အပိုင်း - ၂
"စက် ဒီလာဦး...ပြောစရာရှိလို့...."
"ခဏလေးဖေလူချော...ဒီမှာတစ်ပွဲပြီးတော့မှာ...ဟာ တိုက်လေကွာ...ဘာလုပ်နေတာလဲ...."
လူချောမျက်ခုံးတွေ အလိုမကျမှုကြောင့်တွန့်လာသည်။ဒီကောင်မလေးက သူ အလိုလိုက်လွန်းလို့ တဖြည်းဖြည်းနှင့်ရောင့်တက်လာပြီ။
"မိ......စက်....."
*ခလွမ်း
*ဒေါက်
*ညှောင်
*ဟာ...သွားပြီငါ့စာအုပ်...
လူချော၏ဟိန်းခနဲထွက်လာသည့်အော်သံအဆုံးမှာ အသံတွေစုံနေအောင်ထွက်သွားသည်။
သစ်ကကော်ဖီခွက်ကိုင်လာချိန် ဖေဖေ့အော်သံကြောင့်ပြုတ်ကျသွားပြီး ရဲမာန်စာအုပ်ပေါ်မှောက်သွားသည်။
စက်မှာလည်း လန့်ဖျပ်ပြီးကိုင်ထားသည့်ဖုန်းကလွတ်ကျသွား၏။ကြောင့်ခေါင်းပေါ်တည့်တည့်ကျတော့ ကြောင်ကထအော်သည်။ထိုကြောင်က အားမာန်မွေးထားသည့်ကြောင်။စက်တော့ မာန်နှင့်ရန်သတ်ရဦးမှာမြင်ယောင်နေသည်။လောလောဆယ် ဖေလူချောကိုအရင်ဖားရမည်။အဖေ့ကိုကြည့်တော့ ရာသီဥတုက မုန်တိုင်းထန်နေသည်။သေချာပြီ အဆူခံရတော့မည်။
"ဟဲ..ဟဲ...ဖေလူချော...စက်က ဈာန်ဝင်သွားလို့ပါ...အခုရပြီ...ပြောစရာရှိတာပြောလေ...စက်က ဖေ့စကားဆို နားထောင်ပြီးသား ဟီး...ဟီး..."
"ထင်သားပဲ...ဖားတော့မယ်ဆိုတာ...."
သစ်ရဲ့မကြားတကြားနှင့်စောင်းပြောသံကိုကြားရ၏။
"သူများပြောမနေနဲ့...နင့်ကြောင့် ငါ့စာအုပ်စွန်းသွားပြီ...ပြောင်အောင်ပြန်လုပ်ပေး...."
"ဟဲ့ မတော်တဆဖြစ်တာပဲ...စွန်းသွားမှတော့ အသစ်ထုတ်ပေါ့...."
*ညှောင်...ညှောင်...ညှောင်...
မာန်ဝင်လာချိန်မှာ ကြောင်လေးကသူ့သခင်မြင်တော့ လူကဲ့သို့အပြေးလေးသွားတိုင်သည်။
"ဖေ့သားကြီး...ဘာလို့အော်နေတာတုံးကွ...."
"နင့်ကြောင်ကို မစက်ကဖုန်းနဲ့ပေါက်တာလေ..."
ESTÁS LEYENDO
ချစ်ခဲ့ရတဲ့ နေ့ပေါင်းများစွာ(Complete) ခ်စ္ခဲ့ရတဲ့ ေန႔ေပါင္းမ်ားစြာ
Romanceတစ်အိမ်တည်း အတူတူနေကြတဲ့ အမွှာ ၃ ယောက်နဲ့ မွေးစားသမီးအကြောင်းလေးပါ။ တစ္အိမ္တည္း အတူတူေနၾကတဲ့ အမႊာ ၃ ေယာက္နဲ႔ ေမြးစားသမီးအေၾကာင္းေလးပါ။
