وجهك يذكرني بالمطر في نجد وشامتك الي تزين قمراك كانها نجد لا هّلت سّحايبها .

مرد الروح لروحي ياسمـح المحيـا.1.

___________________________
تتمشى بالباديه وبين اسواقها الصغيره رغم ذالك الا انها مليانه بالحبُ وريحه الباديه الي مامثيلها الي تحسسك انك تمشي على ارض طاهره وتستشعر غصبًا عنك طيبة قلوب اهلها فجاه تشوف طفل صغير يركض لها ويمسك اصابعها الكبيره مقارنه لاصابعه ويقول
هيوني شوفي نايفه خذت بسكوتي.
خلاص ياقلبي ياعزام خلها هي صغيره ماتدري
انت كبير ويلا امش معي لعم محمود اشتري لك بسكوت ثاني.
ويبتسم الطفل بوجهها ويمشون جنب بعض والناس يناظرون هيا
وياخذونها بالمديح والكلام الي يوصل لاخر الباديه عن طيبة هيا وحنيتها على كل الناس .
وصلو لعم محمود ودكانه الي مافيه اشياء تشابه اشياء المدينه لكنه مليان حب وحنان بسبب عم محمود الي يحب دكانه وقصته قصه هو ودكانه والكل يحبه ويحب دكانه ولازم كل اهل الباديه يشترون منه بس هو لطيبته وعطفه عليهم .
لتنطق هيا ، سلام عليكم يا عم محمود شحالك شحال الدنيا معك عساك بخير يابعدي.
عرف عم محمود انها هيا من صوتها وكلامها وحنيتها عليه لينطق،
هلا ياهيا هلا بك والله بخير يامال الخير نحمد الله شحالك انتِ؟
والله ياعم انا بخير دامك بخير وحسك للحين موجود بهالدكان الله لايحرمنا منك ومن دكانك الحلو مثل عويناتك
يابعد حيي ياهيا امين يارب ومن يقول ولايحرمني من كلامك الحنين  ذا
معتس احد ولا لحالتس
اي ياعم معي عزام الرجال معصب لان نايفه خذت بسكوته وجيت اخذ له بسكوت
ضحك عم محمود على براءة عزام ونايفه ليمد يده لاحد الرفوف الخشبيه القديمه وياخذ منه بسكوت عزام المفضل صار يعرفه ويعرف بسكوته لان عزام اغلب وقته مع عم محمود ولا مع نايفه يلعبون ولا مع هيا يشتكي له ويسولف .
خذت هيا البسكوت وعطته عزام ونزلت لمستواه وتقول
ها رضيت يا رجال
ايه ياهيوني رضيت احبك يافضل صديقه انتِ احسن من نايفه
ضحكت هيا على عزام ونايفه الي منقارهتم ماتخلص بس يحبون بعض ويلعبون مع بعض دايم .
دخلت يدها في جيب جلابيتها تبي تدفع لعم محمود على بسكوت عزام
لا ياهيا لا يابنيتي مايحتاج
الا ياعم حقك وتاخذه
لا والله ماخذه
ياعم استغفر وخذه ان كان لي خاطرٍ عندك
استغفر الله واتوب اليه باخذه بس عشان خاطرك يا بنية
الله يسعدك ياعم يلا توصي
سلامتك يابنتي وانتبهي لعزام ورجعيه لبيتهم على طريقك
ابشر ياعم عزام بعيوني يلا فمان الله
مرت هيا على بيت اهل عزام الطيني بوسط الباديه لتدق الباب بخفه
وعزام ماسك يدها وباليد الثاني ياكل البسكوت انفتح الباب ونزلت هيا لمستوى عزام
يلا عزام حبيبي ادخل البيت ولا تتعب ماما خلك رجال وبكره اخذك ونروح نشوف جسار شراييك ابتسم عزام وضحك
طيب هيوني مارح اتعب ماما وبكره نروح نشوف جسار
جلس ينط بمكانه بفرحه
وام عزام ورا الباب تطل عليهم واول مالفت هيا عالباب وقفت ام عزام تطل عليهم وتكلمت من ورا الباب الله يسعدك يا هيا يابعدي انتِ دايم ترجعين لي عزام وهو فرحان ويضحك وفوقها تنصحينه مايتعبني الله يسعدك ياهيا الله يسعدك
ولو يا ام عزام عزام ولدي الي ماجبته انا ما سويت غير الواجب
