💗BITTERSWEET 💗
MINGYU POV :
Naktuk tuk leh mai hian Tokyo lamah Eunbi kei leh Yunhee te chu kan pem a lo ngai ta a. Eunbi pawn hna hmu ve in keipawh chu vanneihthlak takin company pakhat ah hna ka hmu ve mial a.
University tih vela thawh chu duh hle mah ila țawng lama harsatna ka la neih rih avangin ka la ti thei ta lo a. Hun rei tak ata ka lo awm ve tawh na ka han chhuahsan mai chu hreh tak te hian ka hreh hle a, chhungte mai nilo ka țhiante pawh hi ka lo ngai viau ang le.
Somi pawh Canada lamah te awm ve leh tawh in min rawn be zeuh² țhin a, Wonwoo kâ ațanga ka lo hriat dan In bialpa a nei zui a ni awm e. Kal țep tur kan nih tawh avang in inleng kan nei deuh reng a, Eunbi țhiante mai nilo ka țhiante leh ka student hlui te pawn ka ngaihawm tur zia min hrilh loh leh kal lo mai tur te in min ti ve nasa țhin bawk a, mahse ka chhungkua te ka châwm nan chuan ka tih angai miau si a.
Zanin pawh hian Dokyeom leh Wonwoo te pawh an rawn lang ve hlawl a, Dokyeom phei chu nupui neih a ngaih nge ni a taksa pawh hmuh nuam khawpin a rawn thau țan deuh tawh.
"Nupui neih chu I ngaih viau ani maw? Kha I thau țan der alawm.." ka tih chuan a nui leh vur² a. "Hmangaihte bula awm tawh hi chuan engmah ei lo pawh ni ila kan puar em² reng mai a ni." A lo ti var a, a nupui neih hlim lai ang bawk khan ala inla nupui nei reng tho anih hi.
"Anih fa neih lam te in tum hnai em?" Ka tih leh chuan, "Tum em² rih love. Nabie inpeih hun² ani mai ang chu, keiman ka pai dawn lova amah in a pai dawn a..a pai tu tur inpeih hun² ah a ni mai." A ti a.
"Chu, a awmzia chu Nabie inpeih hun² ah a hawlh lam chu I inpeih reng dawn tihna ani maw?..E khaia, a mipa zawk ve si thu I va nei love.." tia ka nuih ruh² chuan midang pawh chu an lo nui ve hak² zui a.
Dokyeom chuan ka hnunga min rawn chum chawrh rual hian, "I rilru thianghlim lo lutuk hi chu ka hne tak² ani!. Kei ai chuan I hawlh kha ana fe zawk ang, I lian ropui si." Nui hauh lo hian ati a chuchuan a thusawi chu a ti nuihzatthlak leh zual.
"I hre ngawt ami?"
"Ka hria ka tia mi? I duh leh Eunbi kha zawt la.." atih leh chuan Eunbi leh Wonwoo chu an lo nui nasa mai. Kan pahnih a kan awmdun tawh hi chuan kan inhnial ngei² țhin a a bulah hi chuan thutak deuh a awm a har.
Ei tur te eiin kan titi ho malh² a, titi a tui bawk a engtik laiin nge intur te chu kan lo in zawh hman pawh kan hre lo. Eunbi leh Dokyeom lah chu an titi a kal tluang hle a, an titi tui tho bawk a tiin Wonwoo chu corridor lamah ka ko hrang thung a.
"Thil hrilh tur che ka nei a hetah hian lo țhu rawh." Tih leh chair chu ka pawh phei sak a, a țhut fel hnu chuan, "Eng nge ni ta? Min koh hran hmak danah a pawimawh hmel riau mai." A ti zui a. Keipawh chu țhut hmun siam rem hmasa te te in thawk ka la zui halh a, zanin hian engkim ka hrilh a ngai a ni.
"Ih eng lo ania, Yubin nen hian inla inbe țhin em?"ka ti hmasa te te a. "Tunlai tak chu kan inbe mang tawh lo, bakah social media velah pawh a reh zui vang² mai." A ti a, a awmzia chu anxiety a neih thu kha thudik tak anih dawn chu.
Ka aw ka thian kharh² hnu ah, "Thil hrilh duh che ka nei a, khawngaihin min huat phah bawk lo la. Yubin nen hian tun hma in kan lo inzui ve tawh țhin a, mahse thla tam tak kal ta khan kan ințhen zui a."
"Kan inzui țhin lai pawh khan ka hmangaih a ka phak tawkah ka care ve em² țhin. Mahse a naupang zawk anihna chen ah naupanchhiatna a ngah zawk a, ho te te a a thinrim loh leh tihtauhna tur ho te te a nei reng fova, a mipa zawk leh a upa zawk ka nihna angin ka dawh ve hrâm² țhin."
![](https://img.wattpad.com/cover/361118021-288-k179028.jpg)
YOU ARE READING
💙BITTERSWEET 💙 (Svt Mizo Ff)||completed
Fanfiction"But the pain is Bittersweet, because in losing you I found myself" My first ever svt fanfiction....ngaihnawm intih hram ka beisei🥰