💙BITTERSWEET 💙 (Svt Mizo Ff)||completed

🤎TWENTY EIGHT🤎

🎀Bittersweet 🎀

YUBIN POV:

Test chu țha takin ka ti ve thei hram a, miten Sir Mingyu nena kan chungchang te chu an lo hre darh ang a, min zawt ang tih mawlh te chu ka hlau. Ka u ina ti tura min tih angin nimin lama kut ka thlak nu chu an classroom ah kal chilhin ngaihdam dil chu ka tum ta a.

An classroom ka zu thleng chu min lo en duh khawp, min hmu apiangin min en hrek² a a țhen lah thil inhrilh ru sar² tâwk an awm bawk. 'Engpawh chu nise ka zâm dawn lo' ti rilru chungin an classroom an chuan lutin Oh Yura chu ka zawng nghal a.

"Oh Yura alo kal em?" Tiin tlar hmasa ber a lo țhu hmeichhe pahnih te chu ka zawt ta phawng a, anni erawh in alo kal loh thu in min chhang. Nimin lam khan kut ka lo thlak na viau ni tur ani vawiin ni pawha school a lo kal theihloh hial danah.

"Anih chuan..a phone number in nei em?" Ka tih leh chuan anneih thu in min lo chhang a, ka dil zui ve nghal. A number hi la ila zan lamah text emaw call in ka be mai ang tiin a number chu ka la a.

Tunah rih chuan final exam hi ni vat se he school hi chhuahsan thuai² ka duh tawh. Tun hnu a ka ngaihtuah hian lehkha ka lo zir țhat loh peih lai, zawmthaw deuha ka awm lai khan school hi a nuam ka lo ti  daih zawk ani tih hi ka hrechhuak chiah.

Sir Mingyu hi ka tan vanneihna ani nge vanduaina pawh ka hrethiam lo a, ka nun ah hian vanneihna leh vanduaina a rawn chhawm tel ve² ti ila a dik mah zawk ang.

Tun hma a harhvâng tak leh mi be siam² reng țhin kha keimah ang lo takin ka inkiltawih țana a chang hi chuan ka țhiante bula awm hi nuamlo tih lek² chang ka ngah țhin.

"Ngatinge I va ngui bêr bûr ve a?" Yuna chuan ka dâr a rawn ben thek pah hian alo ti lauh a, ka sawi ngaihna hrelo chuan, "mut ka khamlo a.." ka lo ti zawi sap a, tunlai chu keimah hi ka ni nghulh mai.

"I zir leh nasa viau ani maw?..I ti țha leh bik ngawt ang." Ati nghal zat² a, nimin lam thil thleng te chu min sawi pui leh nghal bawk a. "An hre thawi deuh tawh a.." ka tih chuan phâwk zet hian min rawn en nghal a.

"An hre tawh maw?!, engtin?!" Ati nghal zung² a, țawng zâwi tur in  zaizir hian ka lo hrilh thuai a. "Zunin lama ka kal laiin an titi thawm ka hria a, an hriat thu piahlamah ka chanchin a chhe zawngin an sawi tel kher a, nilose chuan kha ti khan kut ka thlak nghal lo ang" ka ti ve a.

"Nia, nang hi chu ka hrechiang che. Insual hrât viau mahla I pawi an sawi ngawt te anih loh chuan kut I thlak hmasa mai² ngailo..a reng² in engtinnge an lo hriat daih² theih?" Atih leh chuan ka hriat bik loh thu in ka chhang a, a ngaihna hriat loh hmel deuh hian alo hui pap ringawt.

"Midang ho hi I hrilh ve tawh reng² em?...hrilh ve hlawm tawh mai la, thil pawi an sawi dawn pawh ani lova, țhian leh țhian inkara thil zep han neih tlat te chu ah" ati ve luam a, a sawi chu a dik chiah.

"Nia, nakinah ka la hrilh ve hlawm ang remchang hmasa ber ah" ka tih chuan alo bu nghat² a, final exam chu a thla a chhiar in thla li êr âwr kan la nei a, school chhuahsan lo chak tawh nen chuan hun a kal muang ka ti hnuhnawh tlat.

"En teh, ka țhen mai dawn mawni?" Ka ti zawi sap a Yuna chuan min lo en nghal vat. "Țhen a?!" Atih leh chuan 'aw' tih nan ka mit ka lo khap ringawt a. "Ka hre lo I thu² le...ngatinge I ning țan deuh ami?" Atih leh chuan..

"Ning pawh a ni hran lo. Amah hi ka duh ve tak² pawn ka hre siloa, duhlo na³ han nihpui chhunzawm zel ta ila, engtik ni ah emaw a rilru tihnatsak hun ka la nei ang tih ka hlauh vang zawk ania.. Amah tak phei chuan min duh ve tak² tawh tih hi chu a chezia ah leh min ngaihsak em² danah ka hmu thiam vek a, mahse min duh ve ang hian ka duh ve pawn ka hrelo.." Ka ti sar² a, Yuna chu a lo thaw halh a.