💙BITTERSWEET 💙 (Svt Mizo Ff)||completed

🤎TWENTY FIVE 🤎

🎀BITTERSWEET 🎀

MINGYU POV:

Yunhee pawh a dam țhat leh deuh tawh hnu chuan school pawh a kal ve leh thei tawh a. Eunbi pawn a chanchin min rawn zawt reng bawk a, a chang leh a rawn video call thûl...a fanu hi chu a ngai ve chiang a ni.

Naupang ho internal marks turin unit test kan neih pui deuh reng a, a khât tâwk hian paper check tur a awm deuh reng a, zanah pawh mutmu ka tuah țha meuh lo. Tun lai tak chu Yubin nen pawn kan inkar a țha a, thinrim châng nei leh zeuh mahse, tun hma angin a thinrim rei tawh ngailo a.

Zan lamah chuan Yubin lehkha zirtir turin an in lamah ka kal a, zan dang ang lo takin a nu leh a pate an lo awm ve teh mial a. A nu hi chu a hma in ka hmu tawh a, ani pawn min lo la hre ve reng ni tur ani U Seongcheol pawn min lo inhmelhriattir ve nâ in a nu erawh in min hmuh tawh thu alo sawi thung a.

"Ilo dam maw? Inhmuhlohna a rei leh ta hle mai a."  Tih pah in min rawn chibai a, amah ang rualah chuan ala in tuai mam peih hle aniang a  hmel a fai in, hmuh a nuam em² a, a inchei dan te pawh chu a ni deuh  thlap bawk.

"Enge hetah in rawn tih teh daih a?" Ka tih chuan, "Nia, hei Seongcheol te unau kan rawn leng vel mai² anih hi. Yubin I rawn zirtir leh dawn ami?" Atih chuan lo bu vatin, "Aw. Unit test an neih lai te ania, a thiamloh lai te ka'n hrilhfiah leh dawn anih hi" tiin ka nui zui ver² a.

"Nia, awi..a pa nen hian kan lo sawi țhin a, I awmlo ang tih hi kan hlau asin aw.  I zarah liau² anih hi tun dinhmun pawh a thlen ni, nilose chu tunah hian a hnuhnung pawl ala ni âwm sia" tiin a nui zui hak² a, a pa pawn min rawn be ve luam a, min biak pah te chuan an nui sâng reng a, mi fel tak zawng anni ngei ang.

"Zanriah I ei tawh em? " A pa zawk chuan alo ti a, "Aw, ei tawh e" tiin ka lo chhang vat a. "Aw, lo ei nawn leh mai ta che" tiin min han sâwm mawi ve a, mahse ka puar tawh thu in ka lo chhang thung a. Chaw an ei lai  chuan sitting room ah ngawi rengin ka lo țhu a, anni chhungkua erawh chaw ei pah in an titi mel² bawk a.

Tihtur ka hriat loh em avangin phone chu phawrhin message te chu ka reply ta vel mai² a. Ka number save ni si loh ațang te hian message ka dawng leh zeuh țhin a, a țhen hi chu ka student te ngei hi anni țhin.

Min rawn biak tirh te hi chuan anmahni hming leh class te hi an lo sawi ve thlap anga, an zirlai chungchang te min han sawipui leh anga a hnuah phei chuan mi te hi an bem loh leh an rualpui biak hian min be leh daih zel ang a, hetiang ho vang hian ania number block leh delete ka ngah a, number hriatloh hnen ațanga message ka dawn tawh hi chuan ka chhang lo hmak zel.

Somi lah hian mi hi a beisei ru ve reng a, tlaktlumloh a hlauh luatah Minseo a be țha in a kawmngaih ve em² a, thawmhnaw leh bag te thlengin a leisak țhin. A chang chuan hetiang thil ti tawhlo turin ka khap ve țhin bawk a mahse hrilh loh ang chiah a ni.

"Min lo nghak rei em?" Rawn ti sup tu avang chuan ka hawichho nghal thuai a, Yubin chu ka lam pan a lo kal in  ka țhutna piah chiah ah chuan alo țhu ve nghal a. "I ei puar bawk maw?" Ka tih chuan alo bu nghat² a.

"I nu leh I pa te chu an fel hle mai, mi biangbiak vel an thiam sia" ka tih leh chuan Intihtheih hmel fahran hian a mitko alo sân âk2 nghal a, henu țhin hi chu!. "Tikhan awm suh, I phakar hmel " ka tih chuan a nui zui leh har² a.

"Ka nu nge ka chhun itih ka pa?" Atih chuan amah chu en vung² in ka in ngaihtuah leh  phawt a. "I hmai fang vel ah chuan I nu I chhun a, I mitmeng ah chuan I pa I ang thung anih hi" ka tih chuan a nui leh ver² a, "Ka u nge hmelțha keimah?" Phur fahran hian alo ti leh a,  kei erawh beidawn hmel zet hian ka lo thaw zui hak.