💙BITTERSWEET 💙 (Svt Mizo Ff)||completed

🤎EIGHT🤎

                    🦋BITTERSWEET 🦋

YUBIN POV:

"Kalsawn rawh ka tih chu!" Ka ti vin hlar a, Moonkyu erawh a thaw hawk. "Thil I hriatthiamloh vang mai² anih kha..en teh, dawt ka sawilo ka ngai  țhin tak² che alawm...ka thil tih avang khan ka inchhir ve țhin tho asin" atih leh chuan ka inrin hma hauhin a hmaiah ka beng her nghal sawk.

"I dawt sawi ka ngaithla peih tawhlo" tiin thip zet hian ka melh a, hepa hi a huai zawk ngawt mai. Intak nen kan inngaihzawn hma khan thla thum êr âwr chu kan inzui ve hman a.

A hunlai kha chuan ka thinlung zawng² hian ka hmangaih ti ila ka sawi sual lovang. Mahse, amah ngeiin min țhen hmasa a kan ințhen hnu reiloteah bialnu a nei zui tih ka hre leh a.

Tunah a inchhir thu a rawn sawi leh nghal chauh a, chupawh ama vanga ka nat vek tawh hnu ah. Ka rilru nat ve lai te khan heti hian rawn ti se chu ka ngaidam mah na.

Mahse, amah ka huat tawh hnuah daih ngaihdam min rawn dil leh chu ka huatna a ti zual sauh zawk. Thil dang sawi tawh lemlo chuan ka kalsan ta daih a, țul lo ah ka hun ka khawh ral hi ani ringawt.

In ka thlen chuan alo reh țhiap a, vawiin tlai hi Sir Mingyu hi alo kal leh thei kher angem aw? Tunlai chu a buai deuh thu a rawn sawia damdawiinah a chhungte a awmpui ani âwm e.

Ka hmuh khât deuh êm vang nge pawh ka hrelo, amah hi a ngaihawm ka ti riau. Ka phone phawrhin ka text nghal a, "Sir zanin chu I rawn kal thei dawn em?" Tih hi ka thawn nghal a.

Ka thawmhnaw te inthlak in ka intifai ve nghal a, vawiin chu Yoon Moonkyu phiangsen avang khan ka mood hi a fuh hleitheilo, rilru ah nunhlui a lang lo theilo bawk nen.

Vawiin chu ka u hi alo haw tlai leh dawn anih hmel. Thil ka ei pahin phone ka khawih a, Sir Mingyu message pawh ka dawng ve nghal.

"Zanin chu ka rawn kal ang, lo inpeih rawh aw" tih hi alo thawn a, ka nui ver² nghal ringawt. Nichina mood fuhlo deuh kha ka khi leh vur² chu ani sia keimah leh keimah pawh chu ka inhrethiamlo kher mai.

Doorbell alo rik avang chuan tho nghal vatin kawngkhar chu ka va hawng a. Ka hawn rual chuan ka u ka hmu zui a, amah lah chu a pawr thur  hian ka hria.

Amah chauh emaw ka tih laiin a hnungah Seyoung eonnie pawh alo ding ve rân a, tumloh deuha ka hmu thut chu ka meng bial kawk mai.

Ka lo sawi hmaih țep, Seyoung eonnie hi ka u bialnu ani a, ka u nen hian an inzuina ala rei lemlo. Attorney ani ve thung a, hmeichhe fel tak leh țawngdam thlup mi a ni a, amah tâwkah a fing in mahni lu zo ve tak a ni.

An pahnih chauh emaw ni dawn tih nak laiin Wonwoo pawh alo tel ve reng chu niin.  Hepa phei hi chu ka hmuhlohna a rei ta bawk nen ka lo theihghilh țep a ni.

Mahse ka hmuhtirh ang tho khan ami uapna pawh ala na reng. Min hmuh rual chuan min rawn nuih suk a, ka lo lâi leh ringawt tawh.

"I va cher sawt ve" a rawn tih thûm dup chuan ka lâi lutuk chu ka biang ka dawm nghal ringawt a, "Chutia mi? Ka cher âwm pawh ka van hrelo" ka țawng te lah chu ka bahlah deuh nawk² lehnghal.

"Ka hmuhtirh ai che khan I cher alawm..lehkha I zir nasa ani maw?" Atih chuan, "Nia..exam kan nei țep tawh a, ka zir ve nasa chu anih hi" lâi zet hian ka ti leh a.

Ka u lah chu zing lama a chhuah dawn te kha chuan a inchei smart tehreng nen zanin chu zan dang ang lo takin alo haw pawr thur mai.

"U tinge I van balh hmel?" Ka tih chuan min rawn melh zeuh a, "Vawiin chu case dang a awm a, ka thil zawn kual na velah tui bâl in tu emaw hian min rawn theh palh a lawm mawle" atih chuan ka hmui ka pet ru fan² nghal.