💙BITTERSWEET 💙 (Svt Mizo Ff)||completed

🤎TWENTY 🤎

🦋BITTERSWEET 🦋

MINGYU POV:

"A khawsik hi alo sâng deuh anih hi, nachhawkna kan pe tawh tho a a zia vat mai ang" Nurse chuan a ti siam² a, "Ka lawm lutuk e aw" ka tih chuan lo nui suk in a chhuak zui ve nghal a.

Khuma Yunhee muhil bawrh² chu thlir in  thawk ka la  zui hawk a, naupang hlim thei leh harh vang em² mah nise a hriselna erawh a pan hle thung a, a khât tâwk hian a damlo deuh reng a, damdawiina admit ngai khawp a na ani leh fo  țhin.

Kawngkhar inhawng ri rak thawm avang chuan ka hawi let nghal thuai a, Eunbi chu eng eng emaw rawn khai lûk chung hian a rawn kal chhat² a. Ka bul a rawn thlen chuan a thil khai chu lo lak sakin ka han en Chiang chu eitur tam tham zet hi alo ni a.

"Hetiang zah² eitur chu enga tan?" Ka ti nghal thuai a, a kawr lum hak lai phelh mawlh² pah chuan, "Nia, zanlai rilțam atan ah ka ti deuh. Bakah Yunhee a rawn harh chuan eitur a lam leh ngei² dawn a" tih leh țhutthleng a țhut a rual a.

"Va haw zawk mai rawh, ka lo riahpui mai ang" Eunbi bawk  chuan ati leh a, "Va haw zawk rawh. Bakah I nu leh pa te ngaihdan ani leh lo vel ang e" awmze nei deuha ka tih chuan a kiai suk a. "Ka fanu damlo awmpui phal lo tur khawp a rilru chhia anni hleinem.." atih leh chuan za lo zet hian ka nui hak a.

"Mahse an fanu mipa hmangaih em² leh an tunu pa ni bawk  hmusit leh endawng tur khawp chuan an rilru chu a chhe leh  tho sia tiraw?. " ka tih chuan a nui lai chu a tawp chat a, "Tiang kha chu sawichhuak tawhlo teh ang, hun kal tawh anih kha" a ti dam dap a, nuamlo chu ka ti leh hnuhnawh.

"In pa a dam maw? Tinge I rawn hruai ve ngailoh?" Ka tih chuan a ngawi dat a, ka mit sir chuan ka va  melh zeuh a, eng emaw ngaihtuah nei ni âwm tak hian hma lam chu a en deuh vung² a. "Immm..a dam țha chu ani mai. " tih te  mai chuan min chhang a, thil ngaihtuah leh vung² ang hian hma lam chu a en ran bawk.

Pasal a neih hnu hian Korea ah a rawn kal zeuh² chauh a, ka hmuh hnuhnun ber pawh kum thum dâwn ani leh tawh a, a hma aiin a tla ve deuh riau a hriat na ka nei. A mit men dan  te lah chu mutkhamlo a ang ka ti mah zawk, amah hi  ani nghulh hian ka hria.

"I dam țha na nge? " ka tih chuan mak ti zet a min rawn en nghal in a biang chu a khawih nghal rak² a, "Dam lo ka ang viau ami?" A  ti hû a, nichin khan ka lo en Chiang miah lova, a mit hnuai lam te chu a khuar țan tihtih a, a mu tlem tih a hriat reng².

"Damlohna I nei ami?" Ka tih leh pawh chuan, "Nei lo,Ka dam țha mah² zawk. Tun hnai te hi ka mu tlem deuh a ni mai. " nui zeuh chung hian a ti tak na a, a zahzel nge ni a sam chu a tuai leh deuh ngat² țhin. Ka ngaihbel nge mawni? A chungah hian eng emaw țha lo a thleng ni tlat a hriatna ka nei.

"Va haw mai rawh, in lamah Minseo chauh a awm  dawn sia a khawngaihthlak. Zan in chu ka lo awmpui phawt anga naktuk zan lamah I awm pui ve thung dawn nia" ati zung² a, Yunhee a ngai ve aniang tiin ka hnial zui duh ta bik lova.

In ka thleng chiah tih in Minseo pawn min rawn be zui luam a, "U Eunbi a lo kal maw?! Min rawn lên ve âwm ania" ati zui nghal nang² a, Ka nau leh Eunbi hi kan in ngaihzawn lai ata tawh inkawmngaih ve tak annia, Minseo pawn a ngaina in a bula awm nuam ati a, an pahnih hian inkawmngaih dun tak anni .

Nileng deuh thaw a damdawiin boruak han hîp chu a chauh thlak ngei mai. Inbualfai te te in ka inbualfai zawh ah thawmhnaw te ha leh sawk² in khumah chuan ka mu zui nghal tharh a. Yubin message a awm tâkin tiin phone chu ka han check a, rin ang leh beisei  rûk ang ngeiin alo awm ve teh mial bawk a.