💙BITTERSWEET 💙 (Svt Mizo Ff)||completed

🤎SIX🤎

🦋BITTERSWEET 🦋

MINGYU POV:

"Hei ka pass ve ania, I thutiam kha hre reng rawh" atih zawm zat a, rinloh deuha a pass ve chu han chibai luam²na tham a tling ve tlat.

Ka lo thawh hnu atanga a pass ve vawikhatna ti ila ka sawi sual lovang. A hmel a uang em² lehnghal a, nuam atih hmel ngawih² a duhzawng tih sak lo ngawt na chi pawh aniin ka hrelo.

"Enge min treat dawn?...nge ni a min lenchhuahpui te i tum zawk?" A mit hmul sân âk² chung a a rawn tih chuan ka lo ner nasa mai. Tuition ka pek ațang kha chuan kan inhrawn nasa bawk a, zirtirtu leh zirlai inkawmngaih an sawi ang kan ni dêr mai.

"Ice cream I ei duh em?" Ka tih chuan a nûr nâng a, a kut kuang kuah in lehlam min hawisan ta daih . "Naupangchhia pawh ka ni tawhlova, ice cream te chu ka duh chuan ka lei ve thei reng." Ati hmuk a.

"Anih enge I duh" ka tih chuan a rawn inher nghal vat a, "Party na ah kal ila" zawi sap hian a rawn ti a, ka nui tawp chiang kher mai.

"I â ami?! Naupang inih kha" ti nghal hlutin a chal a tuk lawlh ka rual a. Henu han mawl em² zia hi chu a âwm tâwk leh mawi hi a hrelo reng².

"Naaa...I phakar lutuk!. 60 I cross chuan I duh² ka tihsak ang che itih kha. Tunah ka duh ka sawia i phallo leh nghal ringawt a" Lungawi lo zet a atih chuan ka lo thaw hawk.

"Zirlai ila nih kha, bakah hruai ringawt dawn che ila I u in engtinge min ngaih ang?" Ka tih chuan a ngawi leh daih a, thil a ngaihtuah ni ber hian ka hria.

"Zirlai nih vanga party na a kal loh phalloh tih a awmlo..bakah kum 19 ka nih ve tawh hi kum tling ka pel tawh mah² zawk alawm...ka rualpui party na a ka ve ziah ka hre hnem mai." Ala ti hrâm.

"Chutiang angai lo. Ice cream ka lei ang che anga a tawk, nge tteobeokki I duh zawk?" Ka tih chuan a chek deuh hlak² a.

"Chutiang ka duh bawklo!. I duh² ka tih sak ang che I tih kha" ati vin hlar tawh a, min la melh thîp em² zui.

Kawng dawm meuh chung hian ka thaw hawk a, henu han ninawm em² zia hi chu. "Miin min en hrek² hlawm ania, I zak lawmni?" Ka tih pawh chuan min la melh rum reng.

"Ka kal dawn, zan lamah kan inhmu dawn nia" tiin ka kalsawn a, ka kal mek lai chuan chak zet hian min rawn kal pel hlawk² leh nghal a, a titau anih ngei dawn hi.

A hma te kha chuan a nghal hi ka han ti thei khawp a, a chimawm reuh piahlamah a ngêng zêk leh nghal a, tunah erawh a țhat rûkna hi ka hmuh sak tulh² ni hian ka hria.

Rilru chhia erawh a ni hauh lova, a bul ami te zirin a mizia pawh a siam rem ve mai niin ka hria. Tunah chuan zirtirtu leh zirlai inngaina leh inkawmngaih ang kha kan ni dêr tawh a, hauh a ngaih châng erawh in ka hau leh bawrh² tho a huatah pawh ala ngai chuanglo.

In lamah in nel takin han awm ve țhin mah ila school lamah erawh min zahthiam leh em² tho a, a duh hi chuan a thiamthei lutuk reng mawle, amah hian a peihlo mai² a ni.

Staff room ka lut chu Dokyeom hian min lo nuih ver² ringawt a, hepa hi enge maw a hriat țhin ni. "Enge khatia min rawn nuih ver² ringawt a?" Ka hau a ka tih chuan a bula țhu tur hian min rawn ti a.

"Mo i nei țep " a rawn ti sap chuan ka bang bo ngei mai, ani lah chu ala nui vur² leh nghal a hrethiam lo zet hian ka lo en hâ ringawt.

"Enge I sawi awmzia? Ka man miahlo ania" ka tih chuan a nui lai chu a tawp chat a, ka bâna min rawn hnek chawrh pah hian, "Mawla, mahni hlimna hrilh ve dawn che pawh hian a theihloh reng² I chhah pet² lutuk a" ti hmuk in , a lehkhabu chhiar lai chu a bih leh nghal zat.