအဖြစ်အပျက်ကိုလက်မခံနိုင်သေးပေ။ငရဲလို ရူးပေါပေါကောင်လက်ထဲ သူ့ညီမပေးလိုက်ရမှာကိုနှမြောမိ၏။
VOCÊ ESTÁ LENDO
ချစ်ခဲ့ရတဲ့ နေ့ပေါင်းများစွာ(Complete) ခ်စ္ခဲ့ရတဲ့ ေန႔ေပါင္းမ်ားစြာ
Romanceတစ်အိမ်တည်း အတူတူနေကြတဲ့ အမွှာ ၃ ယောက်နဲ့ မွေးစားသမီးအကြောင်းလေးပါ။ တစ္အိမ္တည္း အတူတူေနၾကတဲ့ အမႊာ ၃ ေယာက္နဲ႔ ေမြးစားသမီးအေၾကာင္းေလးပါ။
