💙BITTERSWEET 💙 (Svt Mizo Ff)||completed

🤎TWENTY NINE 🤎

MINGYU POV:

Tihtur a awm loh em avangin khumah țhu in lehkhabu te chu ka chhiar vel ta mai² a. Phêk hnihna ka chhiar dawn chiah tihah kawngkhar anlo kik ri nghal kharh² a.

"Lo lut rawh" ka tih rual deuh thaw in kawngkhar chu rawn in hawng nghal in  Minseo ka hmu zui a. "Tlai lam chu ka țhiante nen zanriah ei turin kan chhuak ho dawn ania." Tih pahin ka lam panin a rawn kal ve mek bawk a.

"Ațha alawm.." ka lo ti thên thung a, ka lehkhabu chhiar lai chu ka bihsan leh nghal daih, chhuah tuma a inher uai tawh chu rawn inher let leh in ka bulah a rawn ding nghal zat a, hrethiamlo zet chuan ka lo en hâ ringawt.

"U, thil hrilh duh che ka nei.." thutak zet a rawn tih pah hian ka bula rawn inthawlh ve a rual a, eng thu pawimawh tak chu ni leh ang maw?.

"U, U Eunbi hian engmah a hrilh ngailo che tiraw?" A tih chuan bangbo zet hian ka en a. "Amah hi I lo chîk ve ngai miahlo ami? A rawn zin țum a a cher sâwt zia te kha" atih leh chuan tlem in ka man ve țan ta deuh.

"Chuan chuchu engtin?" Ka tih leh chuan a hui pap a, " Sawi loh ka tum viau nâ in, ka zep thei tawh thlawt lo." Zawi sap a tiin a hmel chu lungngaih hmel hian a rawn inthlak nghal in ka hria..chutia a rawn tih takah chuan ka beng a ti vir nghal zak mai.

"Sawi teh, eng chu maw?" Ka tih leh a. "U Eunbi hi tuna a pasal hian kut a thlak țhin ani âwm e. A rawn zin țum te khan a ban ah te khan thil duk thlurh kha a awm zeuh bawk a, a mit khuar te lah kha makeup a hmanloh phei chuan a tla tih kha a hriat sia" tia a lo sawi mawlh² lai chu pawt chat in, "Engtin nge chuchu ilo hriat daih theih zawk?" Ka lo ti nghal vat a.

"A rawn kal khan a cher sia, a hmel ațang  te reng² khan mu tlem tih a hriat ema,  chumai pawh ani lo, a taksa tla sâwt lutuk te khan ka ngaih ati țha lo  a.  Amak lutuk Enge maw tak damlohna anei anih  rinna hi keimah ah hian a lian tlat  a, ka zawh deuh sek avangin min hrilh ve ta nge² a, min hrilh țum phei chuan a țap nghe²....mahse nangma bula zep tlat turin min ti bawk a.

Tuna a pasal hian kut a thlak mai piahlamah țawngkam chhe tinreng a chhahchhuah khum reng bawk a. Nau alo pai theihloh piahlamah hnam dang alo ni ve zel bawk nen, a pasal chu sawiloh a pasal chhungte leh zel huat rawn ani bawk a, hna neilo mahse inchhungkhur hna a engkim atih angai a, sawti saw chuan a hriselna leh rilru lam  in ala tuar thuai ang mawle..ka va han lainat tak e aw.." ati zui vawng² a.

A rawn zin hnuhnun ber khan a dawldângin a cher sâwt ka ti deuh reng a ni, amah ka zawh lah in a sawi țha duh siloa engah vak mah ka lo ngai zui lo kha ania, tunah a chanchin ka han hriatchian meuh chuan alo nasa viau tawh anih hmel.

"A nu leh a pate'n an hria em? " ka tih chuan, "Hre lo aniang, engmah antih loh  danah" a ti a, Eunbi chu ka ngaihtuah zui nghal vawng² a.  Tun hma angin inlaichînna nei tawhlo mah ila țhian ang  tal pawhin ka la ngaihtuah ve tho a ni.

"Engpawh chu nise amah chiang takin ka la zawh angai dawn anih chu" kutkuangkuah pah chuan ka ti a, Minseo chuan ngun zet hian min lo en thung a. "U, U Eunbi hi chu I theihnghilh hlawm tawp bik lo tiraw?" Thutak zet hian alo ti a.

Chhân lawk ngaihna hrelo chuan ka ngawi reng a, ka inngaihtuah ani mah zâwk ang chu. "Ka hre lo le. " tiin ka nuih suk ringawt a, 'ka theihnghilh daih tawh' ti dawn ila dâwt sawi ka ni dawn si a, amah ka hmuh chang hi chuan nunhlui rilru ah a lang lo theilova, kan inhaw zui lo bawk nen kan inbiak emaw kan inhmuh tawh hi chuan rilru in  nunhlui  a ko kir ngei² țhin.