ချစ်ခဲ့ရတဲ့ နေ့ပေါင်းများစွာ(Complete) ခ်စ္ခဲ့ရတဲ့ ေန႔ေပါင္းမ်ားစြာ

16

အပိုင်း - ၁၆

ဒီနေ့ စက်က မနက်အစောဂျူတီဖြစ်သည့်အတွက် ညနေပိုင်းမှာသူမအားနေသည်။မနက်ဖြန်ဆို မန္တလေးကိုသွားရတော့မည်။

မန္တလေးမြို့သည် စက်နှင့်စိမ်းသက်သည့်ဒေသမဟုတ်ပေ။သူမမွေးဖွားရာဇာတိချက်မြုပ်ဖြစ်သည့် မတ္တရာမြို့နယ် ကျောက်တံတားရွာနှင့်မန္တလေးမြို့သည် အိမ်ဦးနှင့်ကြမ်းပြင်ကဲ့သို့ သွားလာရလွယ်ကူသည်။

ကိုကိုကြီး ထောင်မှပြန်လွတ်လာပြီးနောက် မောင်နှမနှစ်ယောက်အတူတူနေကြမည်ဆိုတော့လည်း ရွာမှာရှိသည့်မိဘလက်ငုတ်လက်ရင်းအိမ်ကလေးဆီ ပြန်လာနေခဲ့ကြသည်။စက်မှာ ငယ်ရွယ်စဉ်အချိန် အသက် ၂၀ အထိ ဘဝကိုအပူအပင်မရှိ ဖြတ်သန်းခဲ့သည်။ဖေလူချောတို့ဆီမှာ ဆယ်တန်းအောင်ခဲ့ပြီး မန္တလေးမှာအဝေးသင်တက်ပြီးဘွဲ့ရခဲ့၏။ဘွဲ့ရပြီးသည့်နောက်
လည်း ရွာမှာဘာအလုပ်မှမယ်မယ်ရရမ
လုပ်ခဲ့ဘဲ လတ်လျားလတ်လျားနေခဲ့ပြန်သည်။

သူမဖြစ်ချင်သည့်အိပ်မက်၊ရည်ရွယ်ချက်ရယ်လို့ ဘာတစ်ခုမှမရှိခဲ့။သူမဘဝကို စားလိုက်အိပ်လိုက် ဂိမ်းဆော့လိုက်ဖြင့် ပေပေတေတေဖြတ်သန်း‌လာခဲ့ရင်း ကိုကိုကြီးအိမ်ထောင်ကျချိန်မှာ သူမဘဝပြောင်းလဲဖို့ ကံကြမ္မာဖန်လာသည်။

စည်းကမ်းကြီးပြီး အရာရာကိုစည်းစနစ်ဘောင်အတိုင်းသွားသည့် ကိုကိုကြီး၏ အိမ်ထောင်ဖက်က သူမနေထိုင်မှုပုံစံကို အမြင်မကြည်ပေ။ကိုကိုကြီးလိုလူထောင်ထွက်ကို နှစ်နှစ်ကာကာချစ်မြတ်နိုးပြီး မယားဝတ္တရားကျေပြွန်စွာ ပေါင်းသင်းနေပေးသည့်ယောက်မဖြစ်နေ၍ အစောပိုင်းကာလများမှာ သူမသည်းခံခဲ့ပါသည်။သည်းမခံနိုင်သည့်အဆုံး ဖေလူချောတို့ဆီနောက်တစ်ခေါက်ပြန်ရောက်လာခဲ့၏။

အန်တီစံတို့က ဆွေစဉ်မျိုးဆက်ချမ်းသာကြသူများဖြစ်ပြီး တစ်ချိန်တုန်းက အန်တီစံသည်လည်း နာမည်ကျော်အနုပညာရှင်ဖြစ်ခဲ့သည်။ဖေလူချောနှင့်အကြောင်းပါပြီးမှ သူမဘဝကို မိသားစုအတွက်မြုပ်နှံထားခဲ့သူဖြစ်၏။

ဖေလူချောက‌လည်း အရည်အချင်းရှိသည့် ယောက်ျားတစ်‌ယောက်ဖြစ်သည်။အန်တီစံကဘဝကို ပူပင်ကြောင့်ကြမဲ့စွာနေခဲ့ရသည်။တကယ်တော့လည်း ဖေလူချောတို့မိသားစုက စက်အတွက် ဒုတိယမိဘဆိုလည်းမမှားပေ။