💙BITTERSWEET 💙 (Svt Mizo Ff)||completed

🤎FIFTEEN 🤎

                             🦋BITTERSWEET 🦋

YUBIN POV:

Wonwoo lawmpui tur chuan ka u leh U Seyoung te leh a țhian dang te ho nen chuan kan kal ve a, party te nâu ang anih dawn avangin chhelo thei ang bera kal chu ka tum bur bawk a.

A hmun Kan thleng chu ka rin ai daih in mi an lo tam lehnghal a, hmelhriat an vâng bawk nen keimah ang lo takin ka inthlahrung ve tlat. Ka u lah chu pakhat pakhat in an rawn be deuh sek a, helaia rawn kal ve te hi a hmelhriat vek anni emaw tih mai tur in mi chu a be kual reng bawk a.

"Saw ti laiah sawn va țhu ve la" U Seyoung ina a rawn tih chuan ka kal zui ve nghal a, rinloh lam daihin Sir Mingyu ka hmu hlawl a, a bulah hmeichhe pakhat sambuang hi a lo țhu ve bawk a, Sir Mingyu lah chuan ngawi reng hian min lo en leh reng tawh bawk.

An lam ka thlen dawn chuan Sir Mingyu zawk chu alo ding hlawl a, "lo țhu ve rawh.." A rawn ti nghal a, keipawh chuan an bula țhut ve chu ka rual a. "Tunge a?" A bula țhu nu ina rawn tih chuan, "Yubin anih hi. Seoungcheol nau ania, ka zirlai ni bawk" alo ti zung² a.

"Anih chu...lawkin, nang hi hmuh tawhna che ka nei in ka hria" tih pahin min han en deuh vang² a, keipawn hmuh tawh na ka nei chuan ka hria, mahse engtik khan nge ka chiang chiah tawh lo.

"Aw I hre tawhlo ami? Gangnam-su club a kan kal laia. Ka țhiannu ka tih kha.." Sir Mingyu ina a rawn tih chuan ka hrechhuak nghal uar² mai. "E ni dawn tak e!" Ka ti ve nghal a .

An pahnih chuan an titi siam² reng a, Somi lah chuan min rawn melh leh zeuh chung hian a sambuang sei zet mai chu a chûl chhên loh leh a hnung lamah a flip deuh reng bawk a, lo chîk reng tu tan chuan hneawm leh mit ti kham tawk chu a tling ve khawp mai.

An bulah țhu ve reng mah ila an pahnih chuan an inbe deuh reng a, Somi lah chu a țawng duh barh² in, a chang leh a rawn nui leh thut țhin.., a khat tawk  hian  Sir Mingyu chu a ngheng chung² deuh reng bawk a, a chang leh a kuah thûl..an boruak hian ka thaw ati ipik ngawih².

"Min lo hrethiam lawk ula ka kalsan ang che u" ka ti ve khauh a, ka ding uai tawh tihin Sir Mingyu bawk chuan, "Khawnge I kal dawn?" A rawn ti ve nghal a.

"Heihi Wonwoo ka pe ve ang e" tih pahin ka pangpar bâwr ken chu ka lek chhuak zeuh a, Wonwoo chu a țhiante lo be mawlh² in, a bulah chuan hmanni a ka hmuh nu ngei mai kha alo ding ve rân mai bawk a.

Henu hi a tunge maw anih ve chiah ang le? A chhungte hnai vai emaw a cousin a kawmngaih deuh chu anih ring  tho mah ila a bialnu a nih ngei rinna ka nei lian tlat ta zawk a, ala hmelțha em² leh nghal.

Hmeichhe sâng țha leh hmelțha tak ania. A hnar leh a hmui te pawh invuah dik bik tak a ni, tu mipa mah in an hnar hi ka ring bik lo. A inchei dan ațang te reng² chuan mi rethei zawk² chu annilo tih a hriat a, a han nui phei chu nuimawi tak a ni.

A ni lakah te chuan ka nêp lutuk ringawt!. A bulah awm ngat ila chu ka in ngai te rawk² in ania ka rin ni. A hmel a țha mai si a, Wonwoo hian kan pahnih ah hian duh han thlang dawn ta se keichu min thlang dawn lo chiang sa.

"Yubin" rawn ti lauh tu lam chu ka en nghal thuai a, ka hma lawka Wonwoo lo ding reng chuan min lo nuih sâng chu niin. Ka awmdan  ka insiamțhat mek lai chuan Wonwoo pawh ka lam panin a  rawn kal ve mek bawk a.

"I rawn kal thei a ava lawmawm ve. I u leh Seyoung kha ka hmu a,an ruala hmuh che kha ka lo beisei ve deuh bawk che nen.. ka hmu lawk silo che a, I rawn kal lo emaw ka ti hman alawm" ati nghal zung² a.

"Nia, ka rawn thlen khan min lo ko pêng leh laklawh alawm mawle.." ka tih chuan kan nui tawi tak a. Ka thil tih tum ber hrechhuak leh hnuhnawh in ka pangpar bâwr ken lai chu ka pe ve nghal bawk a.