💙BITTERSWEET 💙 (Svt Mizo Ff)||completed

🤎ELEVEN🤎

                                  🦋BITTERSWEET 🦋

MINGYU POV:

Kan thil tih mek lai chu enge anih ka hria, mahse tawpsan erawh ka tum hauh silo. Ka rinloh deuh hian min rawn chhang let ve mial a, kan pahnih chuan ka duhthawh sâwt  tawh ngei mai.

A hnuah amah zawk chu inla hrang in hnuai lam chu a bih ngat² a, kei erawh in a che vel chu ngawi reng hian ka lo en bawk a. A kut lehlam in a hmui chu a dim tê hian a khawih a, ala ngawih reng avang chuan ka ngaih a țha tawh chiahlo.

"Yubin..ka..ka tihpalh.." ka ti ban charh a, ani erawh ala ngawi reng thung. "Sir..naktukah zir zawk mai ang" tiin bathroom lam pan a rual a, a awmdan chuan min ti hamhaih hle.

A lungawilo emawni le? Ti dawn ila thinrim hmel a pu silo, a awmdan chu ka hrethiam lo takzet. Bathroom ațanga alo chhuah hun chu ka nghak ta tawp a, rei fe hnuah pawh alo la chhuak lawk theilo.

Ka ngaih țha tawhlo chuan bathroom kawngkhar chu ka kik ta nge² a, a hming a ka auh vak² hnu pawn ala hawng lawk lo leh nghal. "Yubin enge I tih a? Rawn hawng teh" ka ti țhawt a, thawm pawh a rawn  la nei chuanglo.

Thawm ngaihthlak tumin ka beng ka han dawh hnai a, eng thawm mah ka hre theilo leh nghal. "Choi Yubin kawngka hi rawn hawng rawh, anih loh chuan ka rawn tlawhchhe dawn ania" ka ti khur² a, vawithum dâwn ka chum dawr² hnu ah a rawn hawng ve ta hram a.

Alo chhuak chu huh hnuang hian alo chhuak a, "henu hi enge maw a hriat a tun ang ruahsur lai leh nghal In" ka ti rilru neuh² nghal a. "Tinge kawngka min lo Hawn vat loh a?! Enge I tih?! I va huh nasa ve..." ka ti nghal bawrh² a, ngawi reng hian min en thung.

A towel chu laksak thuaiin a sam te chu ka hruk sak nghal mawlh² a,  "naktuk lamah ka lo kal leh mai dawn nia" tiin ka chhuahsan zui a.

Car ka khalh lai te  chuan ka mitthla ah nichin lawka thil thleng te chu a rawn lang nghal zut² a, ka mit Khap sak ka lu ka thing nang2 a. Eng rilru pu a khatiang a che nge maw ka nih le?!..Kim Mingyu rilru fim pu rawh!.

In ka thlen meuh chuan Minseo pawh alo la mu lova, Yunhee awmna ka zawh chuan a mut tawh thu in min lo chhang a. Yunhee awmna lam chu pan nghal in ani erawh tui tak hian alo muhil mek chu niin..tui taka a mu chu hmuhnawm ti zet hian ka thlir reng bawk a.

Zanin a thil thleng ka ngaihtuah chhuah loh theihloh avangin Yunhee chungah ka inthiamloh nghal ringawt a. Tihian a rualpui dang te ang lo takin nu leh pa karah a seilian ve lova, nu hmangaihna pawh a dawng țha hman meuhlo.

A nu chungchang min zawh te hian sawi reng te hi nuam ka ti bik lo, nakinah alo seilian zel anga tleirawl alo nih ve meuh hunah chuan chhungkaw pangai tak, nu leh pa thlazar hnuaia seilian ni velo anih avang hian a țhenrual țha te zingah pawh nuamlo ala tive dawn chu a ni si a.

"Nichin khan I awmna min zawt char² a, I buai ve thei sia I fanu hian a ngai thei teh mai che ania" Minseo ina alo tih chuan ka lo nui tawi tak a, a sawi chu a dik alawm, hna thil vel avang hian ka fanu pawh ka ngaihtuah hleithei meuhlo chu a ni.

Tunah chuan Seoul ah a awm ve tawh dawn bawk a, ka theih ang² in ka fanu hi ka enkawl ve tawh  anga, a bulah pawh hun ka theih anga tam hman ka tum tawh ang.

A tuk school kal hun alo ni leh a, nizan thil thleng avang khan Yubin hmel hmuh hrehna riau ka nei. Min huat phah angem? Emaw min ngaihnep phah angem tih te chuan ka rilru a luah deuh reng a.

Class ka lak lai te chuan ka va melh leh zeuh țhin ani erawh min en lemlo hian a lehkhabu a bih ngar² thung a. Zirlai te ka hrilhfiah zawh hnu ah an hriatthiam leh hriatthiamloh te chu ka zawt nghal bawk a.