💙BITTERSWEET 💙 (Svt Mizo Ff)||completed

🤎TWENTY SIX🤎

🎀BITTERSWEET 🎀

YUBIN POV:

Office lam pan a kan kal lai chuan student țhenkhat te chuan min lo en duh hlawm ngang mai a, ka insualpuinu lah alo thi ve hnuang bawk nen mak ti deuh a min en hrek² chung hian thil an in hrilh ru sap² bawk a.

Office kan luh rualin teacher min rawn hmu hmasa apiang te chuan thil thlen dan chu Miss Boa chu an lo zawt nghal zung² a, Sir Mingyu ina min rawn hmuh ve rual chuan min rawn pan hnaih thuaiin, "I insual leh tawh ami?"  Hamhaih hmel zet hian a lo ti sup a, rum zet a melh in ka inher nghal daih a.

"Choi Yubin, enge awmzia? I fel ve tawh viau emaw tih nâk a laiin..I junior te ilo sual a maw?!" Miss Gyuri chuan alo ti kha² a, chhan pawh ka chhang peihlo.

Hun rei tak hnu ah insual case avang bawk in principal Office ah ka lut leh chu ania. Ka insualpuinu lah chu a hnar ațanga thisen a chhuah reng avang chuan teacher te chuan an buaipui reng bawk a.

"Nang leh bawk maw?. In teacher ten an fak ve tawh viau che emaw ka tia, enge awmzia hetia I awm leh si?. Fak I va dawl lo ve.." Principal chuan a ti hluk a, ka kut hnung suihin hnuai lam chu ka bih ngawr².

"Oh Yura enge in insual chhan?" Miss Boa ina alo  tih chuan a chhan diktak a sawi ang tih chu ka hlau rilru hle a, sawi lo hram se ka la ti tho. "Kan senior te ania, a chanchin kan sawi a, a chhe zawng pawn ka sawi pawh ani lo, a rawn chhuak a min rawn hnek nghal ringawt anih kha" alo ti daih thung a, dawt sawi mahse thudik a sawi ai chuan  pawi ka ti lo zawk.

"I va nasa reuh ve a. I thil tih hi I hmu em? Thisen chhuah khawp in anih hi kut I thlak!. Insualpui I neih apiangin thisen I chhuah ngei² a, eng angin nge maw I inngaih phiangsen ni? He school ah hian i hlauhawm ber emaw inti suh ang che, hmeichhia te te si insual hrât em² ringawt mai, Zak ve deuh rawh. " duhthawh zet chuan Principal chuan ati khur² a, Office chhunga mi te chu thehmeh an sawi ang hian kan reh țhap mai.

"Sir, Yura hi chu Nurse bulah ka va kalpui mai dawn em ni?.a thisen chhuak hi a tawp theilo reng²." Miss Eunha ina atih chuan Principal chuan kal pui thuai Turin alo ti ve bawk a.

Sir Mingyu pawh chu Office ah chuan rawn lut ve in thil awmzia te chu Principal chuan alo hrilh ve zung² bawk a, hepa hian ka thin a ti rim daih zawk. Amah hi ka dem lo theilo a, Office phei chu nilose amah zawk hi ka hnek ve nghal  tawh ngei ang.

"Yubin, chutiang thu ah mai² tinge khatia I junior te kut I thlak vak a?" Te chu alo la ti tak deuh² a, hmela nangma vang vek ani tih hi hre rawh!.

"I fel viau tawh emaw kan tia, zirna lamah te hma i rawn sawn a, kan lawm ve tehreng nen I heti zui leh a, enge awmzia?..fak I dawl lo riau niin a lang. I chhungte kan koh leh mai a ngai dawn anih hmel." Miss Boa chuan ati a, ka nu bawk an koh leh ka ring.

Ka nu chu an call a, a la theilo. Sir Mingyu zawk chuan, "A u number ka nei a, ka lo bia ang" alo ti ta zawk a, ka u ber kher chu ko lo se ka tih tehreng nen..in lamah min hau leh nasa dawn anih hi.

Ka u chu bia in ka u pawn alo thlen thuai tur thu alo sawi ve bawk a. Ka u an nghah pah in teacher rawn lut tawh phawt chuan min rawn hau ve sek bawk a, keiphei chu țawng pawh ka țawng peihlo. Ka țawng ve hlauh anih chuan an pawi ka sawi leh nghal dawn tih ka hre chiang em a.