دخل عزام البيت وكانت هيا بتروح بس وقفها صوت ام عزام وهي تقول لها تنتظر عند الباب استغربت هيا بس انتظرت وبينما هي تنتظر مر رجال مو غريب زوله عليها شافها واقفه قدام الباب صدت هيا وهي مستغربه من وقفته المفاجئة تكلم الرجال وقال وش عندك واقفه هنيا يا بنيه
انتظر اهل البيت
انتبهي يابنيه من الرجال مو كل رجال رجال
ابشر ماتقصر يابعدي
ها يلاه يابنيه فمان الله
الله معك
راح الرجال وهيا متعجبه من شهامته وخوفه عليها
راح فهد من عند البنت الي حس انها قريبه منه بس مايدري من هي
وهو متعجب من جمال عيونها ولمعتها وهدوء صوتها ولو ماسيطر على نفسه وهي تكلمه كان غفى بنص كلامه من هدوء وسكنيه صوتها
رجعت ام عزام وهي تعتذر عن التاخير وتمد لهيـاء مبلغ
مسكت هيا يد ام عزام ودخلتها هاذي لك يام عزام انتِ وعزام وزي ماقلت لك عزام ولدي ولا ابي منك شي غير سلامتك وسلامه عزام يلا فمان الله ماتقصرين مشت لين وصلت خيمه جدها وجدتها دخلت عندهم
مشاءالله الحبايب مجتمعين بدوني ! تعلت ضحكات جدها وجدتها وهاذا هو مرادها وبس صوتهم وحسهم هو مرداها وكل ماتسعى لأجله ولهم من دعواتها بكل فرض نصيب ضحكت نوره ونطقت لا والله ماتكتمل بدون هيا الجزلا وحسها نطق عزيز جعلني مابكيك ياهيـاء يابنت قليبي رمقت نوره عزيز بنظرة حاده لاحظوها اثنينهم وضحكو بس بس ياجد وهالكلمه لاسمعها منك مره ثانيه هالكلمه بس لحبيبه القلب والروح نويران وغيرها تحرم عليه هالكلمه ابتسم ثغر عزيز وقال اي والله انتس صادقه يابعدي ياهيونه غير نويران قلبي تحرم عليه هالكلمه بس انتِ وانا جدتس غلاتس من غلاه نويران لكن هي المتصدره بالقلب وعروقه جعلني مابكيكم بس ياجد وش هالكلام ماظنتي بغلاة نويران احد لا تحاول ابتسم ثغرها البشوش وهي تناظر جدتها بكل حبُ وجدتها ترد لها الابتسام وودها لو تشكرها على اعتراف عزيز لحبه لها رغم انه مايحتاج هالاعتراف لان الكل شاهد على حبهم والمشاقي الي ذاقوها لجل تقر عين عزيز بنوره والعكس صحيح
ابتسمت هيـاء وهي تعرف مابخاطر جدتها لكن وجودها هي وجدها عزيز يكفيها عن كل شيء قامت هيـاء ونطقت يلا ياعصافير الحب بخليكم وخذو راحتكم نطق عزيز وين ديارك ياهيـاء يابعد حيي ارتاحي ماتقرين انتِ
نطقت نوره خلها ياعزيز هالبنت انشدني عنها ماتقبضها ارضها ضحكت هيـاء عليهم ونطقت ابد ياجد يابعد حيي وميتي انت بجول الديرةّ وبدرج للبير على طريقي ماعاد به ماء نطقو عزيز ونوره بنفس الوقت الله يسهل دربك ويحفظك ربي وانتبهي لنفستس ابتسم ثغرهم ثلاثتهم وحط هيـا سبابتها على خشمها وهي تنطق على خشمي نطق عزيز عليه الشحم مير انتبهي لدربتس ولا تسرعين بخطواتس نطقت وهي تبتعد على خشمي وانتبه لنويران تراها غاليٍة علي نطق عزيز وهو يضحك ماتوصين حريص ونويران القلب وضلوعه وانتِ خابرتٍ الواحد مايقدر بلايا قلب صدت نوره بوجهها وهي تحسد نفسها على حب عزيز لها وماتدري هي وش سوت عشان يجازيها بهالعزيز ناظر فيها عزيز بحبُ ونطق الله يوفقها ويسهل دربها ولا ودي بيوم اقوم وانتم مو موجودين معي ولا قدام عيني بالذات هيـا هي تحتاجنا يانويران قلبي وباذن الله بنكون لها عون وسند لين تلقى الزوج الصالح وييسرها ربي .

