💙BITTERSWEET 💙 (Svt Mizo Ff)||completed

🤎EIGHTEEN 🤎

🦋BITTERSWEET 🦋

MINGYU POV :

Yunhee nena ice cream ei dun in movie ka en pui bawk  a,Minseo erawh vawiin lam avangin a chau hle a zanriah takngial pawh ei peihlo in a mu zui nghal daih a. A cartoon movie duh mai ber en in a nuam a ti hle a, a ice cream ei pawh chu a ngaihsak lo leh lek² țhin.

"Apa natuk school kal dawnah saw ta lalfanu sam phiar dan ang sawn min phiar ve rawh aw" phur zet a a rawn tih chuan a sam tuai thur sak pah in, "tehreng mai" ka lo ti nghal a.

Movie en lai a  tawp meuh chuan dar kua alo ri leh țep tawh a, Yunhee chu inti fai tura hrilh in khumah chuan ka muttir nghal a. "Apa..Hmanni ami U Yubin kha engtikah nge alo kal leh dawn?" A zawhna  chu ka rinloh lam daih anih avang chuan min ti hamhaih hman hle a, Yubin hi hmanni parents day bak kha chu a hmu zui leh ta lo a, a chanchin a rawn sawichhuak hlawl chu mak ka ti ve deuh.

"I u Yubin chu exam a nei mek a, an exam zawh ah a rawn leng leh dawn alawm.." ka ti sap a, a ngawih leh deuh vang² hnu ah, "Apa, Anu hi engtikah nge min tlawh Turin alo kal leh dawn?" Ati leh a, zanin hi a eng chu nge maw a hriat a  zawhna mak pui² min zawh deuh thut² ni?.

"Uhmm...ka hre rihlo. Mahse, alo kal leh țep tawh ang. " tih pah in  a sam ka  chûl sak hliau² a. A châng hi chuan a nu hi a ngai ve țhin, naupang mai ala ni a nu thlahlel rual ala ni bawk nen..a chang hi chuan hetiang ni leh tur siin Eunbi hi lo tawng lo tawp ila tih châng ka nei fo țhin..keimahni pahnih mai nilovin Yunhee leh zel in a tawrh phah chu a ni sia.

"Apa ka muhil theilo..min zai sak la" atih chuan ka mut dan in siam rem țha sauh² in ka kuah nghal a. "I mit chhing la, ka lo zai sak ang che" ka tih rualin a mit alo chhing zui ve  mai bawk a, kum khat anih vel laia amah awih mut Nan a ka zai sak ziah țhin, "Jajang guri" tih hla chu ka han zai sak leh a.

He hla hi kum khat anih vel lai, a nu hnen ațanga ka lak hran hnu khan zantin amah awih mut nan ka zai sak fo țhin a, a țah lai te a ka han zai sak tawh hi chuan zawi zawi in alo bâng ve leh mai țhin.

Ka zai zawh meuh chuan alo muhil tui leh tawh ngang mai, a thaw ri sêk² leh nghal. Dawhkan a ka phone chu ban in Yubin message chu ka hmu ve nghal mai bawk a, ni dang ang lo takin zanin chu min reply hma ve tlat.

"Naktuk school kal i tum em?" tiin message chu ka va thawn a, 'online' inti reng siin ka message chu a en lawk lo leh nghal.

A chang phei chuan ka biak hmasak loh hi chuan online reng pawh nise min biak hmasak a tum ngailo a, thikthu han tihchhiat ve viau dawn pawh hian amah zawk² hi a thinrim ber² ah ala țang leh ang   ta deuh² a, hmeichhe maksak ve tak zawng a ni.

"I online reng te chuan min chhân na chang te hi hre ve la" ka ti ta thlawt a, ala en lawk lo leh nghal, a chang hi chuan ninawm lamah a kal dawn lek² țhin. Ti khawp hian ka ngaihsak a, min ngaihsak let ve a hnekin min ignore zel chu ani sia.

Mahse mak tak maiin, a ni têl hian amah ka duhna a zual a, zawi² in a lakah hian ka luangliam zel chu ani si a. A chang hi chuan ngaihsak lo a, biak chhunzawm tawhlo te hi duh ve țhin mah ila ka thei mawlh lo. Amah ka duh luatah mahni leh mahni ka inhrem ve mek chu ani si a.

Engtik ni ah emaw chuan ka duh zia te hi hrethiam in min la ngaihsak let ve ang tihna rilru hi ka nei lian tlat a, chutiang tur pawh chuan ka duh thu hi ka hrilh tho chu ala ngai dawn si.