💙BITTERSWEET 💙 (Svt Mizo Ff)||completed

🤎FOUR 🤎

🦋 BITTERSWEET🦋

YUBIN POV:

"Kan hlim dun chuang tak² lo a, buaina neuh² a awm reng bawk nen...hetiang ai chuan ințhen zawk mai ang. Bakah nangpawh lehkhazir lam ngaihtuah tawh zawk rawh" ati a, a inthiamloh hmel viau chuan ka hria.

Amah zawk kha min bem hmasa tu kha ania, tunah min țhen hmasa tu zawk ani leh bawk a. Mahse pawi tihna ka neilo, min țhen hmasa zawk hi ka tan chuan a thawven thlak daih zawk.

"Pawi hleinem...tikhan I țhiante bulah I awm anga anuam daih zawk ang chu" ti ve sak in ka kalsan ta nal² a. Ka awmdan vel avang te hian min lo zahpui ru ve reng ang tih chu ka hmuthiam ve uar² mai.

Zirtirtu te hauhbûr leh a thatchhe pawl ka lo ni reng bawk nen..class khata awm dun inngaizawng kan ni bawk a, class a hauh han tawh chang te hian pakhat zawk tan chuan a nuamlo ve duh khawp anh

Classroom ka lut dawn chiah tih in Sir Mingyu chu kan classroom lam pan hian alo kal mek a, ka hmuh rual² in chak thei ang berin ka pen nghal hlawk².

Classroom a ka țhu fel chiah tihin a lo lut zui nghal a. Hmanni a ka thil tih avang khan amah ka hmuh apiang hian ka zak thar leh țhin. Kan mit a in tawng fuh palh ang tih hlau reng² leh min bia ang tih hlau reng² hian ka awm a.

Kawnga kan in leh pelh dawn te hian peh hêl dan tur ka zawng ngar² țhin. "Wrestler" rawn titu avang chuan ka phu deuh zawk!. Sir Mingyu leh class a mi zawng² chuan min lo en leh țhap tawh chu niin.

"I hrethiam em?" A rawn tih chuan ka bo hle a, whiteboard a a thil ziah vel chu ka hriatthiam leh hriatthiamloh min zawt nia ka hriat avang chuan ka but ve nghauh² a, engmah phei chu hriatthiam ka nei miahlo lehnghal.

"Anih chuan macroeconomic awmzia I hria em?" A rawn tih chuan ka hlauhthawn rûk ang ngeiin min zawt ta nge² a. Sawi lawk tur hrelo chuan ka lehkhabu chu ka han bih leh zeuh a.

"A bu kha keu lo in, han sawi fiah teh le" Ala ti tak deuh2 a, a bu ka melh zeuh chung pawh khan ka hre hmanloa, a bu khup phei ila chu a mual bo in ka bo dawn anih hi.

"Aaaa...ih..." ka ti bah nuai a, sir lah chu lecturn ngheng chung hian a zawhna ka chhan hun chu min lo ngaichang reng tawh. Ka sawi tur hrelo chu a khât tawk hian ka chil ka lem leh khalh țhin a.

A tawp a tawp ah chuan, "I ngaihtuah loh kha ka ring leh rêng a. Eng hi nge maw I lo ngaihtuah leh vung² thin ang aw?.." tiin a nui suk a, min va han ti zak chiang tak.

"I bula țhu khan a hria em? I hming kha Shin Yuna ami kha?" Ati leh nghal zung² a, Yuna chu rawn ding ve nghal in, "aw ni e Sir" alo ti ve nghal vat.

"I țhiannu khan a hre bawk siloa nang in han hrilhfiah la" atih chuan ani pawh chu keimah ang bawkin a bo hmel ngang mai. Sawi lawk tur hre biklo chuan Sir chu a nuih leh sen² a, henu mawl theih em² zia hi chu.

"I hre biklo ani maw? In țhianho hian eng hi nge in ngaihtuah țhin le ka ti?" Tiin a thaw halh a, a lehkhabu chu a melh zeuh hnuah, "Lee Yoojin nang a thiamthei deuh ah han hrilhfiah teh le" atih chuan ka thin a khei zak..

Lee Yoojin lah chu phur fahran hian a rawn ding chhuak ve nghal a, "macroeconomic chu a tawi zawnga kan sawifiah dawn chuan, economy hrang² zirchianna. Economic inthlak dan hrang² zirna tih pawhin kan sawisual lovang" ati nghal zung² a, Sir lah chuan dik tih hmel zet hian alo bu nghat² a.

Kan class ah hian thiamthei tak² an awm ve nawk sia henu ber kher a han zawt chu ka ngei tawk a tling leh hle. Hepa hian min tih el a tum emaw min tih zah a tum vang ani hrim².