💙BITTERSWEET 💙 (Svt Mizo Ff)||completed

🤎SEVEN 🤎

🦋BITTERSWEET 🦋

YUBIN POV:

Sir Mingyu chuan min lo tiam lâwk ang ngeiin Gangnam-su lamah chuan min kalpui ta ngei dawn a, hetia ka tih chhan chu ka u hi dil dawn ta ila a phal ka rinloh vang a ni.

Kan țhianho a kal tum kan ni a, amaherawh chu keimah ber hi buaina ka ni leh ta. Midang chu an chhungte engti tih emaw in an bum leh thei anga kei erawh chu ka u hi a fing ema ka bum leh thei dawnlo tih ka in hriat vâng a ni.

Lawyer tih takah mi han chhimbu dâwi vel dan te a thiam em² a, zawhna min zawh lahin min han zâwt chîk thei em² leh nghal a, a tawp² ah hi chuan ka bum zo lo leh nge² țhin.

"Khawnge I kal dawn a? I va inchei nasa ve kha" ka u ina a rawn tih chuan, "Sir Mingyu birthday lawmna ah ka kal dawn" ka lo ti vat a.

"Awihawmloh, I chhuah châk chhuanlam te hi ani leh lo maw?" Tiin dur khap hian min melh leh rân tawh a, ka u ina hetia min melh tawh hi chuan ka țawng te hi ka bahlah vek zel.

"A teuhlo mai!. I awi loh chuah amah ngeiin min rawn hmuak dawn. Lo en rawh alo kal vat ang" ka lo ti var a, ka u bula dáwt sawi dawn hi chuan țawng bahlah lo leh zâm hmel pu miahlo a awm angai țhin.

Ka sawi zawh rual deuh thaw chuan door bell alo ri nghal ral² a Sir Mingyu ani tawh hrim² ang. Ka u zawk chu kawngkhar lam pan chuan a kal ve nghal vat a.

"E, nang ini maw? I birthday elaw?" Ka u ina atih chuan hnung lam ațang hian sir Mingyu chu 'aw' ti Turin mitmei zeuh a

Ani pawh chuan 'aw' alo pawh ve nghal vat. "Anih chu a..Wonwoo khan engmah min hrilh ve miahloa, a reng² ah nangpawh min hrilh ve tur che alawm...Happy birthday " tiin ka u chuan a kuah a a hnung zângah a beng thek² nghal.

Sir Mingyu chu a hamhaih viau anih hmel bang bo zet hian min lo en leh țhin. "Anih chuan Mingyu , lo haw hma pui la tiraw? Alo ber ah dar 9 pelh hma in..anih loh chuan amah hi a nikhua lo thei sia, ka nu ina a hriat chuan a chi miahlo ang. Nangmah ini dawn tho a ka ring che ania" ati charh² a.

Kan pahnih chuan kan chhuak dun a, a car chhung lah chu a rimtui em² mai leh nghal. "I u bulah dawt ka sawi leh nghal a kha, ni dangah chuan min dil leh pawh ni la ka peih tawh miahlo ania" atih chuan ka lo nui suk duh chauh.

"A ho lutuk, nangmah ini dawn bawka ka ngaihtuahawm dawn hleinem. Ka țhiante ka'n be lawk ange" tiin phone chu ka phawrh chhuak ve nghal a, chutih rual chuan ani pawn car a khalh chhuak ve chiah.

Ka țhiante pawh chu a hmun an thlen țep tawh thu min lo hrilh a, keini pawh kan thleng ve țep tawh.

Sir Mingyu inchei vel dan te chu a ruk hian ka han melh leh zeuh țhin..kan zirtirtupa mah nise a chhelo thlawt. Amah a palianin a sa ațha ve bawk nen a thawmhnaw hak apiang hi a inhmeh vek emaw tih mai tur a ni.

School ah te kha chuan necktie a rawn awrh deuh tlangpui zel a, mahse zaninah erawh necktie awrh lovin kamis var hi a rawn ha a, a sam a rawn khuih pial dan te lah chuan ati lang sexy takzet.

Tuna a inchei dan ang chiah hian school ah han inchei se chu kan class hmeichhe ho chu rawn tuiral leh fe² an tam leh viau ang chu.

"Kal ila, enge khatia mi en reng?" A rawn tih takah chuan ka lo en nasa tih ka inhrechhuak a, ka zak leh hnuhnawh kher mai.

Inchhung kan luh hma hauhin an music thawm chu pawn lam atang pawn a hriat vek a, tuna kan club kalna hi Octagon club ani a Gangnam-su ah chuan a lar ber pawl a ni.