💙BITTERSWEET 💙 (Svt Mizo Ff)||completed

🤎THIRTY FIVE 🤎

    💗Bittersweet 💗

YUBIN POV:

"Ehe!. Ruhro emaw ka ti dawn che alawm!..I va cher sâwt  ve." Beomgyu chuan ati lâng² a, a la țawng ring em² leh nghal. "A duh leh a cher anga, mi damlo na na na thâu thut se itia mi?" Yeonjun chuan a lo ti ve bawk a, an pahnih chuan an inmelh no lo leh nasa tawh.

"A chêr ka ti ve ani mai a chuchu buaina I nei ami?" Beomgyu chuan a lo ti var a, Yeonjun chuan Beomgyu chu hahthlak tih melh a melh chung hian a thaw halh a, hemi te pahnih hi chu a ngâi te bawkin  inhnial an la hrât  reng  anih dawn hi.

"Ti r'u inhnuai lamah chhuk ila, ei tur te kan siam dawn nia." Ka tih chuan min lo zui ve nghal mai bawk a, ka cousin te zingah chuan anni hi ka kawmngaih ber te an ni a, an han inhnial țhin tak² hi chu kil khatah ka lo hlimpui em² zel.

Ei tur ei pah in kan titi ho mawlh² bawk a, an college a an awmdan te leh hnam dang kara an awmdan te an han sawi chuan kan nui ho dar² bawk a, kum ngâ dawn kan lo inhmu tawh lo bawk nen..an ngaihawm dun asin aw.

"Thil ei țeuh² tawh rawh, kha I cher lutuk ania. " Yeonjun chuan a ti a, "Dik chiah, tunah chuan keini pahnih kan rawn haw tawh bawk a, kan inah te pawh I rawn leng ve țhin anga.." Beomgyu chuan a lo ti ve bawk a.

Anni pawh tih tur dang an la neih avangin an haw zui a, an haw deuh chiah tihin Wonwoo call ka dawng zui a. "Zanin enge I tih dawn? I buai lem loh chuan zanriah eichhuak dun ila."  A tih chuan tihtur ka nei lem lo tho a tiin ka lo 'aw' ve mai bawk a, ka nu hian a phal ange maw?.

Dar ngâ a lo rik chuan chhuak turin ka insiam țan ve nghal a, "makeup hmang ziah rawh" min tih kha ka hrechhuak a, khata țang kha chuan ka chhuah dâwn apiangin makeup te ka hmang uar ve țan a, a sawi ang tak² khan Ka han in tuai mâm tak² chu keimah hi ka phur sawt țhin.

Ka thawmhnaw neih țhat ang² te inbel in, chhe lo thei ang ber chuan kal ka tum  a ni. Ka nu hnenah phalna ka la thlap a, ani pawh in alo rem ti ve mai bawk a, bakah Wonwoo hi chu a ring tâwk ve em² a, ka chunga a țhatzia hre tu kha ani miau bawk a.

Tun hma te kha chuan khawlai ngaina tak kha ka ni țhin a, zana chhuah ka dil te khan a khap tu ber² te kha a ni zawk țhin  ania, tunah te chuan ina ka inkhung tluk² hlau ber tu a ni tawh zawk.

Ka insiam zo deuh chiah tihin ka nu chuan Wonwoo'an  inhnuai lama min nghah thu min rawn hrilh a, inhnuaia ka chhuk chuan amah ka hmu zui a, a lo chhe lo leh em² tawh.

"I van lo thleng hma em².." ka tih chuan a nui suk a, "Nia, Speed ka rawn pe chak bawk ema ." A lo ti ve bawk a, ka pawnfen ka siamțhat mawlh² lai chu min en reng ani tih ka hriatna hian a hre thei tlat a, keimah hi ka ni leh țawt² tawh.

"Kan kal dawn mi niang?"  Tia ka han dahchhuah chuan ka rin ang ngei² in ngun zet hian min lo en reng chu niin a mitah tak ka la en fuh leh nghal. A kutzungchal a a tarmit tihchhoh zeuh pah chuan, "I mawi lutuk.." ti zawi sap in a rawn khi suk bawk  a, ka lâi lutuk chu ka biang a rawn sa leh pup² nghal.

"I van ti lawmawm..nangpawh I chhelo ." Nui ver² chung hian ka ti a ka lâi lutuk zahzel ah ka ke in chhuat chu zawi te hian ka chhir deuh sek mai.

"Kal ila I hman chuan.." a rawn tih chuan kan inzui chhuak ve nghal a, pawn kan thlen chuan  a car ka hmu ta reng² lo mai chu mak tiin ka hawi vual² mai a.

"Zanin chu bike in kan chhuak ang chu ka lo ti deuh a. " ka ngaihtuahna  hria ni âwm tak chuan  a lo ti zauh a, "Ani maw?!  Ehe!. Bike I khalh țhin elaw?" Ka ti nghal thuai a, ka bula rawn din hnaih pah hian, "Car aiin bike ka khalh hmasa zawk alawm.." tih pah in helmet chu a khum nghal bawk a.