💙BITTERSWEET 💙 (Svt Mizo Ff)||completed

🤎TWENTY THREE🤎

🎀BITTERSWEET 🎀

YUBIN POV:

"After party ah I awm ve dawn em? " Wonwoo ina alo tih chuan chhang lawk lo in  ka inngaihtuah leh te te phawt a. "Ka hre lo, ka țhiante saw ka'n rawn hmasa ve phawt ang a..an peih chuan ani mai" ka tih chuan alo bu nghat² a.

Engmah sawilo chuan kan han ngawi dun leh vang² a, thlalak ho na an la neih mek avangin kan ri luai² bawk a, ka țhiante lah chu ka hmu lawklo leh nghal. "Ti rawh, thil va ei ve ila" atih chuan ka kal zui a, ka rin aiin mi an tam zêk leh nghal, dawhkan pawh kan chang lawk lo.

"Yubin helamah hian țhu mai ang a remchang emai" atih chuan kil khata dawhkan ruak ah chuan kan țhu ve nghal a, ka țhiante zawng pah in ka la hawi kual deuh reng  mai. "Mi zawn I nei em ni?" Alo tih chuan, "Nia..ka țhiante hi ka hmu zo miahlo a, min lo hrethiam la ka'n call lawk ang e aw" ka tih chuan alo  bu leh nghat a.

Ryujin chu call in ka call chu a chhang lawk lo leh nghal a, ka beidawn tawpah Chaeryeong ka call ta thung a ani erawhin alo la vat thung.  "Hello, Khawnge in awm daih a?" Ka ti nghal a, "thil eina ah khan kan awm..kan zawng char² che a, kan hmu bawk silo che a." A ti a.

"Keipawh tunah Thil ei na ah khan ka awm ve tho, after party kal ve ila..kan inhmukhawm dawn nia" ka tih chuan 'aw' alo pawh vat a, phone ka dah rualin Wonwoo chuan a țhiante alo be ve hlawm mek bawk a.

Thil ka ei mek laiin ka hma  lawkah Sir Mingyu  ka hmu thut chu ka thil ei lai ka phuhchhuak lo chauh. Amah chauh ani lo, Somi nen chuan an lo țhu dun ve rân a, Sir Dk te inneihna ah te enge maw a rawn tih ve leh dawn ni?.

Min biak han tum nâ teh se ka be lo chiang viau ang. Wonwoo lah chu hmelhriat pakhat pakhat in an lo be sek leh nghal a, lehlamah lah Sir Mingyu nen kan mit ala intawk deuh sek leh nghal..ka hne tak² a nia!.

Wonwoo țhiante an kal bo hnu ah, "Sir Dk te nen hian in inhre ve elaw?" Ka ti nghal a. "Immm. Kan junior ani țhin a, hei in Sir Mingyu te ho nen hian an in classmate țhin alawm. Mi kha an ngaina ve țhin sia, kan inkawm nasa bawka mi țhenkhat phei chuan unau emaw te min ti.  Inang min ti tihna anih chu" tiin a nui ruh² a.

Han ngaihtuah chet² chuan in anna lai  chu an nei ka ti ve deuh, unau kan ni pawh ti se anmahni hrelo tu tan chuan an awi   hrim² ang. Thil ei zawh ah Wonwoo nen bawk chuan party na lam turah chuan kan kal a, kan thleng hma viau emaw tih pawn kei ni aia thleng hma anlo awm  ve leh zel a.

"Monu leh mopa an lo la thleng rih chiahlo anih hi..I țhiante chu I nghak dawn em? " Wonwoo chuan alo ti a. Ka țhiante zawn pah chuan ka hawi kual deuh reng a, "Nia..ka lo nghak ang, khawiah emaw kal duhna I nei em ni?" Tiin ka zawt nghal a, Sir Mingyu awhthik nan ani hi ka bul hnaiah a awm angai tlat.

"Nei hran lo e, I țhiante bula I awm duh takin ka ti mai² mawle. I țhiante chu han call ve reng² la" atih chuan bu nghauh² in phone chu ka phawrh zui a. Yuna chu call in ala la lawk lo leh nghal a, ka beidawn țep ah alo la ve mial a.

"Khawnge in awm? Hei keichu party na tur hmunah khan ka awm tawh" ka ti nghal zung² a, a bula awm te an bengchheng bawka a țawng pawh a hriat hleitheih loh.

"Aw hei kan lo kal mek, min lo nghak rawh" ati a, kan inbiakna pawh kan titawp zui a. Wonwoo chu pakhat pakhat in an rawn be deuh reng a, hmelhriat a ngah hmel teh e. Monu leh mopa an lo thlen rualin music pawh a ri hat² nghal.

Nabie chu a thil hak apiang mai chu a inhmeh vel vek a, chutiang bawkin Sir Dk pawh. Party an țan vel chiah tihin ka țhiante pawh an lo thleng ve chiah bawk a, Yuna chu a dân ngai te in alo phur leh hluai tawh.