💙BITTERSWEET 💙 (Svt Mizo Ff)||completed

🤎SEVENTEEN🤎

  🦋BITTERSWEET 🦋

MINGYU POV:

Mid term Exam a hnaih tawh in, zirlai mai nilo zirtirtu te pawh kan inpuahchah ve nasa tawh hle a, zirtirtute pawn question set dan tur ngaihtuah In kan rilru kan seng nasa tawh hle.

"Vawiin tlai kha Dar li ah anih kha aw" senior Mr. Cha chuan a rawn ti lauh a. Vawiin hi kan principal piancham kum sawmnga na niin an in lamah zanriah ei min sawm hlawm a, a tu te mai pawh chu kan phûr tlâng tawh chu a nih hmel.

"Mingyu kal ve I tum em?" Miss jihyo ina alo tih chuan, "tum ve tho e, tinge I kal ve dawn lo ami?" Ka lo ti nghal var a. "Tum lem lo, vawiin chu ka nuamsam lo ema. In lama haw vat a mut hahdam ka ngai " atih chuan ka lo bu nghat² a.

Bell alo rik leh rual chuan keipawh class lam panin ka kal ve nghal a. Naupang ho lah chu an mut a chhuah hmel nasa mai, exam a hnaih tawh bawk a an țang hle ni tur a ni, an mitmen dan te chu ani nghulh mai  a, an hâm bâi² reng bawk.

"In syllabus in hre vek tawh a, a zir lamn kha chu in hna a ni ve tawh aw,han zir țâuh² teh u. " ka ti a, tun hnai ah hi chuan zirbelh ka nei pui tawh lemlo a, tihian an exam tur an zir ngawr² chu a ni.

Yubin chu ka  mit sir hian ka han melh leh zeuh a, a lehkhabu a bih reng emaw ka tih laiin alo chhîng leh hman tawh. A châng leh a âwn leh dâwr²  țhin a, ka nuih ati za lutuk chu ka phone phawrhin a thla ka lak ruk sak ta ringawt a.

Tunlai chu a ni pawh zirna lamah țan a la em² a, zan reia ka text te hian a hnu fe ah a rawn chhang let chauh țhin bawk a, lehlam tak chuan a chau ve hle ang tih pawh ka hriatthiampui a, zan rei tak² thleng lehkha a zir bawk a amah tawkah a țang ve hle.

Tlai lam school bân dâwnah chuan garage a ka car awmna  lam Pana ka kal chu Yubin nen kan intawk hlawl a, a mawi hnai a ka han nuih ve chu min nuih let ve miahlo hian min kal pel  hmawk² ringawt a.

Ka hamhaih lutuk chu ding dat in hnung lam chu ka hawi let leh nghal thuai a, "Choi Yubin " ka tih lawlh takah chuan rinloh deuh hian alo hawi let ve teh mial a.

"I thin a rim leh tawh ami?" Ka tih chuan ka lu a thing leh ang lawi a, henu awm dan hi hriatthiam a har ka ti țhin..a duh² hunah hian min be  țha luam a, a chang leh chhan leh vâng em² pawh awm silo hian a thin a rim leh thut² a, ka hmeichhe hriat tawh ah chuan ala dangdai ber hial  âwm e.

Amah chu pan hnaih nghal in, "Thinrimna nei ang maiin tinge I tûm bûr a?" Ka ti ta thlawt  a, a kutkuang kuah in alo thaw halh thung. "Keimah hi ka ni nghulh mai tunlai chu. Ka engtih mah hi a tuilo...engkim mai hian min ti chau vek, nangpawh hi i hmel ka hmuh ringawt pawh hian ka kâwng iti nâ." ati zui bul² a.

A thusawi dan chuan ka nuih ati za ngei mai, nui chhuak hak in, amah chu ka en leh vawng² a. "I period ami?" Ka tih chuan a mit sir hian min rawn melh ralh² a, "engtin nge I hriat?" Alo ti hau thung.

"Hmeichhe ho hi chu in period hi chuan in heti tlat zel alawm..in thin a chhe bawk a, in bula mite hi in haw vek emaw tih mai Turin mi hi in melh thîp thei mai sia.." ka ti a. "Eunbi hnen ațangin I experience hle anih dawn chu" tiin a zalo te hian a nui zui a.

"Ni e, Eunbi pawh kha a heti ve deuh ziah alawm..ani phei chu ei chak te kha a nei hluam² țhin a, I ni ve em? Ei chak te I nei em?" Ka tih zawm nghal zat a. A lu thing nang² pah in, "Nei lo, Eunbi ka ni ve lo tlat" tiin a ner suk , ngeiawm thiam ve  țhin tak chu a ni.