Unicode
အပိုင်း -၃
#Normal #Fiction Name -
ချစ်ခဲ့ရတဲ့ နေ့ပေါင်းများစွာ
Author - #ဆာရာမူး
အိမ်ထဲမှာ လူစုံနေကြသည်။ပြဿနာတစ်ခုကို အကြိတ်အနယ်ဖြေရှင်းနေတယ်ဆိုတာထက် တစ်အိမ်လုံးရဲ့ အသည်းကျော်လေးကို ချော့နေရတာဖြစ်သည်။
"အဟင့်...ဟင့်...မတက်ရဘူးလို့...သစ်လက်မခံဘူး...."
"သမီးလေးကလည်း ဆိုးစရာမရှိ...ကြံဖန်ဆိုးနေတာကွယ်..."
ခြေနှစ်ချောင်းဆင်းပြီး အပီအပြင်ကိုကောက်နေတဲ့သစ်ကို ချော့မရတော့
ပင်တိုင်စံ ညည်းညူမိသည်။
"မသိဘူး...သွား....သစ် လက်မခံဘူး...."
"သားရယ်...သစ်နဲ့အတူတူလိုက်တက်ပါ့လား...."
နွယ်ရုံက သားဖြစ်သူကို လေပြေထိုးပြန်သည်။
"မရဘူးအမေ...ဒီတခါတော့ သားအလျော့မပေးနိုင်ဘူး....ဒါကသားရည်မှန်းချက်ပဲ...."
"မဟုတ်ဘူးလေ...အမေပြောတာက ဒဂုံမှာလည်း အင်္ဂလိပ်စာမေဂျာယူလို့ရတာပဲလေ..."
"မတူဘူးအမေရဲ့...သားက YUFL(ရန်ကုန်နိုင်ငံခြားဘာသာတက္ကသိုလ်) က အင်္ဂလိပ်စာဘွဲ့ပဲ လိုချင်တာပါဆို....သားအမှတ်နဲ့လည်း မီတဲ့ဟာကို....သူ သားနဲ့အတူတက်ချင်ရင် အစကတည်းက ကြိုးစားခဲ့ပါ့လား...."
"ငါမှ ဉာဏ်မကောင်းတဲ့ဟာကို..."
"ငါသင်ပေးမယ်ပြောတော့ နင်အပျင်းတစ်နေတာလေ...."
ငိုနေရင်းမှ ရန်ထဖြစ်ကြပြန်သည်။မာန်နဲ့ရဲက ဆယ်တန်းကိုထူးထူးချွန်ချွန်အောင်ခဲ့သလောက် သစ်ကအောင်တယ်ဆိုရုံလေး လွတ်လာသည်။
တက္ကသိုလ်တွေရွေးပြီဆိုတော့ ရဲက YUFL တက်ချင်သည်။မာန်က GTC တက်မည်။သစ်တစ်ယောက်သာ ဒဂုံတက္ကသိုလ်သွားရမှာမို့ ဂျီကျနေခြင်းဖြစ်သည်။
"မရဘူးပဲ....နင်တို့နှစ်ယောက်လုံး ငါနဲ့အတူတူတက်ရမှာ...."
"ဟေ့...ငါ့လာပြီးဆွဲမထည့်နဲ့...ငါက အစကတည်းက GTC တက်ဖို့ကြိုးစားခဲ့တာ...နင့်ဟာနင် ရဲကိုနိုင်အောင်ပြော...."
တချိန်လုံးငြိမ်နေတဲ့ မာန့်ဆီက အသံထွက်လာသည်။သူ့မှာ အင်ဂျင်နီယာဖြစ်ချင်လွန်းလို့ ကြိုးစားခဲ့ရတာ...ဒဂုံသွားစရာလား...
YOU ARE READING
ချစ်ခဲ့ရတဲ့ နေ့ပေါင်းများစွာ(Complete) ခ်စ္ခဲ့ရတဲ့ ေန႔ေပါင္းမ်ားစြာ
Romanceတစ်အိမ်တည်း အတူတူနေကြတဲ့ အမွှာ ၃ ယောက်နဲ့ မွေးစားသမီးအကြောင်းလေးပါ။ တစ္အိမ္တည္း အတူတူေနၾကတဲ့ အမႊာ ၃ ေယာက္နဲ႔ ေမြးစားသမီးအေၾကာင္းေလးပါ။
