وجهك يذكرني بالمطر في نجد وشامتك الي تزين قمراك كانها نجد لا هّلت سّحايبها .

اتلهـّف لك ياسمـح المحيـا.13.

فتح عيونه بهدوء ويطالع المكان حوله...بيت غريب عليه...تنهد وهو يستقيم
وصاد بعيونه سرعان مالمح الغزل الشارد...توسعت عيونه وتنحنح ونطق ياهل البيت وين رجال البيت سرعان ماوصله صوتها العذب وهي تقول
ابوي ماهو هنيا لكنك ضيفي لين يرجع محتاج شي بلع ريقه بهدوء ونطق لا مانيب محتاج شي بس منهو ابوتس نطقت محمد بن مترك شافك مغمى عليك بالدرب ولا حولك احد وجابك هنيا نطق الله يجزاه خير وصلي سلامي له وإنا استأذن...خرج من البيت وبدا يتامل هالباديه...تنهد وهو يتذكرها
ومن غيرها...محبوبه قلبه...هيـاء...سرعان مادمعت عينه واخذ يمسحها بسرعه وابتداء يمشي للمبنى لاجل ياخذ سيارته ويرجع لديار نجدية لعلى وعسى محبوبته هناك...

فتحت عيونها رمشت عدة مرات لاجل تستوعب هي وين...بسرير رفيقه دربها تنهدت واستقامت واتجهت للمطبخ وهي تسوي الفطور لنويران وعزيز
بلعت ريقها وهي تحس بنويران خلفها وكيف ماتتوتر وهي بالأمس قايله لها كل شي...ربتت نويران على كتف نجد وكانها تواسيها وابدت تساعدها بالمطبخ...

فتح عيونه والنوم مجافيه وكيف مايجافيه وهو بالأمس عرف بختطافها...البنت الوحيده الي كان بوسعها تربكه وتزرع فيه شعور والف شعور اراضيها غير معروفه ولا يمديه يكحل عيونه بشوفتها...تنهد وهو يستقيم من سريره ويتعهد ماينام له جفن وجمـرته مفقوده...اي نعم يسميها الجمره
حلوه وتدفيك لكن اذا قربت منها احرقت واوجعتك لكنك بكل مره ترجع لها لان مافيه غيرها يدفيك ويبعد عنك البرد...تتعبه رغم ذاك يحبها...اخذ جواله وهو يتصل على ظافر...سرعان ماوصله صوت ظافر وهو ينطق يامرحبا والله بالثلاجه ابلشتني بذيب ورحت نطق فهد بحده وهو ابدًا مو رايق لظافر ومزحه ظافر مو وقتك تعال لي في نجدية وجب معك فريقً كامل
شرق ظافر بالمويه الي كان يشربها ونطق يتسأل فريق كامل ياظالم وش بتسوي انت نطق فهد سو الي قلت لك الان بسرعه وقفل...وعض شفته وهو يبحث عن رقم ذيب وسرعان مالقاه وضغط عليه يتصل بدون اي تردد وسرعان ماوصله صوت ذيب الواضح انه باتصاله ازعجه بنومه هلا يالفهد
عسى ماشر وشبك متصل بهالوقت نطق الفهد الي ارسلتني لاجله متواجد عندي بنجدية واتصلت اقولك بس اني طلبت من ظافر يجيني لنجديه ومعه فريق وبنهي المهمه بأسرع وقت نطق ذيب الله يوفقك وابد الي تسويه يالفهد انا معك وبرسل لك مع ظافر الرائد نواف وفريقه وان كانك احتجت شي زياده بيننا تلفون نطق فهد ماقصرت يالذيب وابشر ان شاء الله بتصل لك وبعلمك بأخر المستجدات فمان الله...سكر...تنهد وهو يفكر فيها وين ممكن تكون اراضيها...استقام وهو يلبس ثوبه الأبيض واخذ شماغه ولفه على راسه بشكل عصبه واتجه للصاله يبلغ جده بأنه بيبدأ مهمه البحث عن جمرته سكر باب غرفته وهو صاد وتنحنح وسرعان ماوصله صوت جدته وهي تناديه لاجل يجلس معهم اتجه لجده وحب راسه والمثل لجدته ونطق بصوته شحالك يانجد نطقت نجد بتوتر واضح بخير نحمد الله نطق فهد جعله دوم ولف لجده وسأله ياجد انت متى اخر مره لمحت هيـاء تنهد عزيز ونطق قبل ثمن ايام عالضحى جاتني وبلغتني بانها بتسير لنجد وراحت وبعدها مالمحتها لف وهوعلى نجد وهو منزل نظره وفزت نجد بتوتر وهي خايفه من هالفهد ومن يلومها نطق يسألها وانتِ متى اخر مره لمحتيها نطقت قبل تسع ايام قالت لي قبل ماتنخطف بيوم انها بعد الظهر بتجيني وجلست انتظرها وجاء المغرب وهي ماجاتني وشوفه عينك نطق الفهد طيب يصير خير انشاءالله انا بطلع ادور عليها وانت ياجد ارتاح هنيا نطق عزيز يقاطعه لا والله مارتاح وهيـاء ماهيب قدام عيوني تنهد فهد ونطق وهو يستقيم ياجد انا بطلع ادورها ومعي فريق من الشرطه لا تقلق خلك هنيا وارتاح فمان الله...