💙BITTERSWEET 💙 (Svt Mizo Ff)||completed

🤎THIRTEEN🤎

🦋BITTERSWEET 🦋

YUBIN POV :

"Choi Yubin " Miss Jihyo ina a rawn tih chuan ka dakchhuak nghal thuai a, "ka lawmpui a che. Mark 95 hmu in in class ah i hmu sâng ber e." tih pahin ka paper chu a rawn lek kâng a, kan class ho chuan min lo en țhap pah hian an kut an lo bêng dar² hlawm bawk a.

Ka dawt chiah ah Lee Yoojin ani a, amah ka va en chu min ngaihtheihloh hmel zet hian min lo melh râm² a, ka nuih suk duh chauh. "A țha hle mai, Choi Yubin ațang hian In lo inzir ve țheuh dawn nia...kumtirh lam ngaihtuah chuan hma I rawn sâwn tawh hle a, i zirna lamah mai nilo I nungchang ah pawh...thiamtheilo emaw rilru chaklo ini hran lova, thluak țha tak inei a a hmandan I thiam angai a ni mai" Miss jihyo chuan ati charh2 a.

Ka țhiante pawh chuan min lawmpui thu an rawn sawi sap² a, final exam ah phei chuan top 10 a ka lan ngei² angai dawn anih hi. Dar a rawn rik chuan kan class ho chu a phu leh hlut tawh a, tlar hma lam ațanga Yoojin te thianho rawn kal mek chu ka hmu zui bawk.

Ka zawn an rawn thlen chuan an ding dat a, "Ka lawmpui a che, hma i sawn zel ka beisei.." tia min vei nuih zeuh chung hian a kut a rawn lek chhuak a. Keipawh chuan a kut chu vuan let in, "ka lawm e" ka ti ve sup bawk.

An  kal hnu chuan ka țhiante chu ka bulah an lo țhu nghal thuai a, Yuna chuan, "Hmmmp...a thik vang che anih kha. A hmel ațang khan a hriat vek" alo ti vat a, midang ho pawh chuan hnung lam hawi let zak² pah hian hmui an lo ti pawrh ve bawk a.

Cafeteria a an tam em avang chuan canteen ah kal in thil dang² te kan ei ho ta zawk a. Tui in tur a awm lawkloh avang chuan tui Inna tap lam pan chuan ka kal zui ve a. Tui ka in zo ka han dahchhuah leh chiah chuan Sir Mingyu hi ka bula a rawn ding hlawl a, min ti phu Chiang kher mai.

"Enge ngawi reng a ilo din a?! Min ti phu lutuk!" Tiin a bâna ben zeuh ka rual a. "Ramhuai pawh ka nih loh hi...chhun pa chang ah leh nghal enge I hlauh?" Alo ti thân a, ka va han ngei tak.

"Chupawh nise, min ti phu tho²" tiin ka kalsawn a, a pen thawm ka hriat zui danah min zui ani ngei ang. "Miss jihyo subject ah ilo hmu sâng ber tih ka hria a, staff dangte bulah a fak luam che asin" atih chuan ka kal lai chu tâwp chat in ka inher let leh nghal a.

"Chuti maw?" Nui sâng chunga ka tih chuan min rawn nuih let ve in a bu nghat a, "Min ti lawm țhin khawp mai. Hetia hma I sawn zia an rawn sawi te hian chhungril ah hian ka lo hlim veng² țhin." A tih chuan lâi zet hian ka lo nui suk.

"A țha e, fak tlak leh entawn tlaka awm zel hi a țha. Thu I awi pauh leh school kal nuam iti anga, thu hi I awiloh a a awmherh zawnga I khawsak reng chuan nuam iti ngailo ang" ati a, thu țha min hrilh ve te hian ka hmu thiamlo țhin..a fiamthu leh dawn ni a hriatna ka nei tlat a, amah hi ka hmu thutak thei hlawl lo.

"Taka, tun inrinni lo awm tur hi Parents day ani dawn a...Yunhee te school lamah I rawn kal ve hman angem? I hman loh pawn a pawi miahlo ania" Inthlahrung dâk a alo tih chuan ka chil ka lem khalh a.

"Aaaa..ka hrelo, ka theih chuan rawn kal ka tum dawn nia..bakah Yunhee pawh hmuh ve te pawh a châkawm alawm" ka tih chuan a nui suk a.

School hunchhung ah hi chuan biak tam loh hi ka duh. Anih loh chuan țawngthei tak² anlo awm ve bawk nen...sawi sep kan kai thuai ka hlau. Ka țhiante ngei pawn min chhaih leh zeuh an chîng ťan a, a chang chuan ka lawm lo țhin khawp mai.