💙BITTERSWEET 💙 (Svt Mizo Ff)||completed

🤎TWENTY TWO🤎

                               🎀BITTERSWEET 🎀

MINGYU POV:

"Yubin chu a hmeltha hle mai, I thlan thiam khawp kha" nui ruh² chung hian Eunbi chuan alo ti zauh a, kutkuang kuah in ka lo ner suk duh chauh. Ka bialnu emaw alo ti anih  ngei dawn hi, mahse..inngaizawng ang tho chu kan ni tawh mai sia.

"In inzuina a rei tawh em?" A tih chuan, "Dokyeom'an nupui a nei dawn tih kha I lo hre ve  tawh em?" Ka lo ti daih thung a. "Hria e, nimin khan Hoshi in min hrilh ve chiah." Alo ti ve nghal a. "Ka zawhna kha min la chhâng miah lo" ka mit a en ran chung hian alo ti leh a.

Thawk ka lak hak hnu ah, "Rei em² bik lo ve.." ka ti sup a, kan pahnih chungchang hi hre vak lo se ka duh zawk. "Ala naupang viau ang a? " tiin a nui suk a, tinge maw Yubin chu a ngaihsak thar thut viau ni?. "Yunhee damdawi ei a hun leh țep tawh ang lut tawh ila" tih leh room lam pan ka rual a.

Yunhee pawn hma a sawn ve zel a, naktip lamah chuan damdawiin kan chhuahsan ve thei tawh dawn niin doctor khan a sawi a, khua lamah lah nise ka nu leh ka pa ten an lo ngaihtuah ve bawk nen..dam thuai² se ka ti ve khawp mai.

Reilote ah Yunhee pawh damdawi an pe a, engtikah tak hrisel ve ang maw? A naupan deuh laia Pneumonia a vei lai pawh khan Eunbi hian a ngaihsak hman meuh lo a, a belhkhawma lak phei  chuan a nu bulah hian a awm tlem daih zawk ang tih tur a ni.

Nu hmangaihna a dawng țha hman meuhlo a, kei leh Eunbi hi chu puitling zawk kan la ni tal a, ani erawh naupang thil engmah  hrethiam pha rual   ala ni siloa. Amah rualpui te nu leh pa thlazar a hlim taka an awm laiin ani ve erawh chu a ni silo.

A chan ka ngaihtuah pui hian a chang hi chuan Pathian hi ka dem leh  lek² țhin. Hetiang leh tur si hi chuan Eunbi hi lo tawng lo law² zawk ila tih châng  ka ngah...mahse thil nih tur ang ani zo  vek tawh..Pathian dem vak² ringawt kha awmzia awm tawhlo.

Tunah pawh Yubin nen heti hi kan ni der tawh a, a chang hi chuan min ti hlim em² a, mahse min ngaihsak ve lo ni tlata hriatna ka neih chang te hi chuan ka rilru hi min la tihnat sak ve mai angem le?tih chang te ka nei leh zeuh țhin..mipa zawk mah ni ila, hmagaih hmasa zawkah ka vanduai tawh a tisual leh ka hlauh vang zawk a ni.

Zan lamah chuan Yunhee ka riahpui ve a, Eunbi erawh a mu tlem bawk a a chau dawn tih ka hriat avang in in lamah ka haw tir ve a. Tunlai chu Yunhee damlohna avangin school pawh ka kal țha hlei thei meuhlo...mahse, kan principal hian min hrethiam khawp a, thawhpui te pawn a khât tâwkin min rawn tlawh deuh reng bawk a.

Yunhee a mu tawh bawk a tiin Yubin chu ka call a, sana ka en chuan dar 9 leh ti chauh alo la ni a, a awmzia chu lehkha ala zir dawn tihna. A lehkhazir ka tihbuai hlau in call chu ka off leh ta daih a, text message hnutchhiahin games ka khel zui daih thung  a.

Khum pakhat zawkah chuan mu zâl in thil ka ngaihtuah zui neuh² a. 'A thianghlimna hial min hlan ngam tawh chuan min duh ve âwm tho e..'te ka rilru niah² a. Mitthla ah hman zan lawka kan awmdan te chu a rawn lang nghal  zat² a, a hunlai ai mahin tun hnu ah hian ka thinphu a'n rang leh hnuhnawh ringawt bawk a.

A tuk zing school kan kal a, Dokyeom lah chu a nupui neih hun a hnaih telh² tawh vang nge ni lawmloh pawh hian a khi ver² tawh mai. Student ho in a nupui neih tur thu an lo hre ve leh zel bawk nen..hotel lian tawk tak ah an inneih ngei chu a ngai dawn anih hi.

"I nupui nei tur hi I hlim bawk sia...engtik lai pawh hian I khi ver² reng maiin ka hria." Nui ver² chung a ka tih chuan ka banah min rawn hnek leh nghal chawrh a, hepa han mak theih zia hi chu. "Nangpawh ni la I nui reng ve tho ang. Ngaihtuah teh..ka hmeichhe hmangaih ber ka nei dawn chu anih hi. Min lawmpui ve lawm ni?" Tiin a mitko alo sân zui âk² a.