💙BITTERSWEET 💙 (Svt Mizo Ff)||completed

🤎TWENTY ONE 🤎

🎀BITTERSWEET 🎀

YUBIN POV:

Tukverh ațanga ni ina min rawn chhun avang chuan thei leh theilo hian ka meng riai² a, ka han meng chiang   chu ka bulah Sir Mingyu alo awm tawh lo chu niin. Inperh tho nghal awrh in ka khum bul dawhkana sana chu ka en nghal a, dar 7 alo ri ţep.

Nizan lam thil thleng mitthla ah a rawn lang nghal zat² a, ka zak leh thar bawk si chu ka mit khap vakin ka kê leng vak² ringawt. Vanneihthlak takin inrinni ani hlauh a a tih zia e.

Sir Mingyu chu a haw tawh anih ringin min kaihthawh a hreh deuh ani ngei ang. Choka lama ka lut dawn chiah tihin chawhmeh rimtui lutuk tih hriat tak hi alo nam nghal chuai a, ril a țam nghal rawk² mai. Ka luh rualin Sir Mingyu Apron ha chunga eirawng lo bawl mawlh² chu ka hmu zui a.

Min hnungchhawn zawnga a din avang chuan ka awm ve tih pawh a hrelo aniang a thil tih lai chu ala ti mawlh² reng a. Aw ka han thian kharh² hnu ah a rawn hawi ve teh mial a, "I va siam tui âwm ve" ka tih chuan alo nui zeuh.

"Lo țhu rawh, hei ka peih nghal ani mai" tih pahin a eitur siam te chu dawhkanah a chhawp nghal zung² a. Dining chair chu pawt chhuak in  ei tur chu ka ei zui nghal a, an hmelțhat ang bawkin an tui em² lehnghal..mipa eisiamthiam tak zawng a ni.

"A van tui em²!...eirawngbawl ilo thiam anih hi" ka han ti chu alo kiai suk a. "Thiamloh ka nei hleinem..mipa mah ni ila, mahni in eirawng ka inbawl a, ka thawmhnaw bâl te pawh mahni in ka insûk ve zel alawm." Intihtheih hmel zet hian alo ti var a, a insawi dan vel ațang chuan a pasal tlak viau tak  ang.

"Vawiin eng nge I tih dawn?" Ka tih chuan, "Damdawiinah kal  leh ka ngai ang, Yunhee ka ngaihtuah riau a" a ti a. Keipawh ka nu te in lama ka kal a ngai tak e. "Yunhee chu a eng nge na a?" Thil ei mawlh² pah chuan ka zawt a.

"A khawsik hi ani mai. Khawsik sang hi a nei leh thut țhin a, a chang phei chuan a thawhah te a chhuak  țhin. A naupan deuh laiin pneumonia natna a nei tawh a, khata țang kha chuan a hrisel țha hlei thei tawh meuhlo." Ati siam² a.

Naupang harhvâng tak mah nise a hriselna alo pan phian anih dawn hi. "Chuan tunah Eunbi in ami awmpui?" Ka tih chuan alo bu nghat a, Eunbi hi a taka hmuh a kawm ve reng² ka châk.

"Damdawiina I kal dawn chuan ka lo zui ve ang che chu, Yunhee pawh hmuh ve leh reng² ka duh a" ka tih chuan alo phal ve mai bawk a, Yunhee ka hmuh duh vang piahlamah Eunbi ka hmuh chak vang hrim² ani pakhat bawk.

"I nu te inah chuan I kal dawn lo ami?" Atih chuan, "Damdawiinah kal phawt ila, chumi hnu ah ka nu te inah ka kal ang" ka lo ti ve thuai a, biang puar lup khawpa a thil țhial tuam² lai chu ngawi reng hian ka en a, a mizia zawng² nen a ka tehkhin ber a chu golden retriever uite hi a ni.

"Sir I an deuh ka hria" ka tih rual deuh thaw in, "School chhung lo ah chuan 'Mingyu' min ti mai rawh ka tih kha" alo ti daih thung a. "Anih Mingyu.." ka tih leh chuan lungawi hmel zet hian alo bu nghat² leh a.

"Eng nge ka an chu?" A rawn tih leh chuan, "Uite, Golden retriever I ang" ka lo ti thuai a, ka nui hak a, ani erawh hahthlak tih melh a min melh chung hian alo thaw ve halh thung.

Tuna kan awmdan tak hi chu nupa te pawh kan ang alawm mawle. Zan hmang dunin zing lamah eirawng min bawlsak leh thlap bawk a, hei bak² a nuam a awm leh tawh chuang in ka ring lo.

Eikhamah chuan damdawiin lama kal turin ka insiam zui a, Yunhee tan tiin eng Eng emaw eitur ka lei ve nual bawk a,  sawi tawh ang in  Eunbi hmuh duh vanga kal chak ka ni.