🦋BITTERSWEET 🦋
YUBIN POV:
A sawi zawh hma hauh chuan dar alo ri leh hman tawh a, "Zan lamah kan inbe dawn nia" tiin ka kalsan zui ta a, a thusawi kha ngaihsak lo ang deuhin awm mah ila rilru ah chuan a awm ve reng tho a.
Class ka thleng chu ka țhian te pawh an lo awm Kim leh țhap tawh a, bottle la chhuak in tui chu ka in nghal khawlh² a, teacher a rawn la lut lawk lo bawk nen nichin lawka Sir Mingyu thusawi chu ka ngaihtuah zui lo theilo.
Hepa hian min duh ve tak² anih dawn hi. A chezia ah lah nise min ngaihsak zia a thup lo hle a, chuchu hrethiam ru reng siin ka hre lo der thei tlat chu ania. Mahse, keimah ber hi ani buaina chu. Kei hian a laka ka rilru put hmang ka la hrilh ve theilo chu ania.
Ka haw lo a, ka duh pawn ka hre chuang silo...Choi Yubin rilru fîm pu rawh, mi rilru tihnatsak hi a țha ngailo a nia. Engpawh chu nise ngun taka ka ngaihtuah leh hrim² chu ala ngai a ni.
"Choi Yubin" an rawn ti leh tâk lauh avang chuan ka hawichhuak nghal a, Miss Yerim chuan min lo melh leh rân tawh. "I rilru I pe em?" A rawn tih leh chuan, "Aa..aw..teh..tehreng mai" ka ti bah deuh nak a, awihloh hmel deuha min melh râm² chung hian a thil sawi chu a sawi chhunzawm leh nghal a.
School bân ah chuan a ngai te in kan țhian ho chuan kan haw rual leh țhap a, veng hran țheuh mah ni ila kan school ațang hi chuan bus khatah vek kan chuang ho vek tho a. Bus a kan chuan lai chuan Yuna nen kan lo țhu dun bawk nen a remchang bawk ema tiin vawiin lama Sir Mingyu thusawi te chu ka hrilh ve nghal a.
"Awi, duh ve mai la..in awmdan ah a chiang vek tawh tho a, tinge naupangchhia ang maia ila awm ni?. In ngaizawng ang reng alawm in nih tawh le.." ati char² a, ka rilru hi a hrethiam si lo a ni.
"Aaaaa...eng pawh chu nise ka in ngaihtuah fe a ngai ang" ka tih chuan, "chhe te chuan I ngaihsak ve tho tih chu ka hria" tiin a ner zui nâng a, kei erawh ka lo nui hak ringawt.
In ka thleng chu ka u leh a țhiante ho chu an lo awm leh țhap tawh chu niin, choka lamah lah nise a țhiante bawk chuan eirawng an lo bawl mek chu niin...thlakhat ah vawi thum tal hi chu chaw ei khawmna a neih pui ve ziah.
A chang hi chuan ka hmuh ngailo te leh ka hmuh fo te hi alo hruai ziah bawk a, an fel in mipa hlang mah nise thleng sil takngial pawh min tihkhalh vek țhin.
"Yubin, hetah rawn kal teh" ka u chuan sitting room ațang chuan min rawn au lauh a, keipawh chu kal ve nghal In a țhiante lah chuan min en duh em² leh nghal.
"Naktuk chu hna thil avangin Japan ah ka zin leh a ngai dawn a, inah hian ilo awm a ngai ang. Kkuma kha naktuk hi a vaccine lak tâwp na ni tur ania, ilo va kal pui bawk dawn nia" ati nghal zat² a, hetiang ah hi chuan ka nu leh ka pa te ka ngai khawp mai, khawhar deuh a awm kha ka peihlo asin le.
"Ni engzah nge I cham dawn?" Ka tih chuan, "Aaaa..ka hre mai lo, a lo ber ah kar khat ka châm angai dawn a" atih chuan ka lo rum nghal hak, heti hi chuan chhuah duhna pawh nei ila ka chhuak thei tawh dawn rihlo tihna ani sia, ava han hneawm tak!.
Sitting room ka chhuahsan chiah tihin Wonwoo ka hmu hlawl a, ni dang ang lo takin vawiin chu a inchei dan a casual hle a, Hoodie hring duk lam leh jeans lek a rawn hâ a, amah anih vang nge ni? A inhmeh in a mawi pui em² tho.
YOU ARE READING
💙BITTERSWEET 💙 (Svt Mizo Ff)||completed
Fanfiction"But the pain is Bittersweet, because in losing you I found myself" My first ever svt fanfiction....ngaihnawm intih hram ka beisei🥰