مشت هيـاء وقررت تمر على صديقة روحها والوحيده الي تحكي لها مافي قلبها بارتياح (نجّـد) وصلت بيت الطيني القديم الي باين عليه قد ايش تعب وتحمل وشهد على كل الحبُ والحنان والصراخ والصراعات الي حصلت داخله وخارجه دقت الباب بخفه دقيتن بس.. كم ثانيه ووصلها صوت نجد الي يشابه صوت ابوها (العم فيصل) غمضت عيونها بقوه وهي تقول بخاطرها الله يرحمه وتدعي له دايم بكل فرض ماتخيلت فقده ابد هاذا وهي مو بنته فكيف حال نجد! سرحت ببالها بعيد عن نجـّد القابعه خلف الباب تنادي وتقول من ومالقت رد فرجعت خطوه للخلف بنيه انها ترجع لكنه سمعت كلمه هيـا المعتاده لها تنهدت بكل ارياحيه لما عرفت صاحبه الصوت والكلمه الي تبري الف جرح بخاطرها . نجديّ يابعد روحي وطوايفها بتخليني اجلس عند الباب لمتى نطقت نجّد اعقب واخسي وانا بنت فيصل اخلي نصفي الثاني عند الباب اتسع ثغر هيـا من كلمتها (نصفي الثاني.) تستشعر فيها حنية العم فيصل وطريقه كلامه وصوته وكل شي فيها يذكرها بالعم فيصل كانت هيـا رافعه برقعها من اول ماوصلت لباب بيت نجـّد ومو حاسه ابدًا بالي كان يراقبها ويسمع كل كلامها ويتمعن فيها بناظرته لين دخلت بيت بنت العم فيصل متعجب فيها مستغرب عن أسلوبها ولا عن طريقة كلامها ولا عن ابتسامته البشوشه ولا عن حياهـا ابتسم بحبُ بعدها أستوعب هو وش كان يدور بعقله تعوذ من ابليس ومشى لبيت جده مستغرب من نفسه كيف سمح لنفسه يفكر فيها ويراقبها وهو مايحل لها ابدًا ابدًا !
هو ماتربى على كذا لكن فيه حاجه بقلبه نغزته يراقبها ويسمع كلامها بكل حبُ استغفر ربه لما مرت على باله شامتها على خدها الأيسر والي جذبته اول شي فيها رجع يتعوذ من ابليس ويفكر بالعكسريه وجده والباديه قد ايش متغيره .
「عند نجـّد العذية وهيـا روح نجد وهواهـا」
ضمتها بقوة اول مالمحت ثغرها البشوش وشامتها اليسرا وقلبتّها بكل حنان وحبُ الي يشوفهم مايخطر على باله ولا واحد بالميه انهم صديقات يحبون بعض كانهم خوات وبينهم المودة والالفة موجوده دايمًا وابدًا جلست هيـا مع نجـّد وهم يدردشون لين تذكرت هيـا الرجال الغريب الي نصحها اليوم بانها تنتبه من بني جنسه وهلّـت السبحة لنجـد الي ماتخفي عليها شي ابد نطقت نجد وانا اخت هيـاء يقول لتس يابنية واضح الرجال ناويتس نيه مير انتبهي وخليتس ذيبه جعلني ماعدمتس انتبهت هيـا لبدايه غروب الشمس وحل الظلام قامت بسرعة ونطقت يابعدي يانجـّدي ماتقصرين وانا اختس انتِ عارفتني اني ذيبٍة من يومي ولا توصين مير انتِ الي انتبهي لنفستس هينـا
لحالتس مع هالاربع جدران وان كانتس تعزيني وتعديني اختس تعالي واسكني معنا انا وجدي وجدتي ترا مايجينا غريب واكيد انهم بيفرحون بجيتك عصافير الحبُ ضحكت نجـّد على كلمه (عصافيرالحبُ) ونطقت
انشاءالله ياختس انشاءالله مير انتِ ادرجي قبل يحل عليتس الدماس نطقت هيـا ابشري ابشري على خشمي اي اوامر ثانيه ؟ نطقت نجـّد سلامتس ياختس باست هيـا راس نجـّد وبعدها صفقتها صفقه خفيفه وطلعت تركض تعرف نجد زين ماهيب من الي يتركون حقهم ولو كان حقهم قليل طلعت وهي تضحك وتدعي ان الله يسيرها وتستودع نجـّد الله.

.....................................................................

لا استبيح القراءه بدون نجمة❤️.
حياكم حبايبي انستا....               hllh.h2