💙BITTERSWEET 💙 (Svt Mizo Ff)||completed

🤎TEN🤎

                     🦋BITTERSWEET 🦋

YUBIN POV:

"A eng chu nge maw I rah sual leh pek a?I kalna pawh en lo hian I pen leh hlawk² aniang chu" ka nu lah chuan alo ti leh  lûng² tawh...ka nu tak hi chu a heti ziah.

"Mi na tawrh laiin chutiang lo sawi lo sawi suh a hneawm" ka pa chuan alo ti vat a, ka nu ina ka thiamlohna a min hauh pawn ka thlavang ala hauh țang² țhin.

"Tikhan awm hahdam la, a dam hma chu inchhungkhur chet vel pawh tive lo mai rawh" Ka pa bawk chuan ati leh a ka nu lah chu alo ner nasa mai.

"I u bula I awm chu I zia sâwt hle mai, zirna lamah pawh nise țhiante el na chang I hre ve tawh a ațha. I pa leh keipawh naktuk lamah Daegu ah I pi leh pu te tlawh Turin kan zin dawn a" atih chuan ka nu chu ka lo en vat.

"Ani maw?! Ka kal ve chak asin...ka ke dam hun nghak ve law² ula..Daegu kal lohna pawh a rei tawh alawm mawle" ka ti nang² a, ka pi leh ka pu te  ka hmuhlohna pawh a rei ve ta hle mai.

"I ke dam hun kan nghah chuan a rei dawn lutuk. Bakah I pi a dam țha vakloa, I ni leh I pate-a lah sawn an ngaihsak lo thei si...an fate pawh chuti bawk." Lungawiloh hmel fahran hian ka nu chuan ati a.

Ka pate hi chu mahni nupui te hlau ang chi kha a nia, ka ni Yuri thusawi apiang hi a zawm ve zel emaw tih mai tur a ni. An indan hnu ațang  khaw khata awm e ti lo hian ka pi te lah hi an tlawh khat thei em² lehnghal.

"Nang pawh a u zawk inia hrilh ve ta che. Ka duh dan phei chuan ka nu leh ka pa te hi helama hruai ve daih hi ania ka duh, mahse anni lah sawn khawpui an ngaina tlat bawk silo. Engtikah emaw chuan Yura hi ka la chhuahchhâl khawp ang mawle" ka nu chuan ati âng bawrh² a.

"Amak bawrh² țhin emai , chutiang tih a ngailo" tiin ka pa chuan alo khap vat a, ka nu lah chuan a melh rum nasa mai, an pahnih chuan an inhnial zui leh ta nghal a.

Ka nu leh ka pa hi chu an heti ziah, Mahse thinrim in an inhauh tak² erawh ka hre ngailo. Intihthiamlohna aneih  pawn kan unau hriat ah an inhau ngailova.

Țawngkam thlum tak² in inbe reng lo mahse fiamthu in an in hnial reng tho. Ka pa pawhin ka nu damloh ni khuaah a duat in a ngaihsak em² tho  a, ka nu pawn ka pa a zahthiam in, ka pa thil tih na apiangah ka nu pawn a țâwiawm țha hle țhin.

Pasal ka neih ve hunah chuan ka pa anga mi zaidam, nupui te duat thiam em² pasal ah ka la nei ang tiin duhthu ka sam ve țhin a, chutiang bawkin keipawn ka nu angin ka pasal chu ka zah thiam anga, nupui țha tak ka ni ang ka ti țhin.

Ka ngaihtuahna ah Wonwoo alo awm leh  nghal ringawt. Hmeichhe ho hi chu rilru ah mi vei rûk emaw  kan han neih hi chuan thil engkim hi kan ngaihbel vek țhin .

Second khat lek kan mit a han intawnfuh ringawt pawn kan vei ruk a te chuan 'hmelțha min ti ve ani hrim² ang' emaw 'min duh ve aniang' tih te thlengin kan ngaihtuah hman țhin.

A țhen phei chuan inneih te lam thlenga lo suangtuah hman pawl te pawh kan awm nawk...hetiang hian mipa hi anni ve angem phei chu ka hrelo a, mahse hmeichhia hi chu kan heti deuh vek chuan ka hria.

"Enge khatia mi â ang maia I nuih vur² a?" Ka nu ina a rawn tih chuan ka harhchhuak zawk. Ka zahzelah za lo deuh hian ka nuih zawm ta ringawt a. "Eng nilo e..in thusawi khan ka nuih ati za alawm" ka tih chuan alo ner nâng a.

Chawlh kan neih lai ala ni bawka tuition pawh ka  chawl ve rih a. Mahse phone ah message in kan la in be reng tho. Wonwoo lah chu kan in ah a rawn kal fo a, a number dil chu ka duh mahse ka huaisenna hian a ngam hlawl lo.