💙BITTERSWEET 💙
MINGYU POV:
"Tikhan la dâk deuh mai rawh, a thi rei tawh lovang. " Nurse chuan min ti a, lapua chu min lo pek belh leh bawk.
"A reng² thu ah zirlai naupang leh nghal in a hnek che chu ania, zirtirtu te zahna ava neilo ve" atia. "Eng dang vang anilo, an insual kha ka va țhelh na lamah min rawn nghawk na deuh mai² alawm mawle.." ka tia, ka thisen chhuak a zia deuh tawh a ka hriat avangin lapua chu ka lathla a.
Principal in a office lama kal tura min tih avang chuan ka kal ve nghal thuai a, office ka va thlen meuh chuan Choi Yubin leh a sawisak nu an lo ding dûn reng tawh a, sofa ah chuan Principal leh teacher pathum leh nu pakhat la nuvalai deuh tak hi alo țhu ve bawk.
"Nangmah hi em ni Mr. Kim Mingyu?" Tia min rawn zawh chuan ka lo bu nghat a, chutah inthiamloh hmel zet hian, "Pawi ka ti lutuk, ka fanu hi chu a hahthlak asin aw...vawi tam school ah buaina nei lo tur leh insual lo tur te in ka hrilh ve nasa a a zawm theilo chu anih hmel...engpawh nise pawi ka ti takzet, min hrethiam hram dawn nia" tiin a fanu aiawhin thupha chu a chawi mawlh² a, keimah zawk hi min inti thlahrung vek zawk.
Choi Yubin ka va en chuan a hmelah inthiamlohna hmel pawh ka hmulo. Tun maia a nu ina a sawi danah a vawikhat insualna ani lo tih a hriat a, ani lah chu hnuai lam a bih ngar² a, a thil tih kha inthiamlohna a neilo emaw tih mai Turin a awm a.
"Choi Yubin, tun hma pawn vawi engzat nge kan warning tawh che? Tinge I zawm theih miahlo a?...I classmate ilo sual kha chu ka la hrethiam, teacher leh zel I rawn hnek ngam ania..a zah pawh I zak lawm ni?!" Miss Jang Gyuri chuan alo ti kha² a, Choi Yubin ber lah chu ala ngawi reng thung a hmeichhe luhlul ve tak chu a ni.
Midang pawh chuan an hauh zawm ve nghal mawlh² a, Principal chuan Lee Yoojin hnenah chuan an intihbuai dan te chu a zawt a.
Chutia Lee Yoojin in a thiamchanna a sawi mawlh² lai te chuan ani erawh alo ngawi reng thung a. An insual chhan lah chu han ngaihtuah chet² chuan ho lam tak a ni leh ang lawia, hmeichhe ho țhin tak hi chu!.
"Engpawh nise, in zirtirtu te leh I țhiannu bulah hian ngaihdam dil rawh le" a nu chuan alo ti a, a ngai tê in ala ngawi char², sawi tur a neilo ve hrim² nge a inthiamloh tih pawh hriat a har hle.
Office chhunga mi zawng² chuan amah chu kan en țhap tawh a, reiloah chuan alo țawng ve ta nge² a. "Min ngaidam dawn nia" ati zawi sap a, a hmai te lah chu kuttin a an hamna tih hriat zet hian a pilh deuh nuai a, ani ai chuan Lee Yoojin hmai phei chu a duk nasa zawk hle.
"A țha e, tun hi last warning na tak² ni tawh rawh se. A leh pek a awm anih chuan in pahnih khan in nuamsa lo viau ang in hria maw?" Principal chuan ati charh2 a, anni pawh ngawi rengin an lo bu ve nghat².
An chhuah tawh hnuah chuan Choi Yubin nu chu ka bulah rawn kal in, "zirtirtu dang te kâ atanga ka lo hriat dan in vawiin hi I ni hmasa ber niin ka lo hria a. I ni hmasa ber ah hetiang hi a thleng leh si a,a pawi tak² a ni." Inthiamloh hmel zet hian alo ti leh a.
A fanu chuan ati zak ve hle ani ngei ang, in lam an haw hunah engtin tak in ti ang maw?. "A ho lutuk,ana em² hleinem. Bakah thinrim laklawh tawh hi chuan rilru fîm put hi a har ve bawk ema" ka lo ti vat thung a.
"Nia, thu țha hi chu kan barh ve nasa mawlh2 asin le ..Ui chu nise a fing daih tawh ang. Ani hi zawng min ti beidawng thlawt!...ka hauh ve deuh lah hian a pa hian a rawn țan zel si a. Zanin ah a u hi ka bia anga a bulah awm se ațha ang, inah lah thlavang hauhtu a nei ve reng sia..a u hi a hlau deuh zawka a bula a awm chuan a zia awm mai chu ka ring" atia
YOU ARE READING
💙BITTERSWEET 💙 (Svt Mizo Ff)||completed
Fanfic"But the pain is Bittersweet, because in losing you I found myself" My first ever svt fanfiction....ngaihnawm intih hram ka beisei🥰
