💙BITTERSWEET 💙 (Svt Mizo Ff)||completed

🤎THIRTY ONE 🤎

🎀Bittersweet🎀

YUBIN POV:

Kan ințhen ațangin kar khat dâwn chu alo ni ve ta reng mai a, engtin vak mah ka la awm chuang lo a ka bialpa hlui  ka lo țhen tawh te ka țhen laia ka awm ang bawkin ka la na lem lo anih hmel. Mahse, a chang chuan a phone call leh text message ka han dawng ta lo thut chuan ka khua a ti har ve lek² țhin..

Result nghak lai kan ni bawk nen amah ka hmuh leh huna ka awmdan tur mawlh te chu ka lo ngaihtuah a. Wonwoo nen erawh kan inbe reng tho a mahse, hmanni deuh khan Instagram story a Wonyoung nen a an thlalak ka hmuh dun ațang kha chuan tlem in ka rilru chu ati na ve det a ni.

A chang chuan mal riau a inhriatna te ka nei a. Țhian chu ka nei teh meuh mai, mahse ka chhungril nawmlohna zawng² erawh hrilh vek thei hian ka mawi siloa, engtin emaw tak hian tunlai chu khawhar na riau hi ka nei a, movie takngial pawh hian min ti tlai zo tawhlo chu ani ber.

Tunlai chu ka pa natna a zual leh deuh tawh avangin hospital ah a awm chawt tawh a. Exam chawlh lai ani tho a tiin keipawn damdawiinah ka riah pui deuh reng bawk a, ka u erawh a hman châng²in a rawn kal ve țhin.

"I result chhuak vat tawh se aw.." ka pa chuan alo ti leh tawh a, kei ai mah hian a lo phur In ka hria keiin ka huphurh tehreng nen. "I ninawm tei vet emai, mahni lo mah a hlauhthawn nâk a laia!" Ka ti chu ka pa alo nui nasa mai.

"Aw, ka nghakhlel ve tawh ani mai a. Bakah enge ka tihsak ang che tihte ka ngaihtuah ve bawk sia alawm.." atih leh chuan ka nui hul hak a. "Engpawh nise, I dam vat² angai ani mai. Țha taka pass pawh lo ni ila nang ber ila dam loh reng si te chuan awmzia a awm chuanglo. Chuvang chuan dam thuai² tum la ani mai." Ka ti kha² a. ..

Ka pa chuan min en vang² chung hian, "I lo puitling ve ta hle mai. I u hi chu ngaihtuah awm ani ngailova, nangmah ber hi ngaihtuahawm ber kha ini țhin a, tunah chuan ilo upa ve telh² a I rilru pawh alo puitling ve tawh anih hi. I hlawhtlin hun hi ka thil hmuhchak ber leh ka duhthusam ber ania, hna I neih ve hun..mahni  kutke ngeia I din ve theih hun hi ka nghakhlel ber mai." Ati sar² a.

A thusawi dan te chuan hnuk a ti ulh dawn alawm mawle...mahse, tihlan erawh ka tum lo. "Lungngai mah ta che, lawyer fanu bawk alawm ila neih leh dawn..." nui ver² chung chuan ka ti a, ani pawh alo nui ve suk. Kum kha leh chen kha awm țha peihlo kual vel in lehkha te kha ka zir țha peihlo vel a.

Ka pa thusawi zet chuan min inti inchhir rum² mai. A hma te khan lo zir țha hle hle ila chuan ka pa hian min chhuang thei ngawt in ka ring..khatiang ka ni chung pawh khan min la duat em² zel zawk kha ania.

Tlai lamah ka nu a rawn kal tâkah chuan keipawh in lamah ka haw ve leh a, ka u hi inah a awm khât ka tih tawh kha kan in chu a reh leh ruih tawh. Tihfel ngai ang² te ti fel leh zung² in phone ka khawih leh nghal daih a.

Sir Mingyu nen a  kan inbiaklohna pawh alo rei ve leh tawh a, a chang hi chuan ka ngai ve țhin ni tlat a hriatna ka nei. Zing thawh hlim a phone ka check a pianga a message rawn awm ve ziah țhin kha tunah chuan a awm tawhlo a, bakah a number pawh hman ni deuh khan ka delete leh daih tawh.

A chang chuan keimah ah hian enge maw Kim lo ni riau a hriatna te hi ka nei a, ka ruak huai ti ila a dik zawk ang. Zan ka mut dawn apiangin ka duh vang em² pawh ni silo hian ka mitthla ah hian a nui hmel te, a mitmeng dam thap a min melh lai te hi a rawn inlan chhawk zak² țhin a.